កម្ពុជា៖ វិទ្យុបារាំងអន្តរជាតិជាខេមរភាសា បង្កើនការផ្សាយដល់១៤ម៉ោង
ចាប់ពីថ្ងៃទីបីខែមិថុនានេះទៅ ការផ្សាយជាខេមរភាសារបស់វិទ្យុបារាំងអន្តរជាតិ នឹងបង្កើនម៉ោងផ្សាយរបស់ខ្លួន រហូតដល់១៤ម៉ោងក្នុងមួយថ្ងៃ ដែលកន្លងមកផ្សាយតែមួយម៉ោងប៉ុណ្ណោះ។
រូបថតចម្លងពីអេក្រង់របស់គេហទំព័រនៃវិទ្យុបារាំងអន្តរជាតិជាខេមរភាសា។
គេត្រូវនិយាយថា មហិច្ឆតារបស់វិទ្យុបារាំង មានទំហំធំធេងណាស់ ក្នុងការផ្ដល់ទៅឲ្យអ្នកស្ដាប់ជាជនជាតិកម្ពុជា សម្រាប់រយៈពេល រហូតដល់ទៅ១៤ម៉ោងក្នុងមួយថ្ងៃ។ មុននឹងមកដល់ថ្ងៃនេះ វិទ្យុជាភាសាខ្មែរនេះ បានធ្វើការផ្សាយរបស់ខ្លួនក្នុងរយៈពេលមួយម៉ោង តែជាមួយនឹងបុគ្គលិកជាអ្នកកាសែតប្រាំរូប នៅប្រទេសបារាំង ចេញផ្ទាល់ពីទីក្រុងប៉ារីស និងអ្នកឆ្លើយឆ្លងព័ត៌មានមួយចំនួនទៀត នៅប្រទេសកម្ពុជាប៉ុណ្ណោះ។
ប៉ុន្តែចាប់ពីថ្ងៃទី០៣ខែមិថុនានេះទៅ នៅការិយាល័យនៅភ្នំពេញ [...]
