ឡាក់ សុភាព៖ កឹម សុខា ថា សម រង្ស៊ី ទទួលលុយ៤០លាន បាន២០លាន (vdo)
លោក កឹម សុខា បានថ្លែងនៅក្នុងអង្គប្រជុំគណបក្សសង្គ្រោះជាតិថា លោក សម រង្ស៊ី ទទួលប្រាក់៤០លានដុល្លារ បាន២០លាន នៅ២០លានទៀត។ នេះជាការថ្លែងរបស់អ្នកស្រី ឡាក់ សុភាព ទៅកាន់ក្រុមអ្នកយកព័ត៌មាន នៅពេលដែលអ្នកស្រីបានដឹកនាំការធ្វើបាតុកម្ម នៅមុខទីស្នាក់ការកណ្ដាល របស់គណបក្សសង្គ្រោះជាតិ កាលពីថ្ងៃទី០១ ខែមករា ឆ្នាំ២០១៥។
អ្នកស្រីបានបន្តអះអាង ទាំងគ្មានភស្ដុតាង«រឹង» មកបញ្ជាក់ទៀតថា នៅក្នុងអង្គប្រជុំគណកម្មការនាយក ដែលមានសមាជិកប្រមាណជា២ភាគ៣ លោក កឹម សុខា បានឆ្លើយទម្លាក់បញ្ហាលុយនេះ មកលើអ្នកស្រី និងលោក សម រង្ស៊ី ដែលជាប្រធានគណបក្ស។ អ្នកស្រីនិយាយថា៖ «ខ្ញុំ ឡាក់ សុភាព បានប្រាប់ព័ត៌មានទៅគាត់ (កឹម សុខា) ថាលោកប្រធាន សម រង្ស៊ី ណ្នឹងយកលុយពីណាទេ ៤០លាន បាន២០លាន ហើយខ្ញុំអត់ដឹងអ្វីទាល់តែសោះ»។
[...]