Posts tagged as "Droits de femme"

តើរូបថតនេះ (រូបថតពេញ នៅខាងក្រោម) ពិតជារូបថត របស់កញ្ញា សាសា ហៅ ឯក សុជាតា មែនឬ? គណនី​ហ្វេសប៊ុកមួយ របស់យុវជន អូន វណ្ណសាក់ (Oun Vansak) ដែលគេធ្លាប់ស្គាល់ថា ជាយុវជនសកម្មក្នុង​ការងារ​សង្គមនោះ បានយករូប​នេះ​មក​ផ្សាយ នៅលើជញ្ជាំងគណនេយ្យរបស់ខ្លួន ដោយបានសរសេរអមថា៖ «អាណិត កញ្ញា សាសា ណាស់ សង្ឃឹមយុត្តិធម៌ មានសំរាប់បងស្រី»។

រូបនេះ ត្រូវបានបង្ហោះពី៣ម៉ោងមុន និងបន្ទាប់មក មានការចែករំលែកភ្លាមៗ ដល់ទៅជាង១០០នាក់។ អ្នក​ប្រើ​ប្រាស់ បណ្ដាញសង្គមភាគច្រើន បានជឿជាក់ថា នេះពិតជារូបថតមែនទែន នៃការរងគ្រោះ របស់កញ្ញា សាសា ពីក្នុងហេតុការណ៍វាយតប់ បង្កឡើងដោយជនម្នាក់ ដែលគិតថាខ្លួនមានអំណាច នៅក្នុង​ក្លឹប​ឡា​ហ្គេ​ន​បា ស្ថិត​នៅ​សង្កាត់​ទន្លេ​សា​បាក់ ខណ្ឌចំការមននោះ កាលពីយប់ថ្ងៃទី២ ខែកក្កដា កន្លងមក។ ប៉ុន្តែអ្នកប្រើប្រាស់ម្នាក់ បានសរសេរថា មិនមែនជារូបមែនទែន ឬជារូបរបស់កញ្ញា សាសា នោះទេ។

យ៉ាងណាក៏ដោយ [...]

តើនៅព្រះរាជាណាចក្រកម្ពុជា គេពិតជាអាចវាយតប់នរណាម្នាក់ បានស្រេចនឹងចិត្តឬ ប្រសិនជា​ម្នាក់នោះ មិន​មានឈ្មោះបោះសម្លេង? ដើម្បីដឹងពីចម្លើយនេះ កញ្ញា សាសា ដែលមានឈ្មោះ ឯក សុជាតា និងជាជនរង​គ្រោះ ក្នុងអំពើវាយតប់ដ៏ហិង្សាឃោឃៅ ពីសំណាក់ជនម្នាក់ កាលពីយប់ថ្ងៃទី២ ខែកក្កដានោះ បានបង្ហើប​ថា ជនដ៏ព្រៃផ្សៃនោះ បានទូរស័ព្ទមកនាង ដើម្បីធ្វើការសុំទោស ដោយអះអាងថា ខ្លួនមិនបានស្គាល់​កញ្ញា ជា​នរណា។

នៅលើគណនេយ្យហ្វេសប៊ុក របស់កញ្ញា សាសា អតីតតារាទូរទស្សន៍ ស៊ីធីអិន រូបនេះ បានសរសេរតប ទៅនឹង​ការសួរសុខទុក្ខ របស់ញាតិមិត្ត  ដែលទំនងជា«ជីដូន»ម្នាក់ របស់កញ្ញាថា៖ «ពេលគាត់តេមកចៅ កាលពី​ម្សិល​មិញ គាត់ថា គាត់សុំទោស គាត់ស្រវឹងខ្លាំង ហេីយគាត់អត់ស្គាល់ចៅ ថាជានរណា?»

អតីតតារាទូរទស្សន៍ មិនបានបញ្ជាក់ថា «គាត់»នោះ ជានរណាទេ។ ប៉ុន្តែបើតាមដីការឲ្យនាំខ្លួន របស់សាលា​ដំបូងរាជធានីភ្នំពេញ និងតាមរយៈវីដេអូចំនួនពីរ [...]

សំនុំរឿងកក្រើកមេឃ របស់បុរសម្នាក់ ដែលគិតថាខ្លួនមានអំណាច និងដែលត្រូវបាន កាម៉េរ៉ាសុវត្ថិភាពមួយ ចាប់​រូបភាព ពីការប្រើទង្វើហិង្សា លើអតីត​ពិធី​ការិនី​ទូរទស្សន៍ ស៊ី​ធី​អិន ក​ញ្ញា សាសា​ នោះ កំពុងត្រូវបាន​តុលាការ​ចាត់វិធានការហើយ។ ប្រតិកម្មរបស់សាលាដំបូង មិនបាននៅដង្អក់ពេលយូរឡើយ ដោយនៅ​ល្ងាច​ថ្ងៃ​ទី​០៨ ខែកក្កដា ឆ្នាំ​២០១៥នេះ ព្រះរាជអាជ្ញារង លោក ហ៊ឹង ប៊ុនថន បានចេញ​ដីកា​បញ្ជាទៅ​សមត្ថកិច្ច ​នាយក​ដ្ឋាន​នគរបាល​ព្រហ្មទណ្ឌ ​នៃ​ក្រសួងមហាផ្ទៃ ឲ្យនាំខ្លួនលោក​ឧកញ៉ា សុខ ប៊ុន ដើម្បីចូលឆ្លើយបំភ្លឺ ​ទាក់​ទង​ករណី​ប្រើ​អំពើហិង្សា ​លើអតីតតារាទូរទស្សន៍។

ពាក្យបណ្ដឹងមួយ បានដាក់ទៅតុលាការ សាលាដំបូងរាជធានី ប្ដឹងចោទលោក​ឧកញ៉ា សុខ ប៊ុន ប្រធាន​ក្រុមហ៊ុន តេហូ ឌឺវើឡូពើមិន (TEHO Development) និង​ជា​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា និង​អង្គរក្សរបស់លោកផង ថាបាន​ព្រួត​គ្នា​ [...]

លោកនាយករង នៅវិទ្យាល័យ ជា ស៊ីម បឹងកេងកង បានលើកឡើង ក្នុងបទសម្ភាស ជាមួយទស្សនាវដ្តី មនោរម្យ.អាំងហ្វូ ថា លោកមិនបានអនុញ្ញាត ឲ្យអ្នកណាម្នាក់ មកវាយសិស្សលោក ដល់សាលានោះទេ តែ​បុរសម្នាក់នោះ ស្តាប់ច្រឡំខ្លួនឯង បានជាប្រព្រឹត្តរឿងមិនគប្បី ទៅទះកំផ្លៀងសិស្សស្រីលោក ដល់ក្នុង​សាលា​បែបនេះ។

ការថ្លែងលើកឡើងរបស់ លោកនាយករង ម៉ម ស៊ីម៉ាន បានធ្វើឡើង ខណៈដែលម្តាយ កូនសិស្សស្រីរងគ្រោះ អ្នកស្រី អុច ភឿន បានទៅដល់សាលា ហើយសួរនាំពីហេតុការណ៍ ដែលអ្នកស្រីបានឃើញ ក្នុងវីដេអូ​ឃ្លីប​បង្ហោះ តាមហ្វេសប៊ុក កាលពីពេលថ្មីៗ។ នៅក្នុងវីដេអូនោះ គេឃើញបុរសម្នាក់ បានស្ទុះទៅវាយកូនអ្នកស្រី ហើយត្រឡប់មកនិយាយថា ខ្លូនបានសុំការអនុញ្ញាត ពីនាយករួចហើយ។ អ្នកស្រីបានសួរបញ្ជាក់ ជាមួយ​លោក​នាយករងខាងលើថា តើលោក ពិតជាបានអនុញ្ញាត ឲ្យគេចូលវាយសិស្ស ដល់ក្នុងសាលាមែនឬទេ។

តបទៅនឹងសំនួរនេះ លោកនាយករង ម៉ម ស៊ីម៉ាន បានបញ្ជាក់ថា ពេលនោះ [...]

ហេតុការណ៍ រំលោភសេពសន្ធវៈ ជាក្រុម (ឬរំលោភបូក) បានផ្ទុះឡើងសារជាថ្មីទៀត នៅក្នុងប្រទេសឥណ្ឌា ហើយបាន​ធ្វើឲ្យអ្នកផង នឹកឃើញឡើងវិញ ពីព្រឹត្តិការណ៍រំលោភបូក ទៅលើយុវនិស្សិតស្រីម្នាក់ នៅលើរថយន្ដក្រុង ក្នុងរដ្ឋធានី ញ៉ូដេល្លី កាលពីឆ្នាំ២០១២។ កាលពីថ្ងៃពុធសប្ដាហ៍មុន យុវតីជំទង់ម្នាក់ទៀត បានស្លាប់ដោយសារ បានរងរបួសធ្ងន់ធ្ងរ បន្ទាប់​ពីនាង ត្រូវបានបោះចេញ ពីរថយន្ដក្រុង ដោយមនុស្សប្រុស អ្នកចាប់រំលោភមួយក្រុម។

ហេតុការណ៍ បានកើតឡើង នៅលើដងផ្លូវជាតិ ម៉ូហ្គា (Moga) ភាគខាងជើងនៃប្រទេស ដែលស្ថិតនៅមិនឆ្ងាយប៉ុន្មាន ពី​ព្រំដែនជាមួយ ប្រទេសប៉ាគីស្ថាន។ នេះបើតាមការអះអាង របស់ស្ត្រីជាម្ដាយ អ្នកស្រី ស៊ីដ័រ កូរ (Shinder Kaur) ដែល​កំពុង​​សម្រាកព្យាបាលខ្លួន នៅក្នុងមន្ទីរពេទ្យ ថ្លែងប្រាប់ ទូរទស្សន៍ NDTV។ ខណៈពេល ដែលស្ត្រីជាម្ដាយ យុវតី​ជំទង់​ជា​កូនស្រី និង​កូនប្រុសម្នាក់ទៀត បានធ្វើដំណើរទាំងយប់ នៅលើរថយន្ដក្រុងមួយ [...]