បង្ហោះ​ម៉ាស៊ីន​ថត​ទៅ​ថត​សម្បុក​ពស់​វែក តែ​ត្រូវ​ខាំ​ទម្លាក់...

ហេតុការណ៍ កើតឡើងនៅក្នុងតំបន់ «Montana» ភាគពាយ័ព្យ នៃសហរដ្ឋអាមេរិក។ គ្រាន់តែដាក់បង្ហោះ ប្រមាណ​ជា៥ថ្ងៃ​ប៉ុណ្ណោះ វីដេអូ​នេះ​មាន​អ្នក​ចុច​ចូល​ទៅ​ទស្សនា ប្រមាណជិត៥លានដងទៅហើយ។
រូបភាពខាងលើនេះ ចាប់ថតដោយ ម៉ាស៊ីនថតពីអាកាស របស់លោក ម៉ៃឃើល ឌឺឡាណី ទៅលើសម្បុកពស់វែក។
Loading...
  • ដោយ: សុបិន្ដ អត្ថបទ៖ សុបិន្ត ([email protected]) - ម៉ុងរ៉េអាល់ ថ្ងៃទី១៦ តុលា ២០១៥
  • កែប្រែចុងក្រោយ: October 17, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

បើជារូបលោកអ្នកវិញ តើលោកអ្នកត្រូវធ្វើដូចម្ដេច ដើម្បីចូលទៅស្វែងរកឧបករណ៍របស់ខ្លួន ដែលធ្លាក់ចូល​ទៅក្នុង សម្បុកពស់វែកដ៏សាហាវទាំងនេះ? បើអ្នកគ្មានដំណោះស្រាយទេ សូមកុំបញ្ជូនឧបករណ៍នោះ ទៅជិត​សត្វតិរច្ឆានទាំងនោះពេក។

ប៉ុន្តែនេះ មិនដូច្នេះទេ។ បន្ទាប់ពីបានហោះ ពីលើទីកន្លែងនោះ ជាច្រើនដងរួចមក លោក ម៉ៃឃើល ឌឺឡាណី (Michael Delaney) ម្ចាស់ម៉ាស៊ីនថត​ពីអាកាសមួយនេះ បានព្យាយាមបញ្ជាម៉ាស៊ីនថតរបស់ខ្លួន ឲ្យ​ហោះ​ទៅជិត... សម្បុកពស់វែក (ប្រភេទពស់វែក កន្ទុយកណ្ដឹង បើមើលក្នុងរូបភាព)។ ទោះពួកវាជា​សត្វតិរច្ឆាន​ក៏ដោយ តែនៅមានអ្វីទៅនៅជិតវា ពួកវាចាំបាច់ត្រូវធ្វើការការពារខ្លួន ជាចាំបាច់។ ហេតុដូច្នេះហើយ ទើប​មានពស់ជាច្រើនក្បាល បានសាកល្បង ងាកមកវាយប្រហារលើ ម៉ាស៊ីនថតពីអាកាសនេះវិញ។

ជាលទ្ធផល ម៉ាស៊ីនថតត្រូវបានខាំទម្លាក់ ហើយគេត្រូវរងចាំប្រមាណជា ១នាទី៣០វិនាទីក្រោយមក ទើប​ឃើញលោក ម៉ៃឃើល ឌឺឡាណី ដើរចូលទៅយកឧបករណ៍របស់ខ្លួនមកវិញ ដោយប្រើដងដោយដ៏វែងមួយ ទៅឆ្កឹះយក។ វីដេអូដែលបានថត ពីសកម្មភាពទាំងនេះ ត្រូវបានដាក់បង្ហោះ នៅលើយូធូប កាលពីថ្ងៃទី១០ ខែតុលា ហើយរហូតមកដល់ពេលនេះ មានមនុស្សចូលទៅទស្សនា ប្រមាណជិត៥លានដងហើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...