ហេតុការណ៍នេះ បានបង្ករការភ្ញាក់ផ្អើល យ៉ាងសម្បើមដៃ ដល់ក្រុមសមត្ថកិច្ច ឲ្យចុះទៅធ្វើអន្តរាគមន៍ នៅ​វេលា​ម៉ោងប្រមាណជា១០ព្រឹក ថ្ងៃទី ២២ ខែមិថុនា ឆ្នាំ២០១៥នៅខាងក្រោម និងខាងលើស្ពានកោះពេជ្រ។ ក្រុម​អ្នក​បង្ហោះម៉ូតូ ដែលបម្រុងនឹងកាប់ចាក់គ្នា ហើយត្រូវប៉ូលិសឃើញទាន់នោះ ទំនងជាក្មេងស្ទាវ ដែលរៀននៅ​វិទ្យាល័យ។

អ្នកឃើញហេតុការណ៍នេះ បានឲ្យដឹងថា ក្មេងទាំងនោះមានគ្នាពីរក្រុម មួយក្រុមជាសិស្ស ព្រោះមានឯក​សណ្ឋាន និងមួយក្រុមទៀត ជាអ្នកក្មេងអនាថា។ គេហៅថាក្រុមក្មេងអនាថា ព្រោះអ្នកទាំងនោះ ជាអ្នករស់​នៅ​ខាងក្រោមស្ពាន ជាកន្លែងកើត​ហេតុ​ខាងលើ។ គ្មានក្រុមក្មេងស្ទាវនេះណាម្នាក់ ត្រូវបាននគរបាលចាប់ខ្លួនទេ។ ប៉ុន្តែកងកម្លាំងសមត្ថកិច្ច បានចុះ​អន្តរាគមន៍ ចាប់បានរបស់មួយចំនួន។

វត្ថុតាងដែលលាក់នៅក្រោមស្ពាន ត្រូវបានប៉ូលិសរកឃើញ នៅពេលចុះទៅបង្ក្រាប ក្រុមស៊ីសាច់ហុត​ឈាម​ទាំង​ពីរ ក្នុងនោះមានរណាអាទឹកកក ដាវ កន្ត្រៃ ដែកកាប់ ខ្សែរពួរ កូនកាំបិត និងមានឧបករណ៍មួយ​ចំនួន​​ទៀត។ ហេតុការណ៍នេះ ត្រូវបានស្ងប់ស្ងាត់ទៅវិញ នៅម៉ោងប្រមាណ១១ ថ្ងៃត្រង់ ថ្ងៃដដែល ហើយក្រុមក្មេង​​ស្ទាវ​ទាំង​នោះ បានបំបែកគ្នា ចេញពីទីតាំងខាងលើគ្មានសល់៕

» វីដេអូបង្ហាញពីព្រឹត្តិការណ៍នេះ៖