វាយ​យុវជន​ម្នាក់​ដែល​ទាក់​កូន​ស្រី​ខ្លួន​អាយុ​១១ឆ្នាំ ហើយ​ថត​វីដេអូ​​ផ្សាយ

បុរសជាតិប្រេស៊ីលម្នាក់ បានវាយរហូតនៅសល់ដង្ហើមចង្រិត ទៅលើយុវជនមួយរូប ដែលចេះតែផ្ញើររូប អាសអាភាស មក​ឲ្យ​កូន​ស្រី​របស់​គាត់ ដែលមានអាយុទើបតែ១១ឆ្នាំ។ បន្ទាប់ពីវាយរួច បុរសជាឪពុកនេះ បានថតយុវជននោះ ដាក់ជាវីដេអូមួយ បង្ហោះ​តាម​អ៊ិនធើណែត។
Loading...
  • ដោយ: ឈូករ័ត្ន អត្ថបទ៖ ឈូករ័ត្ន ([email protected]) - ប៉ារីស ថ្ងៃទី១០ មិនា ២០១៥
  • កែប្រែចុងក្រោយ: March 11, 2015
  • ប្រធានបទ: អនិតិជន
  • អត្ថបទ: មានបញ្ហា?
  • មតិ-យោបល់

ជាច្រើនខែណាស់មកហើយ កុមារីជាតិប្រេស៊ីល វ័យ១១ឆ្នាំមួយរូប តែរងការរំខានមិនស្វាង ពីយុវជនមិនស្គាល់មុខម្នាក់ អាយុ២៣ឆ្នាំ។ តាមកម្មវិធីក្នុងទូរស័ព្ទ ហៅថា WhatsApp យុវជនម្នាក់នេះ បានផ្ញើរមកឲ្យកុមារី នូវរូបថតស្រាត អាស​អាភាស និងមានបំណងចង់ជួបកុមារីជាខ្លាំង។ ប៉ុន្តែនៅពេលបានណាត់ ជួបជាមួយកុមារី ក្នុងរដ្ឋ ហ្គ័រអាស (Goiás) នៅ​កន្លែងមួយដាច់ស្រយ៉ាល មិនមានមនុស្សម្នានោះ យុវជនដែលបានទាក់ទង ក្មេងមិនគ្រប់អាយុនេះ បែរជា​បាន​ជួប​ជា​មួយ នឹងឪពុករបស់នាងទៅវិញ។

ការក្ដៅក្រហាយ លាយឡំនឹងការស្អប់ខ្ពើមផងនោះ បុរសជាឪពុក បានវាយយុវជន នៅសល់តែដង្ហើមចង្រិត ហើយ​បាន​ថតជាវីដេអូ យកមកបង្ហោះ តាមអ៊ិនធើណែត។ បុរសបានសរសេរពន្យល់ ជាលក្ខណៈព្រមាន នៅជាប់ជាមួយ​វីដេអូ​ថា «មនុស្សដែលធ្វើអាក្រក់ នឹងទទួលផលអាក្រក់»។ រូបភាពក្នុងវីដេអូ បានក្លាយជាទិដ្ឋភាពមួយ គួរឲ្យភ្ញាក់ផ្អើល នៅ​លើ​គេហទំព័រ​ចែករំលែកវីដេអូ ហៅថា Liveleak (វីដេអូនៅខាងក្រោមអត្ថបទ) ដោយបានបង្ហាញ ពីមុខមាត់​ដាប​ទៅ​ដោយឈាម និងមានមាត់ ភ្នែក ហើមស្ពុលនោះផង។

បុរសបានច្របាច់ក យុវជន ហើយធ្វើការព្រមាន ឲ្យយុវជនបញ្ឈប់ ការទាក់ទងជាមួយកូនស្រីខ្លួន។ គេបានស្ដាប់ឭ​យុវជន​ឆ្លើយតបវិញថា៖ «ឈប់ហើយៗៗ» ខណៈបុរសជាឪពុកកុមារី បាននិយាយទៀតថា៖ «ហ្អែងចង់ស្គាល់រសជាតិ ដ៏ឆ្ងាញ់នេះទៀត(?)»។ បន្ទាប់មកវីដេអូ ក៏បានបញ្ចប់ត្រឹមនេះ។

យុវជនអាយុ២៣ឆ្នាំ បានស្លាប់នៅបីថ្ងៃក្រោយមក នៅក្នុងព្រៃមួយ នៅមិនឆ្ងាយពីនោះ។ ក្នុងពេលនេះ នគរបាល​ប្រេស៊ីល កំពុង​ធ្វើការស៊ើបអង្កេត លើករណីនេះ ប៉ុន្តែមិនទាន់ដឹងថា តើមរណភាពរបស់យុវជន បណ្ដាលមកពីការ​វាយ​ទាត់​​ធាក់ ពី​សំណាក់​បុរសជាឪពុកនោះ ឬយ៉ាងណានៅឡើយ។ ប៉ុន្តែនគរបាល កំពុងស្វែងរកបុរសជាឪពុកនោះ ឲ្យ​ចូល​ខ្លួន​បំភ្លឺ៕

រូបភាពក្នុងវីដេអូ អាចប៉ះទង្គិចដល់អារម្មណ៍៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...