ដើម្បី​ចេញ​ទៅ​ធ្វើការ​នៅ​ថៃ​វិញ ត្រូវ​មាន​ប្រាក់​យ៉ាង​ហោច ៤៩​ដុល្លា

ក្រសួងការងារ និងបណ្ដុះបណ្ដាលវិជ្ជាជីវៈ ដែលមានលោក អ៊ិត សំហេង ជារដ្ឋមន្ត្រី បានថ្លែងកំណត់តម្លៃ​ក្រដាស​ស្នាម ដើម្បីផ្ដល់ជូនពលករខ្មែរ ក្នុងការចូលទៅធ្វើការក្នុងប្រទេសថៃ មានចំនួន ៤៩ ដុល្លា។ ពីក្នុងចំនួននោះ មានតម្លៃ​ធ្វើលិខិតឆ្លងដែនថ្មី របស់រដ្ឋាភិបាល ចំនួន៤ដុល្លារ ដែលទើបនឹងប្រកាសរួចកាលពីពេលថ្មីៗនេះ ត្រូវបានអនុវត្តចូល​នោះផង។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី២៥ មិថុនា ២០១៤
  • កែប្រែចុងក្រោយ: June 26, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រសួងការងារ និងបណ្ដុះបណ្ដាលវិជ្ជាជីវៈ ដែលមានលោក អ៊ិត សំហេង ជារដ្ឋមន្ត្រី បានថ្លែងកំណត់តម្លៃ​ក្រដាស​ស្នាម ដើម្បីផ្ដល់ជូនពលករខ្មែរ ក្នុងការចូលទៅធ្វើការក្នុងប្រទេសថៃ មានចំនួន ៤៩ ដុល្លា។ ពីក្នុងចំនួននោះ មានតម្លៃ​ធ្វើលិខិតឆ្លងដែនថ្មី របស់រដ្ឋាភិបាល ចំនួន៤ដុល្លារ ដែលទើបនឹងប្រកាសរួចកាលពីពេលថ្មីៗនេះ ត្រូវបានអនុវត្តចូល​នោះផង។


លិខិតឆ្លងដែន កម្ពុជា។

ក្រដាសស្នាមការងារ - កិច្ចប្រជុំជាមួយបានរៀបចំឡើង ដោយក្រសួងការងារ និងបណ្តុះបណ្តាលវិជ្ជាជីវៈ ជាមួយនឹង​ក្រុមហ៊ុនភ្នាក់ងារបញ្ជូនពលករ ទៅក្រៅប្រទេសចំនួនជាង៤០ កាលពីថ្ងៃទី២៤ ខែមិថុនាម្សិលម៉ិញនេះ។ ក្នុងកិច្ចប្រជុំ​នោះដែលផ្តល់សិទ្ធិ ទៅឲ្យក្រុមហ៊ុនរហូតដល់៤០ ធ្វើជាភ្នាក់ងារបញ្ជូនពលករ ចេញទៅធ្វើការនៅប្រទេសថៃ ក្នុង​នាមជាពលករស្របច្បាប់។ ក្នុងការនាំពលករខ្មែរទៅប្រទេសថៃ ក្រសួងក៏បានអនុញ្ញាតិឲ្យក្រុមហ៊ុនទាំងនោះ យក​ថ្លៃរហូតដល់៤៩ដុល្លាក្នុងមនុស្សម្នាក់។

តម្លៃ៤៩ដុល្លា នេះជាការចេញជំនួសមកវិញនូវ ប័ណ្ឌជាពលករខ្មែរទៅធ្វើការនៅបរទេស (១០ដុល្លារ) ថ្លៃលិខិតឆ្លង​ដែន (៤ដុល្លារ) ទិដ្ឋាការការងារនៅស្ថានទូតថៃប្រចាំប្រទេសកម្ពុជា (២០ដុល្លារ)។ ជាសរុប ប្រមាណ (៣៤ដុល្លារ)។ បន្ថែមពីលើតម្លៃនេះ ពលករ សិស្ស និងនិស្សិត ត្រូវចេញខ្លួនឯង នូវសោហ៊ុយធ្វើដំណើរទៅកាន់ក្រុងប៉ោយប៉ែត (១០​ដុល្លារ) និងប្រាក់​អាហារតាមផ្លូវធ្វើដំណើរ(៥ដុល្លារ) ថែមទៀត ដើម្បីបង្គ្រប់៤៩ដុល្លារ។ នេះជាការបញ្ជាក់ របស់​លោក អ៊ិត សំហេង រដ្ឋមន្ត្រីក្រសួងការងារ និងបណ្តុះ​បណ្តុះបណ្តាលវិជ្ជាជីវៈ ក្រោយពីបញ្ចប់កិច្ចប្រជុំ​ ជាមួយក្រុមហ៊ុន​បញ្ជូន​ពលករកាលពីថ្ងៃទី២៤ ខែមិថុនាម្សិល​ម៉ិញ​នេះ។

អនុក្រិត្យរបស់រដ្ឋាភិបាល ដែលចុះហត្ថលខា ដោយលោកនាយករដ្ឋមន្រ្តី ហ៊ុន សែន កាលពីថ្ងៃទី២០ ខែ​មិថុនា ស្តីពី​ការផ្តល់លិខិតឆ្លងដែនធម្មតា ជូនពលករ ពលការិនី សិស្ស និស្សិត លើមាត្រ១ និង២ បានចែង​យ៉ាង​ដូច្នេះថា «ផ្តល់​លិខិតឆ្លងដែនធម្មតាជូនពលករ ពលការិនីខ្មែរ ដែលត្រូវទៅធ្វើការដោយស្របច្បាប់ នៅបរទេស​ដោយ​អាករជា​បន្ទុក​របស់រដ្ឋ។ ប៉ុន្តែពលករ ពលការិនី ត្រូវបានបង់ប្រាក់ចំនួន៤ដុល្លារអាមេរិកសម្រាប់ថ្លៃថតរូប។ (...) ផ្តល់​លិខិតឆ្លងដែន ធម្មតាជូនសិស្ស និស្សិតខ្មែរ ដែលទទួលបានអាហារូបករណ៍ទៅសិក្សានៅក្រៅ ប្រទេស ដោយ​អាករ​ជាបន្ទុករបស់រដ្ឋ បន្តែសិស្ស និងនិស្សិតត្រូវបង់ប្រាក់ចំនួន៤ដុល្លារ សម្រាប់ថ្លៃថតរូប។ សំណើសុំផ្តល់​លិខិតឆ្លងដែន​របស់សិស្ស និស្សិតខ្មែរ ដែលទទួលបានអាហារូបករណ៍ ទៅសិក្សានៅក្រៅប្រទេស ត្រូវមានការបញ្ជាក់ពី​ក្រសួង​អប់រំ​យុវជន​ និង​កីឡា។»

បើតាមការអះអាង របស់មន្រ្តីនាយកដ្ឋាននគរបាលស្ថិតិ និងលិខិត​ឆ្លង​ដែន ក្នុងល័ក្ខខ័ណ្ឌមិនបញ្ជាក់ឈ្មោះ បាន​លើក​ឡើងថា ទាំងពលករ ទាំងសិស្ស និងនិស្សិត អាចធ្វើលិខិតឆ្លងដែន​ក្នុងតម្លៃ៤ដុល្លារនេះបាន លុះត្រាអ្នកទាំងនោះ បាន​ចុះឈ្មោះជាមុននៅមូលដ្ឋានរបស់ខ្លួន ហើយមន្ត្រីថ្នាក់មូលដ្ឋាន​នឹងបញ្ជូនទៅកាន់ថ្នាក់ស្រុក ថ្នាក់ខេត្ត និងជា​ចុង​ក្រោយមកខេក្រសួងការងារ។ លោកបន្តថាការធ្វើបែបនេះ ដើម្បី​បញ្ជាក់ថាប្រជាពលរដ្ឋទាំងនោះពិតជាពលករ។ ហើយក្រសួងក៏តម្រូវឲ្យពលករទាំងអស់​ មានកិច្ចសន្យាការងារ​ច្បាស់​លាស់មួយទៀត ជាមួយ​ក្រុមហ៊ុននាំពលករទៅ​ក្រៅប្រទេសដែរ។

មកទល់ពេលនេះ បញ្ហាពាក់ព័ន្ធនឹងតម្លៃលើលិខិតឆ្លង សម្រាប់ពលករខ្មែរ ស្ថិតនៅជាអាថ៌កំបាំងនៅឡើយ។ ទោះ​យ៉ាងនេះក្តីការកំណត់តម្លៃ៤ដុល្លា សម្រាប់លិខិតឆ្លងដែននេះនៅតែជាមន្ទិលសង្ស័យនៅឡើយ។ ឯអ្នកគាំទ្រ និង​អ្នកមិនគាំទ្រ បានបង្ហាញនូវភាពគ្មានជំនឿចិត្ត ចំពោះការអនុវត្តរបស់ក្រសួងពាក់ព័ន្ធទាំងនោះថា នឹងធ្វើឡើងដោយ​មានតុល្យភាព និងភាពស្អាតស្អំនោះឡើយ។

បើយោងតាមមាត្រាបីនៃអនុក្រិត្យ ចុះហត្ថលេខាដោយលោក ហ៊ុន សែន ដដែល បានបញ្ជាក់ពីពេលវេលា ដែលនឹង​ទទួលបានលិខិតឆ្លងដែនធម្មតានេះថា នឹងត្រូវផ្តល់ជូនពលករ ពលការិនី សិស្ស និស្សិតខ្មែរ ក្នុងរយៈពេល​យ៉ាងយូរ​២០ថ្ងៃនៃថ្ងៃធ្វើការ គិតចាប់ពីទទួលពាក្យស្នើសុំ។ ឯទីកន្លែងទទួលធ្វើលិខិតឆ្លងដែនមានពីរ មួយកន្លែងនៅភ្នំពេញ និងមួយកន្លែងទៀតនៅបាត់ដំបង។ តែការិយាល័យលិខិតឆ្លងដែនទាំងពីរនោះ មកដល់ថ្ងៃនេះ មិនទាន់បើកទ្វារ​ជា​ផ្លូវការនៅឡើយ ដោយអះអាងថា មិនទាន់មានគោលការណ៍ណែនាំច្បាស់លាស់ពីថ្នាក់ក្រសួង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...