ហ៊ុន សែន៖ សន្តិភាពបានមកពីកិច្ចព្រមព្រៀងក្រុងប៉ារីស ឆ្នាំ១៩៩១
ក្រោយពីលើកឡើងកាលពីសប្ដាហ៍មុន ដែលថា កិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១ បានស្លាប់ទៅហើយ លោកនាយករដ្ឋមន្ត្រី ហ៊ុន សែន បានរំលឹកជាថ្មីនៅថ្ងៃនេះ ថ្ងៃទី២៣ ខែតុលា ឆ្នាំ២០១៧ ដែលជាថ្ងៃខួបលើកទី២៦ នៃការចុះហត្ថលេខាលើកិច្ចព្រមព្រៀងនេះ កាលពីថ្ងៃទី២៣ ខែតុលា ឆ្នាំ១៩៩១ ដើម្បីបញ្ចប់ជម្លោះរវាងភាគីខ្មែរ និងនាំមកឲ្យប្រទេសកម្ពុជាវិញ នូវលិទ្ធិប្រជាធិបតេយ្យ សេរីពហុបក្ស។
ដោយភ្ជាប់មកជាមួយវីដេអូមួយផង លោក ហ៊ុន សែន បានសរសេរដូច្នេះ នៅមុននេះបន្តិច នៅលើទំព័រហ្វេសប៊ុករបស់លោក។ លោកសរសេរថា៖ «ថ្ងៃនេះ គឺជាខួបលើកទី ២៦ នៃកិច្ចព្រមព្រៀងទីក្រុងប៉ារីស (២៣ តុលា ១៩៩១-២៣ តុលា ២០១៧) ដែលបាននាំមកនូវសន្តិភាព សម្រាប់កម្ពុជា។ ពិតប្រាកដណាស់ គឺកម្ពុជាចងចាំ និងដឹងគុណយ៉ាងជ្រាលជ្រៅ ចំពោះ ព្រះបិតាឯករាជ្យជាតិខ្មែរ ព្រះបាទសម្តេចព្រះ នរោត្ដម សីហនុ ព្រះបរមរតនកោដ្ឋ ដែលព្រះអង្គបានតស៊ូលះបង់ និងបូជាគ្រប់យ៉ាង [...]
