Posts tagged as "Heng Samrin"

នេះ គេនៅមិនទាន់រាប់ ពីពេលមុនៗ កន្លងមកផងទេ។ ជំនួបជួបគ្នា និយាយ​ពិភាក្សាតែពីរឿងដដែលៗ ធ្វើឲ្យ​គេឆ្ងល់ថា តើមន្ត្រីជាន់ខ្ពស់​មកពីប្រទេសទាំងពីរ គ្មានគម្រោងអ្វីថ្មីទេឬ? ឬមួយភាគីម្ខាង ចាំបាច់​ត្រូវ​មក​ធ្វើការ​ក្រើន​រំលឹក ដាស់តឿនភាគីម្ខាងទៀត ពីរាល់តែសំនុំរឿង ដែលបានជជែកគ្នារួចហើយនោះ?

ជាពិសេសបញ្ហាព្រំដែន ដែលរដ្ឋាភិបាលលោក ហ៊ុន សែន តែងប្រកាសមិនដាច់ពីមាត់ ថាមាន​កិច្ច​ព្រម​ព្រៀង​រវាងប្រទេសទាំងពីរ ធ្វើឲ្យចំណេញដីដល់កម្ពុជា រហូតដល់ធ្វើកិច្ចព្រមព្រៀងបំពេញបន្ថែម។ល។ ត្រូវបានយក​មក​ជជែក​ហើយ​ជជែក​ទៀត អស់ពីថ្នាក់រដ្ឋមន្ត្រី ឥឡូវបន្តមកដល់ថ្នាក់ប្រធានរដ្ឋ (ស្មើ​ប្រធានា​ធិបតី ឬ​ព្រះ​មហា​ក្សត្រ)។ ប្រសិនជាករណីនេះ ជាបញ្ហាបច្ចេកទេស ក៏គេគួរទុកឲ្យមន្ត្រីថ្នាក់ក្រោម នៅក្នុង​គណៈ​កម្មការ​ចម្រុះ​​ខណ្ឌ​សីមា និងបោះបង្គោលព្រំដែនគោក កម្ពុជា-វៀតណាម ជាអ្នកសម្រេច និងជា​អ្នក​ជជែក​ពិភាក្សា​គ្នា [...]

នៅក្នុងដំណើរទស្សនកិច្ចលើកទីមួយនៅកម្ពុជា បន្ទាប់ពីបានឡើង​មកកាន់តំណែង​នៅពីថ្ងៃទី៩ ខែ​មេសា​កន្លង​មកនេះ រដ្ឋមន្ត្រីការពារជាតិវៀតណាម លោក ង៉ូ ស៊ុនលិច (Ngo Xuan Lich) បានលើកករណី​ព្រំដែន និង​​ការ​បោះ​បង្គោលព្រំដែន ជាមួយនឹងឥស្សរជនខ្មែរយ៉ាងហោចពីរនាក់ គឺប្រធានរដ្ឋសភា លោក ហេង សំរិន និង​រដ្ឋមន្ត្រីការពារជាតិកម្ពុជា លោក ទៀ បាញ់។ ការលើករបៀបវារៈ​ទាក់ទងនឹងករណីព្រំដែន សឹងជារៀង​រាល់​ដង នៃទស្សនកិច្ចរបស់មន្ត្រីជាន់ខ្ពស់វៀតណាម បានបង្កមន្ទិល​ទៅដល់កិច្ច​ព្រមព្រៀង​ព្រំដែន​ទាំងឡាយ ដែល​ប្រទេស​កម្ពុជា បានចុះហត្ថលេខាជាមួយប្រទេសវៀតណាម។

បន្ទាប់ពីជំនួបពីរ​ផ្សេងគ្នា ង៉ូ ស៊ុនលិច-ហេង សំរិន និង ង៉ូ ស៊ុនលិច-ទៀ បាញ់ កាលពីថ្ងៃទី១ ខែមិថុនា​កន្លង​មក ភាគីទាំងសងខាង សុទ្ធតែបានប្តេជ្ញា ពង្រឹង​សន្តិភាពតាមព្រំដែន រវាងប្រទេសទាំងពីរ និងប្ដេជ្ញាធ្វើឲ្យ​ជឿន​លឿន​ទៅ​មុខ ក្នុងកិច្ចការបោះបង្គោលព្រំដែនគោក [...]

ក្នុងកិច្ចប្រជុំពេញអង្គ របស់រដ្ឋសភាកម្ពុជា កាលពីថ្ងៃ៣០ ខែតុលា ឆ្នាំ២០១៥ កន្លងមកនេះ ក្រៅពីបង្រៀន​តំណាងរាស្រ្ត មកពីគណបក្សប្រជាជនកម្ពុជា ទាំង៦៨រូបនោះ លោក ហេង សំរិន ប្រធានរដ្ឋសភា ក៏បាន​បង្រៀន ប្រធានគណបក្សប្រជាជនកម្ពុជា និងជានាយករដ្ឋមន្រ្តី គឺលោក ហ៊ុន សែន ដែលកំពុងមានវត្តមាន ក្នុងអង្គប្រជុំរដ្ឋសភានោះដែរ។ ហើយលោក ហេង សំរិន ក៏បានបង្រៀន លោក ង៉ួន ញ៉ិល អនុប្រធានទីពីរ នៃរដ្ឋសភា និងលោក ស ខេង រដ្ឋមន្រ្តីក្រសួងមហាផ្ទៃ និងជាប្រធានក្រុមតំណាងរាស្រ្ត មតិភាគច្រើន ដែល​មានសន្លឹកឆ្នោតក្នុងដៃ ឲ្យគូស លើប្រអប់សរសេរថា «ព្រម»។

លោក ហេង សំរិន បានប្រកាស ក្នុងអង្គប្រជុំសភាទាំងមូល ថាត្រូវគូសថា «ព្រម»។ ប៉ុន្តែគេមិនដឹងជាមកពីអ្វី ទើបបាន«នាំមាត់» ប្រធានរដ្ឋសភារូបនេះ ឲ្យច្រឡំនិយាយថា គូសលើប្រអប់«មិនព្រម»។ បន្ទាប់ភ្លាមៗ​នោះ​ដែរ លោកក៏បានព្យាយាម ធ្វើការបកស្រាយវិញដែរថា គូសលើប្រអប់«ព្រម» វិញ។

អង្គកិច្ចប្រជុំសភាពេញអង្គ ដែលមានវត្តមាន នៃអ្នកតំណាងរាស្រ្ត៦៨រូប មកពីគណបក្សប្រជាជនកម្ពុជា បាន«ស្រុះស្រួលគ្នាជាឯកច្ឆ័យ» ក្នុងការទម្លាក់លោក កឹម សុខា ពីតំណែងអនុប្រធានទីមួយនៃរដ្ឋសភា នៅព្រឹកថ្ងៃទី៣០ ខែតុលា ឆ្នាំ២០១៥នេះ។

តាមសកម្មភាព នៃកិច្ចប្រជុំពេញអង្គ ពាក់ព័ន្ធនឹងការដកតំណែងលោក កឹម សុខា តាមរយៈការបោះឆ្នោត​នោះ ត្រូវទទួលបានលទ្ធផល នៃសម្លេងគាំទ្រឲ្យទម្លាក់លោក កឹម សុខា ៦៨ លើ ៦៨ សម្លេង។ សម្លេង​សំខាន់ៗ ក្នុងការបោះឆ្នោត គាំទ្រទម្លាក់លោក កឹម សុខា នោះរួមមាន លោកនាយករដ្ឋមន្រ្តី ហ៊ុន សែន, ប្រធានរដ្ឋសភាលោក ហេង សំរិន, អនុប្រធានទីមួយ នៃរដ្ឋសភាលោក ង៉ួន ញិល, រដ្ឋមន្រ្តីក្រសួង​មហាផ្ទៃ និង​ជាប្រធានក្រុមតំណាងរាស្រ្ត មតិភាគច្រើនក្នុងរដ្ឋសភា លោក ស ខេង។

ក្នុងកិច្ចប្រជុំពេញអង្គនេះ ប្រធានរដ្ឋសភា លោក ហេង សំរិន បានលើកឡើងថា៖ «ការបោះឆ្នោតដកតំណែង អនុប្រធានទីមួយនៃរដ្ឋសភា ពីឯកឧត្តម កឹម សុខា យោងលើញត្តិ [...]