មិនមែនជារឿង«ស្រួល»ទេ ដែលមានអាជីព ជាតារាភាពយន្ដ«កូនជ្រូក» ជារៀងរាល់ថ្ងៃ។ នាង ប្រ៊ី អ័លសុន តារាភាពយន្ដ «X» ដ៏ល្បីឈ្មោះ នៅក្នុងវិស័យនេះ បានបរិហារពីការវិនិច្ឆ័យ និងការរើសអើង ដែលបានកើត​ឡើងចំពោះរូបនាង ព្រោះមូលហេតុ មកពីរូបនាងធ្លាប់ជាតារាសម្ដែង នៅក្នុងកុន«កូនជ្រូក» រាប់តាំងពី​ឆ្នាំ​២០០៦ (ដែលនាងបានចាប់ផ្ដើម) មុននឹងត្រូវបានបញ្ចប់ នៅឆ្នាំ២០១១។

«ខ្ញុំមិនស្អប់ កុនកូនជ្រូកទេ»

នាពេលបច្ចុប្បន្ន នាង ប្រ៊ី អ័លសុន ចង់សាកល្បងចាប់យកការសម្ដែងថ្មីមួយ នៅក្នុងវិស័យភាពយន្ដធម្មតា។ នាងបានសរសេរ នៅលើទំព័រទ្វីសធើររបស់នាងថា៖ «ខ្ញុំមិនស្អប់ កុនកូនជ្រូកទេ។ ខ្ញុំក៏មិនបានស្គាល់ នូវបទ​ពិសោធន៍ដ៏អាក្រក់នោះដែរ។ ប៉ុន្តែសូមអ្នកជឿខ្ញុំទៅ នៅពេលដែលខ្ញុំនិយាយប្រាប់អ្នក កុំឲ្យក្លាយខ្លួនជា តារា​សម្ដែងកុនកូនជ្រូក។»

សង្គមនេះ...

នាងបានបន្តសរសេរទៀតថា៖ «ភាពយន្ដ «X» មិនអាក្រក់ទេ។ ប៉ុន្តែគឺពាក្យសម្ដី និងការមើលងាយ កើត​ឡើង​ពីមនុស្ស ទៅលើជីវិតអ្នាក់ នៅបន្ទាប់មកនោះទេ ដែលអាក្រក់។ វាមិនមែនទាំងអស់គ្នានោះទេ ព្រោះមាន​ករណីលើកលែងខ្លះដែរ។» នាងបានបន្តថា៖ «ហើយបើគោលបំណងរបស់អ្នក ចង់ឈោងទៅរកការរាប់អាន ជាមួយមនុស្សសំខាន់ៗ នៅកណ្ដាលទីក្រុង ឡូសអេនជឺឡេស នោះ អ្នកនឹងគ្មានសំណាងបានសម្រេចទេ ព្រោះអ្នកបានសម្ដែង ជាតួកុនកូនជ្រូក»។

កូនចៅ...

នាង ប្រ៊ី អ័លសុន បានសរសេរនៅទីបញ្ចប់ថា៖ «តើអ្នកចង់ឲ្យកូនចៅរបស់អ្នក មានគេស្អប់ នៅសាលារៀន​ឬទេ? ឬមួយ ឪពុកម្ដាយមិនទុកឲ្យកូនចៅរបស់គេ នៅគេងផ្ទះអ្នកឯង (ព្រោះបណ្ដាលមកពីអ្នកដើរតួ កុន​កូន​ជ្រូក)? ពេលខ្លះខ្ញុំគិតថា មានរឿងអ្វីមួយបានរារាំងស្ត្រី មិនឲ្យចូលប្រឡូកជាអាជីព នៅក្នុង​ភាពយន្ដ​"X"។»៕