ឥណ្ឌា៖ ឆ្កែកំសត់ ធ្លាក់លើកៅស៊ូក្រាលថ្នល់កំពុងក្ដៅ តែមិនស្លាប់ (vdo)
- ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី០១ តុលា ២០១៤
- កែប្រែចុងក្រោយ: October 02, 2014
- ប្រធានបទ: អំពើល្អ
- អត្ថបទ: មានបញ្ហា?
- មតិ-យោបល់
-
លោកអ្នកដែលប៉ះកៅស៊ូក្រាលថ្នល់ ដែលកំពុងចំហុយក្ដៅឬទេ? បើលោកអ្នកមិនដែលប៉ះវា ប្រហែលជាមិនដឹង ថានឹងមានអារម្មណ៍បែបណាទេ ហើយលោកអ្នកក៏មិនចង់សាកល្បងដែរ។ ប៉ុន្តែឆ្កែមួយក្បាល ក្នុងរដ្ឋ រ៉ាចាស្ថាន (Rajasthan) ភាគពាយ័ព្យនៃប្រទេសឥណ្ឌា បានធ្លាក់ដោយចៃដន្យ ទៅលើកៅស៊ូក្រាលថ្នល់ ដែលនៅរាវក្ដៅ តែវាបានខំបម្រៈងើបចេញមកវិញ ដោយខ្លួនឯងភ្លាមៗ ហើយរោមវា បានជួយបញ្ឈៀសកៅស៊ូក្ដៅ មិនអាចបញ្ចេញឥទ្ធិពលខ្លាំង ធ្វើឲ្យវាឆេះរលាកខ្លួន។
បុរសអ្នកដំណើរម្នាក់ បានឃើញសុនខដ៏កំសត់ ដេកស្ងៀមលើដីលែងកម្រើក ដោយសារតែកៅស៊ូដែលរុំព័ទ្ធខ្លួនវា តែវានៅបើកភ្នែកម៉ក់ៗនៅឡើយ។ បុរសម្នាក់នោះ ក៏បានហៅទៅសមាគម ជួយសត្វគ្មានកំណត់ ហៅជាភាសាអង់គ្លេសថា Animal Aid Unlimited ក្នុងក្រុង អ៊ូដៃពួរ (Udaipur) ដើម្បីជួយសង្គ្រោះជីវិតសត្វ។
នៅក្នុងវីដេអូ ដែលបង្ហោះផ្សាយដោយសមាគមនេះ បានឲ្យដឹងថា ក្រុមអ្នកជួយជីវិតសត្វ បានប្រើពេលរហូតដល់ទៅ៣ម៉ោង ក្នុងរយៈពេល២ថ្ងៃ ដើម្បីដុសកៅស៊ូចេញពីខ្លួនសុនខ ជាមួយនឹងប្រេង។ ពីរថ្ងៃដ៏សំខាន់ជាទីបំផុត សម្រាប់ឲ្យសុនខអាចលោតសប្បាយវិញ ជាមួយនឹងនំសូកូឡា ដែលក្រុមអ្នកស្រឡាញ់សត្វ បានបោះទៅឲ្យ ...
ទស្សនាវីដេអូ៖