៤​ចំណុច នៃ​អាថ៌កំបាំង​ថែ​រក្សា​សម្រស់​បែប​ធម្មជាតិ របស់​ស្ត្រី​បារាំង

បើមានស្ត្រីឬនារីណាម្នាក់សម្បុរសរ កំពស់ខ្ពស់ស្រឡះ ឬមុខមាត់ប្លែកស្អាតដាច់គេនោះ ខ្មែរតែងហៅនាង​ម្នាក់​នោះ​ថា «ស្អាតដូចស្រីបារាំង»។ បើទោះជាការហៅបែបសរសើរនេះ មានលក្ខណៈជាប់នៅក្នុងផ្នត់គំនិតរបស់ខ្មែរក៏ដោយ តែខាងក្រោមនេះជាចំណុចទាំង៤ ដែលទម្លាយឲ្យដឹង ពីអាថ៌កំបាំងនៃការថែរក្សាសម្ផស្សតាមបែបធម្មជាតិ របស់​នាងៗជនជាតិបារាំង ដែលអាចចាត់ទុកជាមូលដ្ឋានគ្រឹះ នៃវប្បធម៌របស់ប្រទេសនេះនោះផង។
Loading...
  • ដោយ: ក. សេងហុង ដោយ ក. សេងហុង (ទំនាក់ទំនង៖​ [email protected]) - ភ្នំពេញ ថ្ងៃទី០៣ មីនា ២០១៤
  • កែប្រែចុងក្រោយ: March 04, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់


រូបថត តារាស្ត្រីជាជនជាតិបារាំងមួយរូប ដែលលាក់នៅក្នុងធម្មជាតិ។ (រូបថត ឯកសារ)

សម្រស់ - សម្រស់ស្រស់ស្អាត គឺជាផ្នែកមួយយ៉ាងសំខាន់ ជួយឲ្យមនុស្សមានអារម្មណ៏ល្អ និងកាន់​តែមាន​ភាព​ស្រស់ថ្លាឡើងថែមមួយកំរិតទៀត។ ខាងក្រោមនេះជា អាថ៌កំបាំងដែលមានបួនចំណុច នៃការថែរក្សា​សម្រស់​របស់​ស្រ្តីជនជាតិបារាំង ដែលទស្សនាវដ្ដីមនោរម្យ.អាំងហ្វូ សូមជម្រាបជូនមិត្តអ្នកអានដូចតទៅ។

១. ដឹងពីវិធីសាស្រ្ត នៃការចាយ

ស្រ្តីជនជាតិបារាំង បានដឹងពីប្រភេទនៃទ្រព្យសម្បតិ្តរបស់ពួកគេ និងវិធីប្រើប្រាស់ទៅតាម​ស្ថានភាពដែល​ពួកគេមាន ព្រមទាំងធ្វើការចាយវាយ ដោយត្បិតត្បៀតទៅតាមស្ថានភាព និងភាពចាំបាច់របស់វាផងដែរ។ ស្រ្តីបារាំង​មិន​ចូល​ចិត្តចំណាយប្រាក់ប្រាំអ៊ឺរ៉ូ ដោយគ្រាន់តែចេញទៅក្រៅដើម្បីកាត់សក់នោះទេ។ ពួកគេ​តែង​តែច្នៃប្រឌិត​ដោយ​គ្រឿង​សំអាងដែលពួកគេមាន ក្នុងការលើកសម្រស់ឲ្យកាន់តែស្អាត ច្រើនជាងការ​ចំណាយលុយនៅខាងក្រៅ ទៅលើ​របស់ដែលពួកនាងគិតថាមិនចាំបាច់ ហើយជាពិសេសពួកនាង​នឹង​ចំណេញលុយបានប្រាំអ៊ឺរ៉ូនោះ។

២.បង្កើនភាពរីករាយជាទម្លាប់

អារម្មណ៏ល្អ ពិតជាមានសារៈសំខាន់ណាស់ សម្រាប់ធ្វើឲ្យជីវិតរីករាយ និងសម្រស់កាន់តែស្អាត។ ងួតទឹក​យូរ ម៉ាស្សា​ស្បែក គឺធ្វើឡើងក្នុងន័យព្យាបាលរោគរាងកាយ មិនមែនសម្រាប់ធ្វើឲ្យវាមើលទៅ មានភាព​ស៊ីវិល័យឡើយ ហើយ​ពួកនាងត្រូវធ្វើជាចំបាច់ សម្រាប់សុខភាពរបស់ខ្លួននាង។ ទោះបីជារវល់យ៉ាងណា​ក៏​ដោយ ពួកនាងតែងតែ​រក​​រឿង​សប្បាយៗ ដាក់ខ្លួនពួកនាងជានិច្ច ព្រោះពួកនាងជឿថា វានឹងជះឥទ្ធិពល​វិជ្ជមាន​ដល់រូបរាងរបស់ខ្លួននាង និង​សុខមាលភាព​​ផ្ទាល់ខ្លួន។ ពួកនាងមិនគិតថា រូបរាងខាងក្រៅ​សំខាន់​ជាងចិត្តគំនិតខាងក្នុងឡើយ ហើយក៏មិន​បណ្តោយ​ឲ្យវាប្រែប្រួល តាមអាយុកាលនោះដែរ។

៣. រីករាយក្នុងការញុំាអាហារល្អៗ

អាហារឆ្ងាញ់ៗ គឺជាមូលដ្ឋានគ្រឹះនៃវប្បធម៌បារាំង ដែលពួកនាងមិនអាចចោលបាន ហើយជាពិសេស​ស្រ្តី​បារាំង​តែងតែធ្វើ​ក្នុងកំរិតមធ្យម។ គ្មានស្រ្តីជនជាតិបារាំងណាមួយញុំាតែនំបុ័ង ហ៊េមបាហ្គើរ ឬបង្អែមរាល់​ថ្ងៃ​ទេ។ ពួកនាង​តែងរកអាហារល្អៗ ផ្សំឡើងពីធម្មជាតិដើម្បីបរិភោគជាប្រចាំ។

៤. ទុកដាក់ខ្លួនតាមបែបធម្មជាតិ

ស្រ្តីជនជាតិបារាំង ចូលចិត្តតុបតែងខ្លួនតាមបែបធម្មជាតិ ទាំងការតុបតែងសក់ ការផាត់មុខជាដើម។ ទោះ​យ៉ាង​ណា​ក៏ដោយ ពួកនាងមិនទុកឲ្យអាយុកាល កំណត់ការរស់នៅរបស់ពួកនាងឡើយ ព្រោះស្ត្រីបារាំង​គិតថា អាយុមិន​មែន​ជាមូលហេតុបណ្តាលឲ្យអារម្មណ៏របស់គេឡើយ។ នេះក៏ជាករណីមួយ ដែលធ្វើឲ្យ​ពួក​គេនៅតែអាច​រក្សាភាព​ស្រស់​ស្អាត និងភាពទាក់ទាញជាដរាប ទោះវ័យរបស់គេ មានការប្រែប្រួល​ក៏​ដោយ៕


លោកស្រី កាឡា ប៊្រុយនី ភិរិយាអតីតប្រធានាធិបតីបារាំង តែលោកស្រីធ្លាប់ជាកំពូលតារា​បង្ហាញម៉ូដនិងជាអ្នកចម្រៀងផងដែរ។ (រូបថត ឯកសារ)

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...