ជីវិត - ខាងក្រោមនេះ គឺជាទង្វើរទាំង៥ ដែលស្រ្តីមានទំនុកចិត្តលើខ្លួនឯងធ្វើ។

១. រស់នៅជាមួយក្តីស្រមៃ
ក្តីស្រមៃរបស់អ្នក នឹងជួយជំរុញអ្នកដោយស្វ័យប្រវត្តិ។ អ្នកប្រហែលជាអាចកម្ចាត់ភាពភ័យខ្លាច ព្រមទាំងជំរុញ​ចលនារបស់អ្នកទៅមុខ ដើម្បីជំរះឧបសគ្គទាំងឡាយដែលកើតមាន។ ចំណុចនេះហើយ ដែលនឹងក្លាយជាទ្រព្យ​សម្បត្តិ​ដ៏ពិសេសសម្រាប់អ្នក បើអ្នកព្យាយាមដើរទៅរក និងចាប់វាមកនោះ។ ក្តីស្រមៃនឹងបង្កើនទំនុកចិត្តដល់អ្នក ធ្វើអ្វីដែលអ្នកចង់ធ្វើ ដោយគំនិតសុដ្ឋិនិយម។

២. ពួកគេធ្វើរឿងដែលគួរឲ្យកត់សម្គាល់
អ្នកគិតប្រកបដោយភាពអស្ចារ្យមួយចំនួន មានដូចជា សិល្បករឆ្នើម វាគ្មិនឆ្នើម មេធាវីឆ្នើម។ល។ តែងធ្វើអ្វីគ្រប់​យ៉ាងនៅជុំវិញខ្លួនប្រកបដោយទំនុកចិត្ត ប្រកបដោយទង្វើរគួរឲ្យកត់សម្គាល់។ពួកគេមិនត្រឹមតែ ធ្វើនូវអ្វីដែល​ពួកគេ​គួរតែធ្វើប៉ុណ្ណោះទេ ប៉ុន្តែពួកគេក៏គិត ពីអារម្មណ៏របស់អ្នកនៅជុំវិញខ្លួនគេផងដែរ។ អ្នកគួរផ្ចង់​អារម្មណ៏របស់​អ្នក​ជា​មុនសិន មុនពេលអ្នកធ្វើវាឡើង។ ឧទាហរណ៏ដូចជាអ្នកចង់លើកដុំថ្មមួយទៅកន្លែងណាមួយ អ្នកត្រូវតាំងចិត្ត​ឲ្យ​មុតមាំ និងដឹងពីមូលហេតុដែលអ្នកធ្វើវា របៀបត្រូវនាំវា និងគោលដៅច្បាស់លាស់។

៣. ស្រឡាញ់ពេលវេលានៅម្នាក់ឯង
ការធ្លាក់ចុះនៃទំនួលខុសត្រូវកើតឡើង នាពេលគម្រោងជាច្រើន មិនត្រូវបានបង្កើត ឬទទួលបានភាពបរាជ័យ។ គ្រានោះ អ្នកគួរតែទុកខ្លួនអ្នកឲ្យនៅម្នាក់ឯង ដើម្បីត្រិះរិះរកដំណោះស្រាយ រកគំនិតថ្មីៗ រកអ្វីដែលប្លែកៗ និងធ្វើ​កាយវិការផ្សេងៗដែលអ្នកគិតថា មានប្រយោជន៏ចំពោះអ្នក ជាពិសេសបណ្តុះគំនិតនៃការស្រឡាញ់ខ្លួនឯង។

៤. ស្រឡាញ់ និងយកចិត្តទុកដាក់ចំពោះវត្ថុជុំវិញខ្លួន
ស្រ្តីដែលមានទំនុកចិត្តលើខ្លួនឯង តែងតែធ្វើច្រើនជាងនិយាយ។ ពួកគេចូលចិត្តស្តាប់ការរិះគន់របស់អ្នកដទៃ រួច​យកគំនិតទាំងនោះមកពិចារណា និងកែប្រែបើវាពិតជាបែបនោះ។ ស្ត្រីដែលមានទំនុកចិត្តលើខ្លួនឯង តែងមាន​ធម៌​មេត្តា និងពោរពេញដោយក្តីស្រឡាញ់ជុំវិញខ្លួន។ ពួកគេដឹងថាជីវិតមិនមែនជារឿងនិទានទេ ដូច្នេះហើយ ពួកគេ​តែង​តែមានភាពជាអ្នកដឹកនាំក្នុងខ្លួន ព្រមទាំងបង្កើនទំនុកចិត្តរបស់អ្នក ឲ្យមានលក្ខណៈធម្មជាតិជាមួយនឹង​ការ​ស្រឡាញ់។

៥. សួរសំនួរខ្លួនឯង ដើម្បីរកដំណោះស្រាយប្រកបដោយទំនុកចិត្ត
ពួកយើងអាចវាយតម្លៃ ទៅលើដំណោះស្រាយអ្វីមួយ តាមរយៈអត្ថន័យរបស់វា និងអំពីអ្វីដែលគួរតែធ្វើ។ខួរក្បាល​របស់យើងនឹងដំណើរកាន់តែមានប្រសិទ្ធិភាពតាមរយៈ ការសំនួរ។ ជាធម្មតា អំណាចនៃសំនួរដែលសួរខ្លួនឯង និង​ធ្វើឲ្យយើងមានទំនុកចិត្តលើទង្វើរខ្លួនឯងកាន់តែខ្លាំង ព្រោះយើងយល់ពីខ្លួនឯងរិតតែច្បាស់។នាពេលយើងដឹង​ខ្លួន​ឯង​ច្បាស់ ទំនុកចិត្តនឹងកាន់តែកើតមានឡើង៕