រវាងកាយវិការក្រម៉ិចក្រម៉ើម និងសុភាពរាបសាររម្យទុំ តើប្រិយមិត្តយល់ថា មួយណាដែលកញ្ញា សុគន្ធ នីសា តារា​ចម្រៀងរបស់ផលិតកម្មថោន ទទួលបានប្រជាប្រិយភាព និងការគាំទ្រច្រើនជាងគេ? ចុះចំពោះទស្សនិកជនវិញ តើ​ចូលចិត្តបែបណាដែរ?

សុគន្ធ នីសា តារាចម្រៀង។ (រូបថត ហ្វេសប៊ុក)

តារា - តារាចម្រៀងសុគន្ធ នីសា ត្រូវបានគេស្គាល់ថា ជាតារាចម្រៀងដែលមានចរិកសុភាពរាបសា ដោយសារតែ​កន្លង​មក ធ្លាប់តែឃើញតារាចម្រៀងរបស់ផលិតកម្មថោនរូបនេះ សម្ដែងតែជាតួកម្សត់ សុភាពរាបសា។ ប្រិយមិត្ត​ប្រាកដជាមានអារម្មណ៍ប្លែកថា ហេតុអ្វីបានជាតារាចម្រៀងមានភាពស្រគត់ស្រគំរូបនេះ បែរជាផ្លាស់ប្តូស្ទីល មក​សម្តែងជាតួក្រម៉ិចក្រម៉ើមគួរឱ្យអស់សំណើទៅវិញ។

ជាការកត់សម្គាល់ឃើញថា ក្នុងឆ្នាំ២០១៤នេះ តារាចម្រៀងឈរនៅជួរមុខ ក្នុងផលិតកម្មថោន កញ្ញា សុគន្ធ នីសា បានបង្កើតស្ទីលថ្មីប្លែកៗ ដែលកាលពីមុន ក្នុងពេលដែលនាងជ្រកក្រោមទ្រនំហង្សមាស កម្រឃើញនាងសម្តែង​កាយវិការ​ក្រម៉ិចម៉ើម ឬបង្ហាញស្ទីលរាំប្លែកៗណាស់។ ការបង្ហាញស្ទីលប្លែករបស់តារាចម្រៀង ដែលកំពុងតែលេច​ធ្លោរ ក្នុងអាជីពជាអ្នកចម្រៀងរូបនេះ បានធ្វើឱ្យអ្នកទស្សនាកាន់តែចាប់អារម្មណ៍ និងទាក់ទាញការគាំទ្របានមិនស្ទើរ ពីប្រិយមិត្តអ្នតាមដានពិភពសិល្បះផងដែរ។

ប្រិយមិត្តអ្នកគាំទ្រមួយរូប របស់តារាចម្រៀង ប្រាប់ទស្សនាវដ្ដីមនោរម្យ.អាំងហ្វូថា បើទោះបីជាពេលនេះ កញ្ញាឃើញ កញ្ញាសុគន្ធ នីសា ចូលចិត្តសម្តែងកាយវិការ ដែលមានចរិកលេងសើចក្រម៉ិចក្រម៉ើមក៏ដោយ តែយុវតីអ្នស្នេហា​ចម្រៀង​រូបនេះ នៅតែបង្ហាញអារម្មណ៏ចូលចិត្តកាយវិការដ៏ស្រគត់ស្រគំ របស់តារារូបនេះជាង ជាពិសេសនៅ​ពេល​ដែលនាងសម្តែងបទកម្សត់ៗ សុគន្ធ នីសាមើលទៅគួរឱ្យស្រលាញ់ណាស់។

ចំណែកយុវជនម្នាក់ទៀតជានិស្សិតឆ្នាំទី១ នៃសាកលវិទ្យាល័យន័រតុន បានបង្ហាញចំណាប់អារម្មណ៍ទៅតារា​ក្នុង​ដួង​ចិត្តរបស់ខ្លួនដែរថា បើនិយាយពីសមត្ថភាពនៃការសម្តែងរបស់កញ្ញា សុគន្ធ នីសា គឺលោកចូលចិត្តទាំងបទកម្សត់ និងបទបែបកំប្លែង។ តែលោកបញ្ជាក់ថា លោកចូលចិត្តឱ្យកញ្ញា សុគន្ធ នីសា សម្តែងកាយវិការក្រម៉ិចក្រម៉ើមច្រើន​ជាង ព្រោះមើលទៅប្លែកភ្នែក រីឯស្នាមញញឹមរបស់នាង សម្តែងកាយវិការបែបនេះគឺស្អាតខ្លាំងណាស់។

សុគន្ធ នីសា បច្ចប្បន្នមិនត្រឹមតែអាចរក្សាភាពល្បីល្បាញ ក្រោយពីផ្លាស់ប្ដូរទ្រនំចាស់មកកាន់ទ្រនំថ្មីប៉ុណ្ណោះទេ ក្នុងពេលនេះកេរ្តិ៍ឈ្មោះរបស់នាង ហាក់ស្ទុះខ្លាំង បើធៀបនឹងកាលនាងជ្រកនៅហង្សមាសក្នុងឆ្នាំ២០០៧។ កាលពី​ឆ្នាំ២០១២ តារាចម្រៀងសំឡេងផ្អែម មានសម្រស់ស្រស់សោភារូបនេះ ក៏ជាម្ចាស់ពានក្នុងកម្មវិធីអាណាចក្រ​តាម​ក្នុងផ្នែក «តារាចម្រៀងស្រីបែបមនោសញ្ចេតនាល្អជាងគេប្រចាំឆ្នាំ»ផងដែរ។

ទស្សនាទាំងអស់គ្នានូវវីដេអូចម្រៀងដែលសម្តែងជាតួកម្សត់ និងតួក្រម៉ិចក្រម៉ើម តើប្រិយមិត្តចូលចិត្តស្ទីលកាយ​វិការសម្តែង របស់កញ្ញាមួយណាជាង៖