ខ្មោចលង៖ «ខ្ញុំរាងចាល ឈប់ថតរូបតែម្នាក់ឯងទៀតហើយ»
នេះហើយ គេហៅថា ការភ័យលោះព្រលឹង ព្រោះជឿងថា មាន«ខ្មោចលង»។ នាង ណាតាសា បូដេន (Natasha Boden) អាយុ២៦ឆ្នាំ បានរត់ចេញពីគេហដ្ឋានរបស់ខ្លួន ក្នុងក្រុង «Blackpool» ទាំងព្រលឹងនៅចុងសក់ និងបានបដិសេធ លែងត្រឡប់មកជាន់វិញ បន្ទាប់ពីនាងបានឃើញស្រមោលបុរសម្នាក់ មកឈរពីក្រោយខ្នងនាង នៅពេលដែលនាងថតរូបខ្លួនឯងតាមទូរស័ព្ទ។
ហេតុការណ៍នេះ បានកើតឡើងតាំងពីសប្ដាហ៍មុន ក្រោយពីបានឆ្នៃម៉ូដសក់ថ្មី នាង បូដេន ចង់ថតរូបខ្លួនឯងនេះ ដើម្បីចង់ដឹងថា តើមុខមាត់របស់នាង បានផ្លាស់ប្ដូរ និងស្អាតយ៉ាងដូចម្ដេច។ ប៉ុន្តែនៅពេលនាងសម្លឹងមើលរូបថត ដែលនាងថតរូបរួច នៅក្នុងបន្ទប់នោះ នាងភ័យដល់ថ្នាក់លោះព្រលឹង។ នាងបានថ្លែងប្រាប់សារព័ត៌មានអង់គ្លេស «The Sun» ថា៖ «ខ្ញុំព្រឺសម្បុរគីង្គក់ខ្ញាក នឹងរូបស្រមោលមុខមនុស្សប្រុសម្នាក់ ដែលឈរពួននៅពីក្រោយ ខាងស្ដាំដៃខ្ញុំ»។
សម្រាប់ស្ត្រី ដែលមានកូនស្រីមួយនាក់រូបនេះ [...]
