ការកាត់យកសំណាញ់ទី នៃទីលានបាល់ទាត់ របស់កីឡាករ ហ្សេរ៉ា ពីកេ កាន់តែធ្វើឲ្យគេឯង ឆ្ងល់ឡើងហើយ។ កាលពីយប់ថ្ងៃសៅរ៍ ទី០៦ ខែមិថុនា បន្ទាប់ពីជ័យជំនះ របស់ក្រុមបាសឺឡូន ហើយក្រុមអ្នកមានបុណ្យ របស់​ប្រទេសអេស្ប៉ាញ លើក្រុម ជូវេនទូស (Juventus) របស់ប្រទេសអ៊ីតាលីរួច កីឡាករខ្សែរការពារ ពីកេ ដ៏ល្បី​ឈ្មោះ មិនបានចូលទៅអបអរសាទរ ជាមួយកីឡាកររួមក្រុមនោះទេ។ ប៉ុន្តែទស្សនិកជន នៅក្នុងពហុកីឡាដ្ឋាន អូឡាំពិក នៃរដ្ឋធានី ប៊ែរឡាំង ដែលមកទស្សនាការប្រកួត វគ្គផ្ដាច់ព្រ័ត្រ យកជើងឯកអ៊ឺរ៉ូប ឆ្នាំ២០១៥ រវាងក្រុម​ទាំងពីរ បែរជាបានឃើញកីឡាករ ពីកេ កំពុងកាត់សំណាញ់ទី យ៉ាងស្ងប់ស្ងៀមទៅវិញ។

ទម្លាប់ថ្មីនេះ ត្រូវបានស្ថានីយ៍ទូរទស្សន៍ និងជាងថតរូបជាច្រើន ផ្តិតយករូបភាព មកផ្សាយ បង្កឲ្យចម្ងល់ មាន​កាន់តែខ្លាំងឡើង សម្រាប់ពិភពបាល់ទាត់។ អ្នកផងគិតថា អបអរជ័យជំនះ លោតហោរកញ្ជៀវ ... មិន​សំខាន់​ទេ សម្រាប់កីឡាករ ដែលមានមិត្តស្រី ជាតារាចម្រៀងល្បីឈ្មោះ នាង សាគីរ៉ា (Sakira) រូបនេះ។ តែគឺ​សំណាញ់​«ទី»ឯណោះទៅវិញ ទេ ដែលកីឡាករល្បីឈ្មោះចាប់អារម្មណ៍ ហើយកំពុងធ្វើការកាត់វាចេញ ពីបង្គោល​យ៉ាង​ផ្ចិតផ្ចង់។

ប៉ុន្តែករណីនេះ មិនមែនជាលើកទីមួយទេ ព្រោះកាលពីសប្ដាហ៍មុន នៅពេលដែលក្រុមអ្នកមានបុណ្យ បាន​ឈ្នូះ​ពានរង្វាន់ស្ដេច នៅក្នុងប្រទេសអេស្ប៉ាញរួចមក កីឡាករយើងក៏បានធ្វើ ដូចគ្នាអញ្ចឹងដែរ។

ហើយរូបខាងក្រោម បើគេរំលឹកពីឆ្នាំមុនៗ…

ក្នុងពេលនេះ គេនៅមិនទាន់ដឹងថា តើកីឡាករចង់ធ្វើអ្វី ជាមួយនឹងសំណាញ់ទី ដែលបានកាត់ចេញ​នេះនៅ​ឡើយ។ ប៉ុន្តែបណ្ដាជន អ្នកប្រើប្រាស់បណ្ដាញសង្គម បានយករឿងនេះ មកធ្វើជារឿងកំប្លែង ចំអករួចជា​ស្រេច​ហើយ។ ខ្លះថា កីឡាករកាត់សំណាញ់នេះ ដើម្បីទុកធ្វើសំពត់រ៉ូប ឲ្យនាង សាគីរ៉ា ជាមិត្តស្រីរបស់​កីឡាករ៖

ខ្លះថា កីឡាករកំពុងត្រៀម ថតឃ្លីបចម្រៀងថ្មី របស់នាង សាគីរ៉ា៖

ចំណែកអ្នកខ្លះថា កីឡាករចង់លេងរចនាម៉ូដ ដូចនាង សាគីរ៉ា៖

អ្នកខ្លះទៀតថា ធ្វើអញ្ចឹង ទើបមានអ្នកតាមថតរូបច្រើនជាងធម្មតា៖