គឹម សុខ ត្រូវ​បាន​ដោះលែង​បន្ទាប់​ពី​អនុវត្ត​ទោស​រួចរាល់

លោក គឹម សុខ អ្នកវិភាគនយោបាយ និងសង្គម ត្រូវបានដោះលែងឲ្យមានសេរីភាពវិញហើយយ នៅព្រឹកថ្ងៃទី១៧ ខែសីហា ឆ្នាំ២០១៨ នេះ បន្ទាប់ពីលោកបានអនុវត្តន៍ទោស ចំនួន១៨ខែរួចរាល់។
គឹម សុខ ត្រូវ​បាន​ដោះលែង​បន្ទាប់​ពី​អនុវត្ត​ទោស​រួចរាល់
លោក គឹម សុខ កំពុងជួបជុំជាមួយញាតិមិត្ត និងផ្ដល់បទសម្ភាស ទៅឲ្យប្រព័ន្ធផ្សព្វផ្សាយ បន្ទាប់ពីលោកបានចេញពីពន្ធនាគារ។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី១៧ សីហា ២០១៨
  • កែប្រែចុងក្រោយ: August 17, 2018
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

ទោសទណ្ឌដែលដាក់ ទៅលើលោក គឹម សុខ ត្រូវបានបញ្ចប់រួចរាល់ ហើយរូបលោកក៏ត្រូវបានដោះលែង ឲ្យមានសេរីភាពវិញ នៅព្រឹកថ្ងៃទី១៧ ខែសីហានេះដែរ។ នេះ បើតាមការអះអាង របស់មន្ត្រីតុលាការរាជធានី នៅមុននេះបន្តិច។

ក្នុងពេលភ្លាមៗ រូបភាពជាច្រើន ដែលត្រូវបានបង្ហោះ នៅលើបណ្ដាញសង្គម បានបង្ហាញឃើញលោក គឹម សុខា កំពុងថតរូបជាមួយក្រុមញាតិមិត្ត ដែលទៅទទួលលោក ដល់ពន្ធនាគារ។ គេក៏ឃើញលោក ទៅដុតធូប​គោរពវិញ្ញាណក្ខ័ន្ធលោក កែម ឡី នៅស្ថានីយប្រេងឥន្ទនៈ កាល់តិច បូកគោ នោះដែរ។

ក្នុងវេលានេះ ទំព័រហ្វេសប៊ុក «មូលនិធិគឹមសុខ» កំពុងថតផ្សាយផ្ទាល់ ពីសកម្មភាពដំបូងៗរបស់លោក គឹម សុខ ដូចខាងក្រោម៖

 

លោក គឹម សុខ ដែលគេស្គាល់ថា ជាអ្នករិះគន់​មិនសំចៃមាត់ ត្រូវបានលោក ហ៊ុន សែន និង​រដ្ឋាភិបាលរបស់លោក ប្ដឹងឡើងទៅតុលាការ បន្ទាប់ពីលោក គឹម សុខ បានធ្វើ​អត្ថាធិប្បាយ​​បង្ហាញ​ការសង្ស័យថា គណបក្ស​ប្រជាជន​កម្ពុជា ទំនង​ជា​នៅ​ពី​ក្រោយ​ឃាតកម្ម បាញ់សម្លាប់​​លោក កែម ឡី ក្នុងខែកក្កដា ឆ្នាំ២០១៦កន្លងទៅ។

នៅទីបំផុត លោក គឹម សុខ ត្រូវបានចៅក្រម​ជំនុំជម្រះ​សាលាដំបូង​រាជធានី​ភ្នំពេញ លោក គី ប្ញទ្ធី សម្រេច​ក្នុងរសៀលថ្ងៃ ទី១០ ខែសីហា ឆ្នាំ២០១៧ ផ្ដន្ទាទោសរូបលោក ដោយដាក់​ពន្ធនាគារ​ចំនួន ១៨​ខែ និង​ពិន័យ​ប្រាក់ ចំនួន៨​លាន​រៀល រួម​នឹង​ប្រាក់​សង​ជំងឺ​ចិត្ត​ ដល់​ដើមបណ្តឹង ៨០០​លាន​រៀល ពី​បទ​ញុះញង់​ ឲ្យ​មាន​បទឧក្រិដ្ឋ​ជាអាទិ៍៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...