បើតាមការផ្សាយ របស់សារព័ត៌មានបារាំង បានពន្យល់ថា គ្រោះរបូតដៃអាវនេះ កើតឡើងដោយសារមីក្រូហ្វូន ដែលខ្ទាស់ជាប់នឹងអាវរបស់នាង មានទំងន់ធ្ងន់ពេក។ ហើយហេតុការណ៍ ក៏បានកើតឡើង តែមួយពព្រិចភ្នែកដែរ ព្រោះនាង «Tatiana-Laurens Delarue» ដែលជាតារាទូរទស្សន៍ ដ៏ប្រិមប្រិយរូបនេះ បានប្រញាប់យកដៃមកលើកដៃអាវ ឡើងមកវិញភ្លាម។

មួយពព្រិចភ្នែកមែន តែវាគ្រប់គ្រាន់ នឹងឲ្យទស្សនិកជនទាំងឡាយ បានឃើញពីគ្រោះរបូតដៃអាវនេះ ដោយសារតែកម្មវិធីនោះ ត្រូវបានផ្សាយផ្ទាល់ នៅលើទូរទស្សន៍លេខ ៨ (C8) របស់ប្រទេសបារាំង។ អ្នកចូលរួមទាំងឡាយ នៅក្នុងកម្មវិធី បានផ្ទុះសំណើចឡើង ខណៈនាង «Tatiana-Laurens Delarue» ខ្លួនឯង នៅខ្ទប់មាត់ ទំនងជាមានការខ្មាសអៀន អស់ពេលមួយសន្ទុះ។

ប៉ុន្តែអ្នកផង បានចោទសួរទៅវិញថា ហេតុអ្វីបានតារាទូរទស្សន៍ មិនពាក់អាវទ្រនាប់​ពីខាងក្នុង ជាពិសេស​បើសិន​ជាអាវ​ខាងក្រៅ មានភាពរលុងៗ ចង់តែរបូតដូច្នេះ? ម្យ៉ាងទៀត ហេតុការណ៍របូតដៃអាវនេះ មិនមែនកើតជាលើកទីមួយ ក្នុងពេលភ្លាមតែម្ដងទេ ព្រោះនាងបានលើកដៃអាវនេះ ជាច្រើនដងរួចហើយ (ឬនាងអាចដោះមីក្រូហ្វូនចេញ)...

លើកលែងតែម្យ៉ាង គឺតារាប្រិមប្រិយចង់ឲ្យគេឯង បានទស្សនាយ៉ាងត្រជាក់ចិត្ត នូវទម្រង់សុដន់មូលក្លំ ដ៏ព្រហើនរបស់ខ្លួននេះតែម្ដង៕