នៅលើបណ្ដាញសង្គមធំៗ ក្នុងពិភពលោក មានដូចជា ហ្វេសប៊ុក អ៊ិនស្តាហ្គ្រាម និងទ្វីសធើរ ជាដើមនោះ ពាក្យគន្លឺះ #‎HoldACokeWithYourBoobsChallenge‬ កំពុងក្លាយជាវិញ្ញាសារ ប្រកួតប្រជែងថ្មីមួយ ដែលកាន់តែមាន ការ​ពេញ​និយម​ខ្លាំង​ឡើង។ តើជាអ្វីទៅ? មិនពិបាកយល់ទេ បើគេយកពាក្យខាងលើ #‎HoldACokeWithYourBoobsChallenge‬ មក​ពង្រាយ លោកអ្នកនឹងបានពាក្យរាយថា៖ Hold A Coke With Your Boobs Challenge ដែលមាន​ន័យ​ជា​ភាសា​ខ្មែរ​ថា៖ «យុទ្ធនាការ គាបដប ឬកំប៉ុង កូកាកូឡា ជាមួយនឹងសុដន់របស់អ្នក»។

ព្រឹត្តិការណ៍នេះ បានកើតឡើងដំបូងគេ នៅក្នុងប្រទេសដាណឺម៉ាក ប៉ុន្ទាប់មកបានពង្រីកខ្លួន មកដល់ប្រទេសផ្សេងទៀត ក្នុងទ្វីបអ៊ឺរ៉ុបខាងលិច ជាពិសេសនៅបន្ទាប់ពី តារាសម្ដែងជាតិអាល្លឺម៉ង់មួយរូប នាង Anike Ekina បានថតរូប និងវីដេអូ ពីវិញ្ញាសារនេះ ដាក់បង្ហោះតាមគណនីហ្វេសប៊ុក។ ហើយពីពេលនោះមក អ្នកប្រើប្រាស់បណ្ដាញសង្គម ជាច្រើន​ផ្សេង​ទៀត សឹងតែនៅជុំវិញពិភពលោក ក៏បានធ្វើប្រហាក់ប្រហែលគ្នានេះដែរ៕