សម រង្ស៊ី៖ កែ​ទម្រង់​ការ​បោះ​ឆ្នោត នាំ​ឲ្យ​គ្មាន​វិបត្តិ​បោះឆ្នោត

ប្រធានគណបក្សសង្រ្គោះជាតិ ដែលជាគណបក្សជំទាស់ លោក សម រង្ស៊ី បានលើកឡើងថា ការកែទម្រង់ប្រព័ន្ធ​បោះឆ្នោតនៅកម្ពុជានៅពេលនេះ គឺចាំចាច់ណាស់ ត្រូវមានការចូលរួមពីគ្រប់ភាគីនៅក្នុងសង្គម ហើយការកែ​ទម្រង់​ប្រព័ន្ធបោះឆ្នោត នៅក្នុងកាលៈទេសៈនេះ ក៏នឹងនាំឲ្យប្រទេសកម្ពុជា មិនមានវិបត្តិនយោបាយក្រោយការបោះឆ្នោត នៅពេលខាងមុខផងដែរ។
Loading...
  • ដោយ: អ៊ុំ បូរី
  • កែប្រែចុងក្រោយ: March 07, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ប្រធានគណបក្សសង្រ្គោះជាតិ ដែលជាគណបក្សជំទាស់ លោក សម រង្ស៊ី បានលើកឡើងថា ការកែទម្រង់ប្រព័ន្ធ​បោះឆ្នោតនៅកម្ពុជានៅពេលនេះ គឺចាំចាច់ណាស់ ត្រូវមានការចូលរួមពីគ្រប់ភាគីនៅក្នុងសង្គម ហើយការកែ​ទម្រង់​ប្រព័ន្ធបោះឆ្នោត នៅក្នុងកាលៈទេសៈនេះ ក៏នឹងនាំឲ្យប្រទេសកម្ពុជា មិនមានវិបត្តិនយោបាយក្រោយការបោះឆ្នោត នៅពេលខាងមុខផងដែរ។


លោក សម រង្ស៊ី ប្រធានគណបក្សសង្គ្រោះជាតិ។ (រូបថត គណបក្ស)

នយោបាយកម្ពុជា - ក្នុងសិក្ខាសាលា ស្តីពីការកែទម្រង់ប្រព័ន្ធបោះឆ្នោត នៅសណ្ឋាគារអ៊ីមភើរៀរាជធានីភ្នំពេញថ្ងៃ​ទី០៧ មីនា នេះ លោក សង រង្ស៊ី ប្រធានគណបក្សសង្រ្គោះជាតិបានពន្យល់ថា ការកែទម្រង់ការបោះឆ្នោត នៅ​ពេល​នេះ មិនត្រូវធ្វើឡើងតែរវាងគណបក្សប្រជាជនកម្ពុជា និងគណបក្សសង្រ្គោះជាតិនោះទេ គឺចាំបាច់ត្រូវមានការ​ចូល​រួមយ៉ាងទូលំទូលាយពីគ្រប់ភាគី ហើយមិនត្រូវមានការបិទបាំង ឬការស៊ុំគ្រលំ នោះទេ។

លោក សម រង្ស៊ី បញ្ជាក់ថា៖ «រឿងនេះមិនមែនជារឿងនយោបាយទេ តែជារឿងលិទ្ធិប្រជាធិបតេយ្យ គឺចង់ឲ្យមាន​ការបោះឆ្នោតត្រឹមត្រូវនៅប្រទេសកម្ពុជា។ ទោះជាគណបក្សណាចូលរួម ថ្ងៃក្រោយគឺមានការបោះឆ្នោតត្រឹមត្រូវ គោរពឆន្ទៈប្រជារាស្រ្ត កុំឲ្យបាត់ឈ្នោះ លុបឈ្នោះ បន្លំ ដែលនាំឲ្យមានភាពមិនប្រក្រតី។ រឿងនេះជា​រឿងយើង​ទាំង​អស់គ្នា ដូច្នេះយើងស្នើយោបល់ពីសង្គមស៊ីវិល មុននឹងយើងទៅប្រជុំនៅថ្ងៃចន្ទ។»

ថ្ងៃចន្ទ ទី១០ ខែមីនា ជាថ្ងៃដែលក្រុមការងារបច្ចេកទេសគណបក្សប្រជាជនកម្ពុជា និងគណបក្សសង្រ្គោះជាតិ ដែល​មានភាគីម្ខាង៦នាក់គ្រោងនឹងបន្តចរចា កាន់តែលម្អិតទៅលើការកែទម្រង់ការបោះឆ្នោតនៅកម្ពុជា។ ការចរចា​នៅ​ថ្ងៃចន្ទគឺបន្ទាប់ ការរចរចារបស់គណបក្សទាំងពីរ ក្នុងពេលចុងក្រោយ កាលពីថ្ងៃទី០៣ មីនា បានសម្រេចឯកភាព នូវចំណុចសំខាន់ៗមួយចំនួនរួចហើយ ទាក់ទងនឹងការកែទម្រង់ការបោះឆ្នោត។

ក្នុងសិក្ខាសាលាដដែលនោះ លោក គល់ បញ្ញា នាយកប្រតិបត្តិ គណៈកម្មាធិការដើម្បីការបោះឆ្នោតដោយសេរី និង​យុត្តិធម៌នៅកម្ពុជា បានលើកឡើងថា ចាំបាច់ត្រូវមានការកែទម្រង់ការបោះឆ្នោតនៅកម្ពុជា ព្រោះវិបត្តិ​នយោបាយ​នៅកម្ពុជា បានកើតឡើងដោយសារប្រព័ន្ធបោះឆ្នោតបច្ចុប្បន្ន។ លោក គល់ បញ្ញា បញ្ជាក់ថា៖ «កម្ពុជាមិនត្រូវ​ធ្វើ​ត្រឹមតែការជំរុញឲ្យពលរដ្ឋទៅបោះឆ្នោតប៉ុណ្ណោះទេ តែត្រូវធានាថា ការបោះឆ្នោតនោះមានភាពត្រឹមត្រូវ និងមាន​គុណភាព»។

គួរកត់សម្គាល់ថា កម្ពុជាមានភាពជាប់គាំងផ្នែកនយោបាយជាង៧ខែមកហើយ ដោយសារគណបក្សសង្រ្គោះជាតិ បានបដិសេធមិនទទួលស្គាល់លទ្ធផលបោះឆ្នោតសកលកាលពីខែកក្កដា ឆ្នាំ២០១៣ ហើយបន្តធ្វើពហិកា​មិនចូល​ប្រជុំ​សភារហូតមកដល់បច្ចុប្បន្ននេះ។ ហើយគណបក្សជំទាស់នេះ បានទាមទារឲ្យមានការបោះឆ្នោត​មុនបញ្ចប់​អាណត្តិ​ឡើងវិញ ក្រោយការកែទម្រង់ការបោះឆ្នោត។

ការទាមទារ ការបោះឆ្នោត​ឡើងវិញ ដោយគណបក្សសង្រ្គោះជាតិ ត្រូវបានគណបក្សប្រជាជនកម្ពុជា បដិសេធ តែ​គណបក្សគ្រប់គ្រងអំណាចនេះ បានឯកភាពធ្វើកំណែទម្រង់ការបោះឆ្នោត ជាមួយគណបក្សជំទាស់៕

--------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី០៧ មីនា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...