រងគ្រោះ​ពីរ​ដង បាក់​ឆ្អឹង​ត្រគាក លែង​ដឹង​មួយ​កំណាត់​ខ្លួន

ជីវភាពក្រលំបាក បានបណ្តាលឲ្យយុវជនម្នាក់ ធ្លាក់ខ្លួនក្នុងសភាពធ្ងន់ធ្ងរ ឈានដល់ដំណាក់កាលមួយ គួរឲ្យរន្ធត់។ ខ្លួនប្រាណយុវជនទាំងមូល ក្លាយទៅជាពិកា ហើយធ្វើចលនាបាន តែមួយកំណាត់ខ្លួនខាងលើ ចំណែកមួយកំណាត់ខាងក្រោម ក្លាយជាមិនដឹងខ្លួន ទាំងស្រុង។
Loading...
  • ដោយ: ក. សោភណ្ឌ អត្ថបទ និងយកការណ៍៖ ក.សោភ័ណ្ឌ ([email protected]) - ភ្នំពេញថ្ងៃទី០៤ មិនា ២០១៥
  • កែប្រែចុងក្រោយ: March 04, 2015
  • ប្រធានបទ: ជ្រុងមួយ
  • អត្ថបទ: មានបញ្ហា?
  • មតិ-យោបល់

យុវជនកំសត់ឈ្មោះ រំដូល ដារា ជាកូនច្បងក្នុងគ្រួសារ បានឲ្យដឹងថា មូលហេតុដែលជំងឺរបស់លោក ឈាន​ដល់​ដំណាក់​កាលនេះ ដោសារលោកជួបគ្រោះថ្នាក់ពីរលើក ទីមួយធ្លាក់ពីលើដើមដូង ទីពីរធ្លាក់ពីលើរទេះគោ។ លោករៀបរាប់ថា កាល​ពីលោកអាយុ២០ឆ្នាំ ព្រោះតែគ្រួសារ គ្មានថវិកាគ្រប់គ្រាន់ ខ្លួនបានទៅស៊ីឈ្នួល ឡើងបេះដូងឲ្យអ្នកជិតខាង ជា​រៀង​មក មិនដែលមានបញ្ហាទេ។ តែថ្ងៃមួយ ពេលឡើងដល់ដើមដូង ដែលមានកំពស់ប្រមាណ ជា១០ម៉ែត រំដួល ដារា មាន​អាការៈ​វិលមុខ ក៏របូតដៃចេញពីធាងដូងធ្លាក់មក បណ្តាលឲ្យបាក់ចង្កេះ។ ភ្លាមៗនោះ ក្រុមគ្រួសារបានបញ្ជូន ដារា ទៅ​ព្យា​បាល​នៅមន្ទីពេទ្យស្រុក ឯកភ្នំ។

បន្ទាប់ពីព្យាបាល អស់រយៈពេលប្រមាណជា១ឆ្នាំ សភាពជំងឺរបស់កូនច្បង ពីក្នុងបងប្អូន៤នាក់ (បីនាក់ទៀត សុទ្ធតែស្រី) ទទួលបានលទ្ធផលប្រសើរ ហើយបានបន្តការសិក្សាជំនាញ ខាងជួសជុលទូរស័ព្ទ នៅក្នុងខេត្តបាត់ដំបង។ តែអពមង្គល បានវិលត្រឡប់មករក ដារា វិញ នៅថ្ងៃមួយ ពេលដែល ដារ៉ា ទៅលេងផ្ទះ ហើយបានជិះរទេះជាមួយគ្រួសារ ក៏ជួប​គ្រោះ​ថ្នាក់​ជាលើកទីពីរ ដោយសាធ្លាក់ពីលើរទេះ បណ្ដាលឲ្យរបួសបាក់ចង្កេះចាស់ រើឡើង និងបង្កឲ្យមានបញ្ហា ដល់ខួឆ្អឹង​ខ្នង​ទៀត។

ដោយមិនមានលទ្ធភាពគ្រប់គ្រាន់ ក្រុមគ្រួសារបានព្យាយាមព្យាបាល ដារា នៅត្រឹមតែមន្ទីពេទ្យស្រុកប៉ុណ្ណោះ មិនបាន​យកឡើងមកភ្នំពេញទេ។ ដូច្នេះហើយ ទើបអាការៈជំងឺរបស់ ដារ៉ា ក្លាយទៅជាដំបៅធំ ឈានដល់ស្លាប់មួយចំហៀងខ្លូន ដែលនៅលើមុខរបួស មានសភាពរលួយជាដុំធំៗ នៅត្រង់ត្រគាកទាំងសងខាង។

ម្តាយ ដារា អ្នកស្រី វ៉ាន់ សែន បានប្រាប់ទស្សនាវដ្តីមនោរម្យ.អាំងហ្វូនៅថ្ងៃ ទី០៤ ខែមិនា ឆ្នាំ២០១៥នេះថា អ្នកស្រីកំពុង​បញ្ជូន​កូនប្រុសច្បង របស់អ្នកស្រី មកកាន់មន្ទីពេទ្យរូស្ស៊ី នៅរាជធានីភ្នំពេញ ក្រោមការជួយជ្រោមជ្រែង ពីអ្នកធ្វើការ​នៅ​សង្កាត់ព្រែកហ្លូង មកពីគណៈបក្សសង្គ្រោះជាតិ។ អ្នកម្ដាយចំណាស់ ដែលរស់នៅភូមិព្រែកហ្លួង ឃុំព្រែកថ្មី ស្រុកឯកភ្នំ ខេត្តបាត់ដំបង រូបនេះ បានបន្ថែមថា កូនប្រុសរបស់គាត់ ឆ្នាំនេះមានអាយុ២៣ឆ្នាំហើយ និងនៅទទួលទានអាហារបាន ដោយខ្លូនឯងធម្មតា។ តែអ្នកស្រីមិនបានដឹងថា កូនមានជំងឺសើស្បែកអ្វី បន្ថែមទៀតនោះទេ ព្រោះនៅមិនទាន់ដល់​មន្ទីរ​ពេទ្យ គ្រាន់តែដឹងថា កាលធ្លាក់លើកទីពីរគ្រួពេទ្យប្រាប់ថា បាក់ខួឆ្អឹងខ្នង ហើយដំបៅធំៗ នៅត្រង់ត្រគាក​ជារបួស​ខាង​ក្រៅ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...