នៅពេលដែលយើងរៀបការ ជាមួយស្ត្រីម្នាក់ ដែលមានបងប្អូនស្រីភ្លោះ អញ្ចឹង បើយើងជ្រើសរើស ការចេញ​ដើរកំសាន្ដ ទៅ​ណាមកណា ជាមួយពួកនាងទាំងពីរនាក់ មិនមែនសុទ្ធជាគំនិតល្អនោះទេ។ នេះជាអ្វី ដែល​អ្នក​ប្រើប្រាស់គេហទំព័រ វេទិកា​ជជែក​​កំសាន្ដ​មួយ ដ៏ល្បីឈ្មោះនៅអាមេរិក ហៅថា Reddit បានលើក​មក​បង្ហាញ ប្រាប់ពិភពលោក ថាខ្លួនបាន​ច្រឡំ​រួមរ័ក្ស​ដោយ​ចៃដន្យ ជាមួយ​ប្អូនស្រីភ្លោះ របស់ភរិយាខ្លួន រហូត​ធ្វើ​ឲ្យ​ផ្ទុះ​ចេញ ជារឿងអាស្រូវលែងលះ។

បុរសអ្នកប្រើប្រាស់គេហទំព័រ ដែលដាក់រហស្សនាមផ្ទាល់ខ្លួនថា «Not Thesis» បានរៀបរាប់ជាដំបូងថា ខ្លួន​បានទៅស្នាក់​នៅ​ក្នុងក្រុង ឡាស វេហ្គាស ជាមួយនឹងស្ត្រីជាទីស្រឡាញ់ និងប្អូនស្រីភ្លោះ របស់នាង។ នៅ​យប់​មួយ បន្ទាប់ពីបានទទួលទាន​សុរា យ៉ាងជោគជាំ បុរសយើងបានត្រឡប់មកគេង ជាមួយស្ត្រីម្នាក់ ដែល​បុរស​គិតថា ជាភរិយារបស់ខ្លួន។

បន្ទាប់ពីបានឆ្លងកាត់ការរួមរ័ក្សភិសម័យ យ៉ាងគគ្រឹកគគ្រេង ជាមួយគ្នារួច បុរសបានភ្ញាក់ដឹងខ្លួន​ឡើង​បន្តិច​មកវិញ ហើយ​បានព្យាយាមយកដៃខ្លួន ទៅស្ទាបសុដន់ របស់ស្ត្រីគូស្នេហ៍របស់ខ្លួន។ រំពេចនោះ ដោយ​សារ​សុដន់របស់ស្ត្រីម្នាក់នេះ ជា​សុដន់​ក្លែងក្លាយ ដាក់ជាតិស៊ីលីកូន មិនមានភាពពិតនោះ ទើបបុរសភ្ញាក់​ខ្លួន​ក្រញាង​ថា ខ្លួនទើបនឹងបានរួមរ័ក្ស ជាមួយ​នាង ជូឌី (Jody) ប្អូនស្រីភ្លោះ របស់ប្រពន្ធ។

«បើទោះជានាង ជាបងប្អូនភ្លោះ មានសម្ផស្សដូចគ្នា សឹងតែទាំងស្រុងក៏ដោយ ដែល ជូឌី មិនបានទាក់​ទាញ​ចំណាប់​អារម្មណ៍ របស់ខ្ញុំនោះទេ។ ជូឌី ចូលចិត្តដើរលេង អាត្មានិយម និងមានដើមទ្រូងសិប្បនិមិត្ត។ ប៉ុន្តែ​ភរិយា​ខ្ញុំវិញ នាងទន់​ភ្លន់ មានរាងកាយពីធម្មជាតិទាំងស្រុង ហើយចិត្តនោះក៏ល្អដែរ។» នេះជាការ​បញ្ជាក់​បន្ថែម របស់បុរស «Not Thesis»។ ប៉ុន្តែហេតុ​ការណ៍ មិនមែនបញ្ចប់ត្រឹមនេះទេ។ ព្រោះក្រោយពី​ភ្ញាក់​ដឹង​ខ្លួន​ភ្លាម ភរិយារបស់បុរសយើង បានចូលមកទាន់ នៅក្នុងបន្ទប់ រួច​រឿង​អាស្រូវក្នុងគ្រួសារ ក៏បានផ្ទុះឡើង។

«នាងបានស្រែកដាក់ខ្ញុំ។ ជូឌី បានភ្ញាក់ឡើង ហើយបានលោតចេញ ពីគ្រែ។ ខ្ញុំមិនដឹងថា ត្រូវពន្យល់​ប្រាប់​នាង ពីអ្វី​នោះ​ទេ។» ជាលទ្ធផលចុងក្រោយ៖ បុរសបានចែកផ្លូវ ពីភរិយាខ្លួន ជាស្ថាពរ។

ការរៀបរាប់របស់ Not Thesis ដែលដាក់បង្ហោះ នៅគេហទំព័រ បានបង្កឲ្យមានការភ្ញាក់ផ្អើល ដល់អ្នកចូលរួម​ជជែក​ជា​ច្រើន​នាក់ នៅក្នុងវេទិការ Reddit។ ប៉ុន្តែបើតាមសារព័ត៌មាន «Métro» របស់ប្រទេសអង់គ្លេស បាន​ពន្យល់ថា អ្នកសរសេរដែល​មាន​ឈ្មោះ «Not Thesis» នៅតែស្ថិត ក្នុងសភាពអនាមិកជាដដែល (ទាក់ទង​មិន​មាន​ចម្លើយ) ហើយឈ្មោះមនុស្ស ដែល​ស្ថិត​ក្នុងសាច់រឿង ត្រូវបានប្ដូរទាំងអស់។ ដូច្នេះ ហេតុការណ៍នេះ អាច​គ្រាន់តែជាការស្រមើស្រម័យ បង្កើតឡើងដោយអ្នក​សរសេរ ឈ្មោះ «Not Thesis» នេះតែប៉ុណ្ណោះ។ ប៉ុន្តែយ៉ាងហោចណាស់ វាជាមេរៀនមួយ សម្រាប់ស្វាមីភរិយាទូទៅ នៅក្នុងលោក ដែលគួរត្រូវប្រយ័ត្ន និង​ជៀសវាង៕