ជូឡុង សូមូរ៉ា កំពុង​នៅ​សភា​អ៊ឺរ៉ុប​ដែល​​អនុម័ត្រ​ច្បាប់​ដាក់​​វិធានការ​លើ​កម្ពុជា

អ្នកស្រី ជូឡុង សូមួរ៉ា អ្នកតំណាងរាស្ត្រកម្ពុជា កំពុងមានវត្តមានៅពេលនេះ ក្នុងសភាអ៊ឺរ៉ុប ដែលនឹងត្រូវបោះឆ្នោតអនុម័ត្រ សម្រេចច្បាប់«ដ៏ខ្លាំង និងបន្ទាន់»មួយ ដើម្បីចាត់វិធានការ តបនឹងព្រឹត្តិការណ៍នយោបាយ ដែលបានកើតឡើង​ចុងក្រោយបង្អស់ ក្នុងប្រទេសកម្ពុជា។
ជូឡុង សូមូរ៉ា កំពុង​នៅ​សភា​អ៊ឺរ៉ុប​ដែល​​អនុម័ត្រ​ច្បាប់​ដាក់​​វិធានការ​លើ​កម្ពុជា
អ្នកស្រី ជូឡុង សូមូរ៉ា និងប្រតិភូគណបក្សសង្គ្រោះជាតិ កំពុងមានវត្តមាននៅក្នុងសភាអ៊ឺរ៉ុប ដើម្បីសង្កេតមើលការអនុម័ត្រច្បាប់មួយ ចាត់វិធានការ ទៅនឹងការរំលោភសិទ្ធិមនុស្ស នៅក្នុងប្រទេសកម្ពុជា។
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី១៤ កញ្ញា ២០១៧
  • កែប្រែចុងក្រោយ: September 14, 2017
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

សេចក្ដីស្នើច្បាប់«បន្ទាន់»មួយ ដែលត្រូវបានដាក់ចូល ទៅកាន់សភាអ៊ឺរ៉ុប កាលពីថ្ងៃទី១២ ខែកញ្ញាម្សិលម្ងៃ ទំនងជាត្រូវអនុម័ត្រក្នុងថ្ងៃនេះ ដោយសមាជិកសភាអ៊ឺរ៉ុប មកពីច្រើនប្រទេស។ ហើយភរិយាលោក សម រង្ស៊ី អតីតមេបក្សប្រឆាំង គឺអ្នកស្រីតំណាងរាស្ត្រ ជូឡុង សូមូរ៉ា រួមនិងប្រតិភូមកពីគណបក្សសង្គ្រោះជាតិ មួយចំនួនទៀត កំពុងមានវត្តមាន នៅទីនោះ (ក្នុងក្រុងស្ត្រាស្បួរ ប្រទេសបារាំង) ក្នុងនាមជាអ្នកសង្កេតការណ៍។

លោក «Umberto Gambini» តំណាងរាស្ត្រ - សមាជិកសភាអ៊ឺរ៉ុបមួយរូប មកពីប្រទេសអ៊ីតាលី បានបង្ហោះនៅលើទំព័រទ្វីសធើររបស់លោក នូវរូបភាពរបស់អ្នកស្រីតំណាងរាស្ត្រ និងមន្ត្រីកម្ពុជាទាំងនោះ ចំនួនពីរសន្លឹក ដែលកំពុងអង្គុយ នៅលើកៅអី ផ្នែកខាងក្រោយ នៃសាលប្រជុំរបស់សភាអ៊ឺរ៉ុប។ លោក «Umberto Gambini» បានសរសេរអមនឹងរូបថតនោះថា៖ «ថ្ងៃនេះ សភាអ៊ឺរ៉ុប នឹងបោះឆ្នោតសម្រេច លើច្បាប់"ដ៏ខ្លាំង"មួយ ហើយយើងសូមស្វាគមន៍ ប្រតិភូមកពីគណបក្សប្រឆាំងកម្ពុជា ដឹកនាំដោយអ្នកស្រី ជូឡុង សូមូរ៉ា»។

ច្បាប់ដែលសភាអ៊ឺរ៉ុប គ្រោងនឹងអនុម័ត្រនោះ នឹងចែងឡើង១០ចំណុច រួមមានជាអាទិ៍ ទាមទារឲ្យដោះលែងលោក កឹម សុខា ប្រធានគណបក្សសង្គ្រោះជាតិ និងទម្លាក់ចោល រាល់ការចោទប្រកាន់ទាំងឡាយ ប្រឆាំងក្រុមសមាជិកប្រឆាំង រាប់ទាំងលោក សម រង្ស៊ី អតីតប្រធានគណបក្សប្រឆាំង និងក្រុមសកម្មជនការពារសិទ្ធិមនុស្ស និងសិទ្ធលំនៅដ្ឋានផ្សេងទៀត។ ច្បាប់ដដែល ក៏នឹងទាមទារ ឲ្យមានការបោះឆ្នោតជាតិ ដែលសេរី និងយុត្តិធម៌ នៅក្នុងឆ្នាំខាងមុខ ដោយព្រមានទុកជាមុនថា «ភាពស្របច្បាប់ នៃការបោះឆ្នោតនាពេលខាងមុខ អាចប៉ះពាល់ដល់ការអនុវត្ត កិច្ចព្រមព្រៀង សហប្រតិបត្តិការ រវាងសហភាពអឺរ៉ុប និងកម្ពុជា»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...