សូនី បញ្ចេញ​ទូរស័ព្ទ​ទំនើប​ថ្មី Xperia G មក​ផ្ទឹម​ជា​មួយ SP និង V

កាលពីម្សិលម៉ិញនេះ ក្រុមហ៊ុនបច្ចេកវិទ្យាសូនី (Sony) របស់ជប៉ុន បានប្រកាសបង្ហាញ នូវទូរស័ព្ទទំនើប​សេរីថ្មីមួយ​ទៀតរបស់ខ្លួន ដែលគេបានឲ្យឈ្មោះវាថា អ៊ិចភីរៀ ជី (Xperia G) ដែលបាន ចនាសាជាថ្មី មានលក្ខណៈសម្បត្តិ​មួយចំនួន ប្រហាក់ប្រហែលទៅនឹង ទូរស័ព្ទដែលចេញមុន និងដែលមានឈ្មោះថា អ៊ិចភីរៀ ហ្សិត វ័ន (Xperia Z1) ដែរ។
Loading...
  • ដោយ: វន់ ដារា
  • កែប្រែចុងក្រោយ: February 20, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កាលពីម្សិលម៉ិញនេះ ក្រុមហ៊ុនបច្ចេកវិទ្យាសូនី (Sony) របស់ជប៉ុន បានប្រកាសបង្ហាញ នូវទូរស័ព្ទទំនើប​សេរីថ្មីមួយ​ទៀតរបស់ខ្លួន ដែលគេបានឲ្យឈ្មោះវាថា អ៊ិចភីរៀ ជី (Xperia G) ដែលត្រូវបានរចនាសាជាថ្មី មានលក្ខណៈសម្បត្តិ​មួយចំនួន ប្រហាក់ប្រហែលទៅនឹង ទូរស័ព្ទដែលចេញមុន និងដែលមានឈ្មោះថា អ៊ិចភីរៀ ហ្សិត វ័ន (Xperia Z1) ដែរ។


អ៊ិចភីរៀ ជី របស់ក្រុមហ៊ុន សូនី ជប៉ុន។ (រូបថត 91mobiles.com)

បច្ចេកវិទ្យា - តាមសេចក្តីរាយការណ៍ បានបញ្ជក់ឲ្យដឹងដែរថា ទូរស័ព្ទទំនើបសេរីថ្មីនេះ នឹងត្រូវបានផលិតឡើងជាថ្មី ដែលមានបំពាក់ដោយ អេក្រង់ ៤.៨ អ៊ីង កាំមេរ៉ា ៨ មេហ្កាភីស៊ែល អង្គចងចាំ ឬហៅថា ម៉េម៉ូរី ទំហំ ១ ជីហ្កាប៉ាយ ដែល​អាចរួមបញ្ចូលម៉េម៉ូរីក្រៅបានផងដែរ។ តើការផលិតឡើងថ្មីនេះមានអ្វីពិសេសខ្លះ បើប្រៀធៀបជាមួយនឹង សេរីចាស់ អ៊ិចភីរៀ អេសភី (Xperia SP) និងអ៊ិចភីរៀ វី (Xperia V) នោះ ។

ដូចនេះសូមតាមដាន នូវគុណសម្បត្តិ និងអត្ថប្រយោជន៍របស់វា ទាំងអស់គ្នា៖

ទូរស័ព្ទទំនើបសេរីថ្មី អ៊ិចភីរៀ​ ជី ជាទូស័ព្ទដែលមានតម្លៃមធ្យម (mid-range) របស់ក្រុមហ៊ុន សូនី ដែលត្រៀមនឹ​ង​បញ្ចេញនៅដើមឆ្នាំ២០១៤ នេះ។ ប៉ុន្តែនៅខណៈដែលក្រុមហ៊ុនមិនទាន់បានប្រកាស ចេញជាផ្លូវការនៅឡើយនោះ រូបភាព និងលក្ខណសម្បត្តិបច្ចេកទេសខ្លះ របស់ទូរស័ព្ទដ៏ទំនើបនេះ មិនទាន់ត្រូវបានក្រុមអ្នកសារព័ត៌មានប្រមាញ់ យកភាពលំអិតរបស់វា បាននៅឡើយ។ តែទោះជាយ៉ាងណាក៏ដោយ ក៏ខាងក្រោមនេះ រូបរាងលក្ខណៈសម្បត្តិ​របស់​វាត្រូវបានទំលាយបញ្ចេញឲ្យដឹង ជាបណ្ដើៗហើយ ។

១- គឺប្រព័ន្ធដំណើរការរបស់វា៖ គឺមានភាពខុសផ្លែកពីសេរីចាស់ នៅត្រង់ អ៊ិចភីរៀ​ ជី ដែលមាន ៤.៤.២ (Android​ 4.4.2 KitKat)។ មានន័យថា ទូរស័ព្ទសេរីថ្មីនេះ នឹងមានប្រព័ន្ធដំណើរការ របស់ខ្លួនឲ្យមានល្បឿនលឿនជាងមុន និង​អាចដំណើរការបាន ជាមួយនឹងកម្មវិធីសេរីទំនើបៗបាន។

២- លក្ខណៈសម្បត្តិខាងក្នុងរបស់វា៖ ប្រសិនបើក្រុមហ៊ុន សូនី ដាក់ផលិតផលទូរស័ព្ទរបស់ខ្លួន ឲ្យដើរជាមួយប្រព័ន្ធ​ប្រតិបត្តិការ អេនឌ្រ័យ ជំនាន់ថ្មីនោះ អ៊ិចភីរៀ​ ជី សេរីថ្មីនេះ នឹងដំណើរការជាលក្ខណៈ home launcher ដូចនៅ​ក្នុង​ អ៊ិចភីរៀ អេសភី  និងអ៊ិចភីរៀ វី អញ្ចឹងដែរ។ ក្នុងនោះមានរួមបញ្ចូលជាមួយនឹងប្រព័ន្ធម៉ាស៊ីនចាប់រូបភាព ទំនាក់ទំនង​សង្គម (Timeshift Burst) ដែលមានឥទ្ធិពល AR សម្រាប់ការថតរូប និងរួមទាំងប្រព័ន្ធដំណើរការជាច្រើនទៀត។ ក្រុមហ៊ុន សូនី បានសង្ឃឹងយ៉ាងមុតមាំថា គេនឹងអាចបោះជំហានទៅមុខមួយជំហានទៀត ជាមួយនឹងទូរស័ព្ទ​ទំនើប​សេរីថ្មីនេះ។

ទោះជាស្មាតហ្វូនសេរីថ្មីនេះ ត្រូវបានរចនាម៉ូដ្ឋ មានរូបរាងប្រហាក់ប្រហែលនឹង អ៊ិចភីរៀ ហ្សិតវ័ន ក៏ដោយ ប៉ុន្ដែ លក្ខណៈសម្បត្តិជាទូទៅរបស់វា មិនដូចគ្នាឡើយ។ ខាងក្រោមនេះ ជាលក្ខណៈសម្បត្តិពិសេសរបស់ អ៊ិចភិរៀ ជី បើប្រៀបធៀបទៅនឹង អ៊ិចភីរៀ អេសភី៖

- សម្រាប់ អ៊ិចភីរៀ អេសភី មិនមានបំពាក់ដោយ ខ្សែព័ទ្ធជុំវិញ ចេញពន្លឺជាពណ៌ដូច អ៊ិចភីរៀ ជី នេះទេ

-​ អ៊ិចភីរៀ ជី មានកាម៉េរ៉ា ខាងក្រោយរហូតដល់ទៅ ៨ ម៉េហ្កាភីស៊ែល

- អ៊ិចភីរៀ ជី ធន់ជាមួយនឹងការធ្លាក់ចូលទឹកបាន

- ប៉ុន្ដែ អង្កចងចាំ មានទំហំស្រដៀងគ្នា ។

ទាក់ទងនឹងតម្លៃវិញ តាមប្រភពដដែលបានឲ្យដឹងថា អ៊ិចភីរៀ អេសភី មានតម្លៃប្រហាក់ប្រហែលទៅនឹង បងៗជំនាន់មុនរបស់ខ្លួនដែរ  ប៉ុន្ដែនៅមិនទាន់មានអះអាង ឲ្យបានជាក់លាក់នៅឡើយ៕

--------------------------------------------------
ដោយ វ៉ន ដារ៉ា (ទំនាក់ទំនង៖ [email protected]) - ភ្នំពេញថ្ងៃទី១៩ ខែកុម្ភៈ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...