អ្នកណា​ក៏​ស្គាល់​ដែរ ពាក្យ​ដែល​គេតែង​តែ​និយាយ​ថា៖ «លោត​ខ្លាំង ធ្លាក់​មក​ក៏​ឈឺ​ខ្លាំង​ដែរ»។ ជា​ពិសេស​សម្រាប់​តារា​ចម្រៀង​យុវវ័យ ដែល​តែង​តែ​ធ្វើ​អ្វី​ប្លែកៗ ខុស​គេ​ខុស​ឯង​ផង​នោះ មិន​សូវ​ជា​ពិបាក​នឹង​ធ្វើ​អត្ថាធិប្បាយ​នោះ​ឡើយ។ ទាល់​ត្រង់​ថា ជូស្ទីន ប៊ែប៊័រ មិន​មែន​លោត​ខ្លាំង​ទេ តែ​គឺ​«រអិល​ខ្លាំង ដួល​អុក​គូទ»។

ចំណេះ​ដែល​ខំ​ប្រឹង​រៀន​ជិះ​ក្ដា​រអិល​នេះ​តាំង​ពី​ប៉ុន្មាន​ឆ្នាំ​មុន មើល​ទៅ ជូស្ទីន មិន​សូវ​ជា​បាន​រៀន​ចេះ​ចាំ​ស្ទាត់​នោះ​ទេ ធ្វើ​ឲ្យ​អ្នក​ចូល​ចិត្ត ជូស្ទីន ដែល​រង់​ចាំ​ទស្សនា ក្បាច់​ខ្លាំង​របស់ ជូស្ទីន ខក​ចិត្ត​អត់។

កាលពីចុងសប្ដាហ៍កន្លងទៅ នៅទីក្រុង ញ៉ូយក តារា​ចម្រៀង​ហាក់ចម្លែកប្លែកខុសធម្មតា ចង់យាត្រា​លេង​ក្ដារអិលម្ដង ដើម្បីបញ្ចប់ឆ្នាំចាស់ចូលឆ្នាំថ្មី។ ជូស្ទីន បាន​បញ្ចេញ​ក្បាច់... តែមិនជាខ្លាំងក្លាអីណាស់ណានោះទេ ព្រោះទើបតែចាប់ផ្ដើម... តារា​ចម្រៀង​យើង​របូត​ក្បាច់​ដួល ទៅលើដីយ៉ាងច្រងាប់ច្រងិល។

តែនៅចំពោះអ្នកចូលចិត្តតារាចម្រៀងច្រើននាក់ ជូស្ទីន មិនត្រូវបង្ហាញពីចំណុចខ្សោយរបស់ខ្លួនទេ។ តារា​ចម្រៀ​ងបានងើបឡើង ឡើងជិះក្ដារអិលជាថ្មី ហើយបញ្ចេញការលោតហក់ជាបន្ត៕