អ្នកសារព័ត៌មានកម្ពុជាធ្វើខ្លួនដូចម្តេច ក្នុងសមាគមន៍អាស៊ាន២០១៥? (vdo)
- ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២៩ តុលា ២០១៤
- កែប្រែចុងក្រោយ: October 30, 2014
- ប្រធានបទ: សម្ភាស
- អត្ថបទ: មានបញ្ហា?
- មតិ-យោបល់
-
និពន្ធនាយកព័ត៌មានវិទ្យុបារំាងអន្តរជាតិ (RFI) លោក ប៉ែន បូណា និងជាប្រធានរដ្ឋបាលក្លឹបអ្នកកាសែត (ក.អ.ក) បានស្នើដល់ស្ថាប័នរដ្ឋ បើកទូលាយនូវព័ត៌មានស្តីពី«អាស៊ាន»ដល់អ្នកសារព័ត៌មានកម្ពុជា ដោយយកភាសាខ្មែរជាគោល។ ហើយលោក ក៏ស្នើឲ្យអ្នកសារព័ត៌មានខ្មែរទាំងអស់ ត្រូវបន្ថែមនូវចំណោះដឹងផ្នែកភាសាបន្ថែម ដើម្បីទទួលបានព័ត៌មានច្រើន គ្រប់ជ្រុងជ្រោយ និងតម្លាភាព។
ការថ្លែងរបស់លោក ប៉ែន បូណា បានធ្វើឡើងបន្ទាប់ពីវេទិកាសម្រាប់អ្នកសារព័ត៌មានទូទៅ លើប្រធានបទ «តើអ្នកសារព័ត៌មានកម្ពុជា រៀបចំខ្លួនហើយឬនៅ ចំពោះសមាហរណកម្មអាស៊ាន?» ដែលរៀបចំឡើងដោយក្លឹបអ្នកកាសែតកម្ពុជា (ក.អ.ក) នៅសណ្ឋាគារកំាបូឌីយ៉ាណា កាលពីថ្ងៃទី២៨ ខែតុលា ឆ្នាំ២០១៤នេះ។
លោក ប៉ែន បូណា បានបន្ថែមថា សម្រាប់បរិបទកម្ពុជាបច្ចុប្បន្ននេះ អ្នកសារព័ត៌មាន ក៏ដូចប្រជាពលរដ្ឋទូទៅ ពិបាកនឹងទទួលបាន នូវព័ត៌មានពិស្តាស្តីពី«អាស៊ាន» ពីស្ថាប័នរដ្ឋាភិបាលណាស់ ដូចជាករណីទទួលព័ត៌មាន ពីក្រសួងការបរទេស និងសហប្រតិបត្តិការអន្តរជាតិ របស់ប្រទេសកម្ពុជាជាដើម។។ លោកបានសង្កត់ធ្ងន់ទៀតថា៖ «បើស្ថាប័នរដ្ឋ មិនបើកទូលាយទេ នោះកម្ពុជានឹងខាតប្រយោជន៍មួយចំនួនពីសមាគមន៍អាស៊ាន»។
សូមស្តាប់ និងទស្សនាកិច្ចសម្ភាសលោក ប៉ែន បូណា នាយករដ្ឋបាលក្លឹបអ្នកកាសែត(ក.អ.ក) ជាមួយអ្នកសារព័ត៌មាន ដែលមានអត្ថន័យទាំងស្រុងដូចខាងក្រោម៖