កម្មករបីនាក់ បានស្លាប់ទីតាំងសិប្បកម្ម ដែលបណ្តាលឲ្យបុគ្គលិក ធ្វើការរហូតមានគ្រោះថ្នាក់ដល់ជីវិត ០៣​នាក់​នេះ ស្ថិតនៅតាមបណ្តោយផ្លូវ ២០០៤ ផ្ទះលេខ ១០៦៥ សង្កាត់ទឹកថ្លា ខណ្ឌសែនសុខ រាជធានីភ្នំពេញ។ តាម​ប្រភពព័ត៌មាន ពីអ្នកធ្វើការនៅក្រុមហ៊ុននោះ បានឲ្យដឹងថា នៅល្ងាចកើតហេតុ មាន​រថយន្តកុងតឺន័រ មួយ​គ្រឿង​ស្លាក​លេខ ៣C-៧៤៦០ បានដឹកថ្មម៉ាប ជាច្រើនដុំ មកកាន់សិប្បកម្មខាងលើ។

អ្នកធ្វើការជាមួយជនរងគ្រោះ បានបញ្ជាក់ទៀតថា ពួកគេត្រូវថៅកែ ឲ្យធ្វើការថែមម៉ោង ០៦នាក់​ក្នុងតម្លៃ​១៥០​ដុល្លា ដោយចែកបីនាក់នៅលើ និងបីនាក់នៅខាងក្រោម។ តែអ្នកនៅខាងក្រោមទាំងបីនាក់ បានស្លាប់យ៉ាង​អណោចអធ័ម ដោយថ្មសង្កត់កាលពីម៉ោង ៧ និង៣០ នាទីយប់ថ្ងៃទី ២៣ ខែមិថុនាឆ្នា២០១៥ នៅចំណុច​ផ្ទះ​កើតហេតុខាងលើ។

អ្នករងគ្រោះទីមួយឈ្មោះ ហាក់ រដ្ឋា អាយុ ២១ឆ្នាំ មានស្រុកកំណើតនៅភូមិក្រញូង ស្រុកកំចាយមា ខេត្ត​ព្រៃវែង។ អ្នកទីពីរឈ្មោះ សៅ ប៊ុនណា អាយុ ៣២ឆ្នាំ រស់នៅភូមិគំនរថ្ម ឃុំរការខ្ពស់ ស្រុកស្អាង ខេត្តកណ្តាល។ អ្នកទីបីឈ្មោះ ថោង បូរ៉ា ហៅ អាចុះ អាយុ ២៨ឆ្នាំ មានស្រុកកំណើតនៅភូមិក្រាំងគោ ឃុំត្រាំកក់ ស្រុកត្រាំកក់ ខេត្តតាកែវ។ អ្នករងគ្រោះទាំងនេះ ត្រូវបានបញ្ជូនទៅធ្វើបុណ្យ នៅឯស្រុកកំណើតរាងៗខ្លូននាថ្ងៃទី២៤ ខែ​មិថុនា នេះ។

ទាក់ទងជាមួយបញ្ហាទាំងអស់នេះ ទស្សនាវដ្តីមនោរម្យ.អាំងហ្វូ មិនអាចសុំការបំភ្លឺពីលោក ម៉ាក់ ហុង អធិការ​នគរបាលខណ្ឌ​សែនសុខ បានទេ ដោយលោកបដិសេធន៍ថា មិនដឹង ចំពោះករណីឃាត់ខ្លូន ថៅកែប្រុសម្នាក់ និងមេកាស្រី​ម្នាក់​ជាជនជាតិចិននោះទេ៕