បារាំង៖ ប្រកាស​តាម​ការសែត​ថា​«ស្លាប់» ដើម្បី​គេច​ចេញ​ពី​ការ​ស្វែង​រក​ចាប់​ខ្លួន

យុវជនអាយុ២៦ឆ្នាំមួយរូប ដែលកំពុងត្រូវបានស្វែករកចាប់ខ្លួន ដោយសមត្ថកិច្ចប្រទេសបារាំងនោះ បានរកឃើញល្បិចមួយ ដើម្បីគេចចេញពីការតាមចាប់ខ្លួននេះ ដោយប្រកាសតាមសារព័ត៌មានថា ខ្លួនបានស្លាប់ហើយ។ តែបើទោះជាគ្រួសារ​របស់​យុវជន​កំហិល​នេះ បានជឿទាំងស្រុងក៏ដោយ តែក្រុមនគរបាល នៅមាន​«ល្បិច​ទល់​ល្បិច»​តប​វិញ​ដែរ។
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី២១ កញ្ញា ២០១៤
  • កែប្រែចុងក្រោយ: September 21, 2014
  • ប្រធានបទ: ល្បិចខិល
  • អត្ថបទ: មានបញ្ហា?
  • មតិ-យោបល់

ដើម្បីគេចចេញ ពីការតាមចាប់ខ្លួន របស់នគរបាល យុវជនកំហិលម្នាក់ បានបង្កើតរឿងមួយ ដើម្បីគ្រួសារ​របស់​ខ្លួន នាំ​គ្នាយំស្រែកសោកសង្រេងគ្រប់គ្នា។ យុវជនដែលបានត្រូវចោទប្រកាន់ ថាបាន​ប្រព្រឹត្តិ​ល្មើស​ជា​ច្រើន​ករណី អាយុ២៦ឆ្នាំរូបនេះ បានប្រកាសតាមសារព័ត៌មាន ពីបុណ្យសពរបស់ខ្លួន នៅភាគខាង​លិច​របស់​ប្រទេស​បារាំង ដើម្បីបង្វិលការស្វែងរករបស់សមត្ថកិច្ច តែបានធ្វើជីដូនរបស់ខ្លួន ញ័រស្ដាយចៅប្រុស ព្រោះ​ជឿ​តាម​​ការ​ចុះ​ផ្សាយនោះ។

នៅក្នុងសារព័ត៌មាន Ouest-France ផ្នែកផ្សាយដំណឹង គេបានឃើញសារមួយសរសេរជាអាថ៌ថា៖ «ម្ដាយ ឪពុក បងប្អូនប្រុសស្រី និងក្រុមគ្រួសារទាំងអស់ សូមជូនដំណឹងយ៉ាងក្រៀមក្រំ ពីមរណភាព របស់ សេឌ្រិក អ៊ិល. (Cédric L.) កាលពីថ្ងៃព្រហស្បត្តិ៍ទី១១ ខែកញ្ញា ក្នុងអាយុ២៦ឆ្នាំ។ ពិធីបញ្ចុះសពនឹងប្រព្រឹត្តិទៅ នៅថ្ងៃ​អង្គារ​ទី១៦ ខែកញ្ញានេះ វេលាម៉ោង១០និង៣០នាទីព្រឹក ក្នុងព្រះវិហារ គ្រឹស្ដ៍រ៉័ ឌឺ កួរតឺយ (Christ Roi de Courteille) ក្នុងក្រុង អាឡង់សុង (Alençon ភាគខាងលិចប្រទេសបារាំង)»។

នគរបាលដែលកំពុងស្វែងរកមុខយុវជន ដើម្បីយកមកអនុវត្តទោស ៥ឆ្នាំ ក្នុងពន្ធនាគារ ពីបទឆរបោកនោះ បានធ្វើដំណើរទៅកាន់ពិធីបញ្ចុះសពនោះ ដើម្បីចង់ដឹងឲ្យពិតផង និងអាចចាប់ខ្លួនយុវជនកំហិលនេះផង។ រដ្ឋអាជ្ញាបារាំងប្រចាំតំបន់ បាននិយាយថា នគរបាលមិនឃើញមានសាកសព ហើយក៏គ្មានពិធីបុណ្យអ្វីដែរ។ តែផ្ទុយទៅវិញ ជីដូនរបស់យុវជននោះ បានបង្ហាញ​វត្តមាននៅទីនោះ ដោយទំនងជាមិនដឹង ពីល្បិចខិលខូច​របស់ចៅខ្លួន។ រដ្ឋអាជ្ញាបានបញ្ជាក់ទៀតថា យុវជននេះ ពិតនៅរស់ ហើយកំពុងលាក់ខ្លួននៅទី​ណា​មួយ​នៅ​ឡើយ ក្នុងពេលនេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...