ចេញ​ពី​ក្លិប បុក​ជញ្ជាំង​ផ្លូវ ខ្ទេច​ឡាន​បាឡែន​ទាំង​កណ្តាល​យប់

នៅពេលចេញពីក្លិប ជាមួយនឹងភាពស្រវឹងស្រឿងៗ ក្មេងស្ទាវ មិនស្គាល់អត្តសញ្ញាណម្នាក់ បើកឡាន​វេ​ចង្កូត​ប៉ះ​ជញ្ជាំង​ផ្លូវ ខ្ទេចឡានផ្នែកខាងមុខ ចំណែកឯថ្មជញ្ជាំងផ្លូវ និងបង្គោលនៅជាប់នោះ បាក់ជាពីរ បី​កំណាត់​ទាំង​កណ្តាល​រាត្រី។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ២០ មិថុនា ២០១៥
  • កែប្រែចុងក្រោយ: June 20, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

ហេតុការណ៍នេះ បានកើតឡើងកាលពីម៉ោង ០១ រំលងអាធ្រាត យប់ថ្ងៃទី១៩ ចូលមកព្រឹកថ្ងៃទី ២០ ខែមិថុនា ឆ្នាំ២០១៥ នៅតាមបណ្តោយផ្លូវជាតិលេខ២ ក្នុងសង្កាត់ចក្រអង្រែក្រោម ខណ្ឌមានជ័យ រាជធានីភ្នំពេញ។ រថយន្ត​ដែលបង្ករគ្រោះថ្នាក់នេះ ម៉ាកកាមារីបាឡែន ពណ៍ស ពាក់ស្លាកលេខ ភ្នំពេញ ២AD-3004 ត្រូវបាន​គេ​ស្គាល់ថា បើកបរដោយក្មេងស្ទាវម្នាក់ មិនស្គាល់អត្តសញ្ញាណ ដែលមានសភាពស្រវឹងស្រឿងៗ ទំនងចេញពី​ក្លិប។

អ្នកដែលឃើញហេតុការណ៍នេះ បានបញ្ជាក់ថា ដំបូងគេឃើញ រថយន្តមួយគ្រឿងនេះខាងលើ បើកយ៉ាង​លឿន តាមបណ្តោយជាតិលេខ២ ក្នុងគោលដៅពីជើង ទៅត្បូងយ៉ាងលឿន ស្រាប់តែមកដល់ កន្លែងកើតហេតុ​ខាង មុខ«ឃ្លីក្លិប» រថយន្តបានរេចង្គូត ទៅបុកនឹងជញ្ជាំងផ្លូវ យ៉ាងពេញទំហឹង បណ្តាលឲ្យថ្មជញ្ជាំងផ្លូវ បាក់បែកជា​ពីរ-បីកំណាត់។ ចំណែករថយន្ដវិញ បានរងការខូចខាត ផ្នែកខាងមុខ ស្ទើរទាំងស្រុង រីឯម្ចាស់រថយន្ត មិនមាន​គ្រោះថ្នាក់អ្វី ធ្ងន់ធ្ងរនោះទេ។

នគរបាលចររាចរណ៍ ដែលបានចុះអន្តរាគម៍ នៅក្នុងករណីគ្រោះថ្នាក់នេះ បានឲ្យដឹងថា គ្រោះថ្នាក់ទាំងកណ្តាល​យប់ខាងលើ មិនមានបង្ករ ឲ្យអ្នកធ្វើដំណើរនៅក្បែរនោះ មានគ្រោះថ្នាក់ទេ គឺឡានបង្ក បើករេចង្គូត ចូលមក​បុក​ទ្រូងផ្លូវ តែម្នាក់ឯង។ លោកបញ្ជាក់បន្ថែមថា បន្ទាប់ពីបានធ្វើការវាស់វែងរួចរាល់ ក្រុមមន្ត្រីចររាចរណ៍បានស្ទូច យករថ្តយន្តបង្កនេះ ទៅរក្សាទុក នៅការិយាល័យចរាចរណ៍រាជធានីភ្នំពេញ ដើម្បីដោះស្រាយនៅពេលក្រោយ។

តាមរបាយការណ៍ចុងក្រោយ របស់សមត្ថកិច្ចចរាចរណ៍ បានឲ្យដឹងថា ជនបង្កបញ្ជាក់ថា ទើបនឹងចេញពីក្លិប ដូច​ជាការសន្និដ្ឋាន របស់អ្នកឃើញហេតុការណ៍មែន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...