អ្នកស្រាវជ្រាវខ្លះ បានស្រាវជ្រាវរកមើលពីរបៀប ដែលខួរក្បាលបង្ហាញពីសញ្ញា នៃការសម្រាករបស់វា នាពេលរាង​កាយសម្រាក។ អត្ថបទនេះ គឺជារបៀន នៃការធ្វើសកម្មភាពបួនយ៉ាង ដើម្បីជួយដល់ចលនារាងកាយ និងខួរ​ក្បាល​របស់អ្នកដំណើរការទៅបានល្អ។

ចំនុចពិសេសបំផុត៖ អ្នកដឹកនាំ ត្រូវមានភាពបើកទូលាយ និងស្នាមញញឹម ដែលផុសចេញពីបេះដូង។

ជីវិត - រាងកាយនិងខួរក្បាល តែងមានទំនាក់ទំនងគ្នាទៅវិញទៅមក ដោយមិនអាចខ្វះខាតមួយណា បានឡើយ ដើម្បីជួយឲ្យជីវិតរបស់យើង ទទួលបានជោគជ័យ និងភាពរីករាយក្នុងជីវិត។

១. ស្នាមញញឹមនឹងជួយឲ្យអារម្មណ៏ស្ងប់ និងសុភមង្គល

ការសិក្សាមួយចំនួនបានបញ្ជាក់ថា ការសើច ដែលគ្មានហេតុផលអាចបោកបញ្ឆោតខួរក្បាល និងមនុស្សដែល​មាន​អារម្មណ៏មិនល្អឲ្យសប្បាយរីករាយឡើង។ ការពិសោធន៏មួយបានបង្ហាញ ពីការតម្រូវឲ្យបៀមចង្អឹះ ក្នុងមាត់របស់​ពួក​គេ ​ដើម្បីធ្វើចលនាសង្កត់សាច់ដុំមុខ និងទាញមាត់ ឲ្យរបើកឡើង ស្រដៀងគ្នានឹងពេលពួកគេកំពុងតែសើច។

អ្នកស្រាវជ្រាវបានរកឃើញថា ការអនុវត្តបែបនេះ ជួយកាត់បន្ថយការថប់អារម្មណ៏ ជាងការធ្វើសកម្មភាព​មិនបញ្ចេញ​ទុក្ខព្រួយលើផ្ទៃមុខ។ ការពិសោធន៏ស្រដៀងគ្នាមួយ ក្នុងឆ្នាំ១៩៨៨ ដែលមានអ្នកចូលរួមសាកល្បង បៀមប៊ិចក្នុង​មាត់ របស់ពួកគេបង្កើនអាត្រារីករាយឡើងដែរ បើប្រៀបធៀបជាមួយនឹងអ្នក ដែលមិនបង្ខំខ្លួនឯងសើច។

២. បង្កើនអំណាចសតិដោយការផ្លាស់ប្តូរអារម្មណ៏

ការងើបឈរឡើង និងធ្វើឲ្យអារម្មណ៏យើងកាន់តែមានអំណាចឡើង។ ការសិក្សាស្រាវជ្រាវមួយបានបង្ហាញថា ការ​ធ្វើឲ្យរាងកាយរបស់អ្នកទូលាយ នឹងជួយបង្កើនកំរិតអរម៉ូនក្នុងរាងកាយ ឲ្យកាន់តែប្រសើរឡើង ដែលជាសារធាតុ​ដ៏ចំបងជួយឲ្យអារម្មណ៏ និងរាងកាយលូតលាស់ទៅកាន់ភាពប្រសើរឡើង។តាមរយៈការសិក្សាមួយ ដែលធ្វើឡើង​ដើម្បីដឹងពីការផ្លាស់ប្តូរអារម្មណ៏ របស់ដែលអាចកើតឡើងក្នុងរយៈពេលខ្លី ដោយការផ្តល់លុយ២ដុល្លា ឬលេង​ល្បែង។ ជាលិទ្ធិផលបានបង្ហាញថា អ្នកទាំងនោះ បានផ្លាស់ប្តូរអារម្មណ៏របស់ពួកគេលឿន។

៣. ការគេងថ្ងៃនឹងធ្វើឲ្យមនុស្សកាន់តែឆ្លាតឡើង

ការគេងថ្ងៃមួយស្របក់ នឹងផ្តល់អំណាចដល់ខួរក្បាលរបស់អ្នក។ ការសិក្សាជាច្រើន បានបង្ហាញពីភាពស្រដៀងគ្នា រវាងការគេងពេលថ្ងៃនិងពេលយប់។ ដោយការគេងថ្ងៃ នឹងធ្វើឲ្យការចងចាំ កើនឡើង ព្រមទាំងសម្រួល​ដល់បញ្ហា​ផ្លូវចិត្តទៀតផង។

៤. ធ្វើការតាំងសមាធិ ដើម្បីឲ្យអារម្មណ៏ស្ងប់

ការតាំងសមាធិប្រៀបបាននឹងថ្នាំដ៏មានប្រសិទ្ធិភាពជួយលាងសំអាតគំនិតរបស់អ្នក ខណៈ អ្នកស្រាវជ្រាវ​មួយ​ចំនួន​បានបង្ហាញថា ការដាក់រាងកាយស្ថិតក្នុងភាពស្ងប់ ដោយប្រមូលអារម្មណ៏ទាំងអស់ទៅនឹងចលនាដង្ហើម និងអាច​ជម្រះចិត្តឲ្យស្អាតបាន។ អ្នកស្រាវជ្រាវជាច្រើន ក៏បានបង្ហាញដែរថា នេះជាពិធីសាស្រ្តមួយ​ជួយបង្កើនចលនាខ្យល់ ដង្ហើម និងចិត្តស្ងប់៕