រ៉ៃយ៉ាណា និង​មីឡី ស៊ីរ៉ឺស ស្លៀក​ឈុត​បង្ហាញ​សុដន់ ផ្អើល​អ៊ីនធើណែត

សម្លៀកបំពាក់មួយឈុតម្នាក់ ដែលតារាហូលីវូដ (ជំនាញទាំងខាងសម្ដែង និងចម្រៀង) នាង មីឡី ស៊ីរ៉ឺស (Miley Cyrus) និងនាង រ៉ៃយ៉ាណា (Rihanna) ស្លៀកនៅក្នុងរាត្រីស្រមោលសរ amfAR កាលពីសប្ដាហ៍កន្លងទៅ បានធ្វើ​ឲ្យ​មនុស្ស​ជា​ច្រើន​ជ្រួល​ជ្រើម​មិន​តិច​ទេ។ រូបថតដែលផ្សាយចេញ ពីរាត្រីស្រមោលសរនោះ បានអណ្ដែតពេញពិភពអ៊ិនធើណែត ហើយវិលវល់រហូតដល់ថ្ងៃនេះ។
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី០១ វិច្ឆិកា ២០១៤
  • កែប្រែចុងក្រោយ: November 02, 2014
  • ប្រធានបទ: អេដស៍
  • អត្ថបទ: មានបញ្ហា?
  • មតិ-យោបល់

មនុស្សមួយចំនួនបានចោទ​ជា​សំណួរ​ថា តើ​តារា​ល្បី​ទាំង​ពីរ​ដួង​របស់​អាមេរិក ដែល​បញ្ចេញ​រូប​រាង​ជា​មួយ​នឹង​ឈុត​សម្លៀក​បំពាក់​នេះ មាន​បំណង​យ៉ាង​ណា​ទេ នៅ​ក្នុង​ពេល​នោះ? ប៉ុន្តែ​សម្រាប់​បណ្ដា​អ្នក​ចូល​រួម ក្នុង​មហោស្រព amfAR ក្នុង​ក្រុង ឡូស​អេនជឺឡេស ថ្ងៃ​​ទី​​២៩ ខែ​តុលា ដែល​មាន​ទិស​ដៅ​សម្រាប់​បុព្វហេតុ​ប្រឆាំង​ជម្ងឺ​អេដស៍​នោះ តើ​នរណា​មួយ ដែល​មិន​បះ​សក់​ព្រឺ​រោម​ជាមួយ​នឹង​តារា​ទាំង​ពីរ?

តែសម្រាប់នាង មីឡី ស៊ីរ៉ឺស ខ្លួននាង បាន​​សរសេរ​​​នៅ​លើ​គណនី អ៊ីនស្តាហ្គ្រាម របស់​នាង​ធ្វើ​វា​ហី​ថា៖ «ខ្ញុំ​សប្បាយ​ចិត្ត​ខ្លាំង​ណាស់ ជា​​មួយ​​មនុស្ស​ម្នា​ទាំង​អស់​នោះ។ ជា​មួយ​នឹង​សំណាង​ដែល​មាន​ខ្លះៗ​នោះ យើង​ទំនង​ជា​អាច​សរសេរ​ប្រវត្តិសាស្ត្រ​ថ្មី ពី​ការ​រក​ឃើញ​ថ្នាំ​វ៉ាក់សាំង​ការពារ ប្រឆាំង​នឹង​ជម្ងឺ​អេដស៍។ ហើយ​ខ្ញុំ​នឹង​កាន់​តែ​សប្បាយ​ចិត្ត​ខ្លាំង​ឡើង ដែល​បាន​ធ្វើ​បុព្វហេតុ​មួយ​ចំនួន នៅ​ក្នុង​ចំណោម​នោះ។»

រាត្រីស្រមោលសរ amfAR បានសង្កត់ធ្ងន់ទៅលើ ការលក់ដេញថ្លៃនូវសម្ភារៈមួយចំនួន ដែលសុទ្ធសឹង​ជា​វត្ថុ​អំណោយ ហើយប្រាក់ដែលរកបាន ពីការលក់ដេញថ្លៃនេះ នឹងត្រូវផ្ទេរចូលទៅក្នុងមូលនិធិ សម្រាប់​ការសិក្សា​ស្រាវជ្រាវ ប្រឆាំងនឹងមេរោគអេដស៍។ គួរបញ្ជាក់ដែរថា តារាស្រីវ័យក្មេង នាង មីឡី ស៊ីរ៉ឺស ទើបនឹងចូលរួម​ក្នុង​យុទ្ធនាការពិសេស ក្នុងឆ្នាំ២០១៤នេះប៉ុណ្ណោះ ហើយនាងបានក្លាយជាអង្គទូតសុឆន្ទៈមួយរូបទៀត របស់​ amfAR ជាមួយនឹងតារាល្បីដទៃទៀត ដូចជានាង រ៉ៃយ៉ាណា នាង ឡេឌី ហ្គាហ្គា (Lady Gaga) និងនាង នីគី មីណៃ (Nicki Minaj) ជាដើម៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...