ឈាង វុន៖ ធុងសម្រាមក្នុងរដ្ឋសភា ត្រូវលាងសំអាត
នៅក្នុងសន្និសិទ្ធិសារព័ត៌មាន នាថ្ងៃទី១១ ខែវិច្ឆិកានេះ ប្រធានគណៈកម្មការកិច្ចការបរទេស និងព័ត៌មានរបស់រដ្ឋសភា លោក ឈាង វុន បានបង្ហាញថា បុគ្គលិករដ្ឋសភាបច្ចុប្បន្នជាងមួយពាន់នាក់។ លោកចាត់ទុកថា នេះជាចំនួនដ៏ច្រើន ដែលជាកង្វល់ធំរបស់រដ្ឋសភា ត្រូវធ្វើការដោះស្រាយជាថ្មី។
រដ្ឋសភាមានគោលនយោបាយ ផ្តល់ប្រាក់លើកទឹកចិត្ត អ្នកដែលអសកម្មមួយចំនួន ហើយស្ម័គ្រចិត្តចេញ និងអ្នកដែលត្រូវចូលនិវត្តន៍ ពិសេសកាត់បន្ថយមន្ត្រីមួយចំនួន ដែលមិនមកធ្វើការទៀងទាត់តាមតួនាទីខ្លួន។ តំណាងរាស្ត្រមណ្ឌលបាត់ដំបងមកពីគណបក្សកាន់អំណាចរូបនេះបានបន្តថា លោកនឹងប្រើប្រាស់រូបមន្តផ្តល់ប្រាក់បៀវត្សរ៍៨០% ក្នុងរយៈពេល១០ខែ ដូចក្នុងអាណត្តិទី៤ រដ្ឋសភាក៏បានជម្រុះបុគ្គលិកប្រមាណជាង២០០នាក់ចេញពីរដ្ឋសភា។
[...]