«កែម ឡី មិនពាក់ព័ន្ធនឹងការអង្កេតរបស់ Global Witness»
អង្គការឃ្លាំមើលពិភពលោក ដែលហៅជាភាសាអង់គ្លេស «Global Witness» មិនបានទាក់ទងលោកបណ្ឌិត កែម ឡី ដើម្បីរៀបចំរបាយការណ៍ស៊ើបអង្កេតចុងក្រោយបង្អស់ របស់ខ្លួន ទាក់ទងនឹងកម្ពុជា ដែលមានចំណងជើងថា «Hostile Takeover» ឬ «ការគ្រប់គ្រងដ៏អរិភាព» នោះទេ។ នេះ បើយោងតាមសេចក្តីថ្លែងការណ៍មួយ ចេញផ្សាយកាលពីថ្ងៃព្រហស្បតិ៍ម្សិលម៉ិញ របស់អង្គការដែលមានទីស្នាក់ការកណ្ដាល នៅក្នុងចក្រភពអង់គ្លេសមួយនេះ។
សហស្ថាបនិកនៃអង្គការឃ្លាំមើលពិភពលោក លោក ភែទ្រីក អែលី (Patrick Alley) បានសរសេរឲ្យដឹង នៅក្នុងសេចក្តីថ្លែងការណ៍នោះថា៖ «លោក កែម ឡី មិនបានជាប់ពាក់ព័ន្ធ នឹងការស៊ើបអង្កេត (ឬសម្រង់ទិន្នន័យ) របស់អង្គការ "Global Witness" សម្រាប់របាយការណ៍នេះទេ ដែលផ្ទុយគ្នាស្រឡះ ពីការចេញផ្សាយរបស់សារព័ត៌មានមួយចំនួន» ។
របាយការណ៍ «ការគ្រប់គ្រងដ៏អរិភាព» របស់អង្គការ «Global [...]
