សមាជិកសភា​អូស្ត្រាលី ពី​ខាង​គណបក្ស ពលករ លោក ម៉ាក់ បាត់លើរ (Mark Butler) បាននិយាយ​ដោយ​ប្រើពាក្យធ្ងន់ៗ នៅថ្ងៃនេះថា លោកនាយករដ្ឋមន្ត្រី ហ៊ុន សែន មិនអាច​ត្រូវបានអនុញ្ញាត ឲ្យបន្តជាន់ឈ្លីស្មារតី និងការចែង នៃកិច្ចព្រមព្រៀងសន្តិភាពក្រុងប៉ារីស ឆ្នាំ១៩៩១ ដោយគ្មានការឆ្លើយតប ពីសហគមន៍អន្តរជាតិនោះឡើយ។

ខាងក្រោមនេះ ជាវីដេអូនៃការថ្លែងរបស់ លោក ម៉ាក់ បាត់លើរ ដែលត្រូវបានលោកខ្លួនឯង យកមកបង្ហោះ នៅលើបណ្ដាញសង្គមទ្វីសធើរ៖

We must speak out and support the Cambodian people. Hun Sen cannot be allowed to continue to trash the spirit and letter of the Paris Peace Accords without a clear response from the international community. #Cambodia pic.twitter.com/P2lk5DhGel

— Mark Butler MP (@Mark_Butler_MP) 26 mars 2018

លោក ម៉ាក់ បាត់លើរ  ធ្លាប់បានធ្វើញត្តិមួយ កាលពីប៉ុន្មានសប្ដាហ៍មុន ទៅកាន់​នាយក​រដ្ឋមន្ត្រី​អូស្ត្រាលី លោក មែលខម ធើនប៊ូល (Malcolm Turnbull) ដើម្បី​ស្នើ​ឲ្យ​នាយករដ្ឋមន្ត្រី អូស្ត្រាលី ជជែកជាមួយលោក ហ៊ុន សែន ជុំវិញវិបត្តិនយោបាយនៅកម្ពុជា ក្នុងនោះទាមទារឲ្យដោះលែង លោក កឹម សុខា ប្រធាន​គណបក្ស សង្គ្រោះ​ជាតិ ជាបន្ទាន់ លុបចោល​ការ​រំលាយ​គណបក្ស​សង្គ្រោះជាតិ និង​ធានា​ឲ្យ​មាន​ការ​បោះ ឆ្នោត ដោយ​សេរី ត្រឹមត្រូវ និង​យុត្តិធម៌។