ឥណ្ឌា តាំង​បង្ហាញ​មហោស្រព​សិល្បៈ ប្រពៃណី​ធំៗ​ពីរ​នៅ​កម្ពុជា

នៅថ្ងៃទី១៤ ខែកុម្ភៈ ឆ្នាំ២០១៤ នេះ ក្រសួងវប្បធម៌កម្ពុជា និងស្ថានទូតនៃប្រទេសឥណ្ឌា បានសហការរៀបចំ​ការ​សម្ដែងសិល្បៈរបាំប្រពៃណីឥណ្ឌា ដែលសម្ដែងដោយក្រុម កាឡាក់សាស្ត្រា នៅសណ្ឋាគារ សូហ្វីតែល ​រាជធានី​ភ្នំពេញ និងនៅខេត្តសៀមរាប។ ព្រឹត្តិការណ៍ដែលមិនធ្លាប់មាននេះ មានការរៀបចំតាំងបង្ហាញជាច្រើនដូចជា ការ​សម្តែងរឿង រាមាយណៈ របាំក្បាច់បុរាណ ការតាំងពិព័រណ៍រូបថត ព្រះពុទ្ធសាសនា វត្ថុបុរាណ ជាពិសេសការសូត្រ​ធម៌​ដ៍ធំបំផុតនៅក្នុងប្រទេសកម្ពុជា ។
Loading...
  • ដោយ: ក. សុខឃៀង
  • កែប្រែចុងក្រោយ: February 14, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

នៅថ្ងៃទី១៤ ខែកុម្ភៈ ឆ្នាំ២០១៤ នេះ ក្រសួងវប្បធម៌កម្ពុជា និងស្ថានទូតនៃប្រទេសឥណ្ឌា បានសហការរៀបចំ​ការ​សម្ដែងសិល្បៈរបាំប្រពៃណីឥណ្ឌា ដែលសម្ដែងដោយក្រុម កាឡាក់សាស្ត្រា នៅសណ្ឋាគារ សូហ្វីតែល ​រាជធានី​ភ្នំពេញ និងនៅខេត្តសៀមរាប។ ព្រឹត្តិការណ៍ដែលមិនធ្លាប់មាននេះ មានការរៀបចំតាំងបង្ហាញជាច្រើនដូចជា ការ​សម្តែងរឿង រាមាយណៈ របាំក្បាច់បុរាណ ការតាំងពិព័រណ៍រូបថត ព្រះពុទ្ធសាសនា វត្ថុបុរាណ ជាពិសេសការសូត្រ​ធម៌​ដ៍ធំបំផុតនៅក្នុងប្រទេសកម្ពុជា ។


សន្និសីទការសែត នៅស្ថានទូតនៃប្រទេសឥណ្ឌា ថ្ងៃទី១២ ខែកុម្ភះ ឆ្នាំ២០១៤។ (រូបថត MONOROOM.info/ SokKheang)

មហោស្រពសិល្បៈ- ថ្លែងនៅក្នុងសន្និសីទសារព័ត៌មាន នៃស្ថានទូតប្រទេសឥណ្ឌានាថ្ងៃពុធ ទី១២ ខែកុម្ភៈកន្លងមក នៅវេលាម៉ោង១២ ថៃ្ងត្រង់ លោកឯកអគ្គរដ្ឋទូត Dinesh K. Patnaik បាននិយាយថា ប្រទេសឥណ្ឌា​មានក្តីសោមនស្ស​រីករាយ ក្នុងការរៀបចំព្រឹត្តិការណ៍ពីរធំៗ នៅក្នុងប្រទេសកម្ពុជា៖

ព្រឹត្តិការណ៍ទីមួយ គឺជា បុណ្យព្រះពុទ្ធសាសនា មានការតាំងពិព័រណ៍ រូបចម្លាក់ រូបថតនៃវត្ថុបុរាណ របាំឡៃឡាម៉ា​ដែលផ្សារភ្ជាប់ ទៅនឹងជីវិតព្រះពុទ្ធ ត្រូវបានបង្ហាញ នៅតាមបណ្តោយមាត់ទន្លេ និងនៅក្នុងវត្តឧណ្ណោលោម​នៅ​ល្ងាចថៃ្ងទី ១៣ដល់១៨ ខែកុម្ភៈ ឆ្នាំ២០១៤។

ព្រឹត្តិការណ៍ ទីពីរ គឺជា របាំបុរាណដែលត្រូវបា ធ្វើឡើងនៅល្ងាចថ្ងៃទី ១៤ ដល់១៥ ខែកុម្ភៈ នៅសណ្ឋាគារ សូហ្វីតែល​ក្នុងក្រុងសៀមរាប និង ថ្ងៃទី ១៧ដល់ ១៩ខែកុម្ភៈដដែល នៅសាលមហោស្រពចតុមុខរាជធានីភ្នំពេញ។

លោកឯកអគ្គរដ្ឋទូត Dinesh បានអោយដឹងដែរថា មានមនុស្សជាច្រើន មានបំណងចង់ឃើញវត្ថុបុរាណ​ព្រះពុទ្ធ​សាសនា នៅក្នុងប្រទេសឥណ្ឌា ប៉ុន្តែពេលនេះប្រទេសឥណ្ឌាបាន នាំមកនូវទស្សនីយភាពដ៍កម្រ​មកកាន់​ប្រទេស​កម្ពុជា ដើម្បីអោយទស្សនិកជនអាចមើលឃើញ និងយល់ពីតំលៃនៃព្រះពុទ្ធសាសនា វត្តអារាម និងវប្បធម៌របស់​ពួកគេ។

ក្នុងអំឡុងពេលពិធីបុណ្យព្រះពុទ្ធសាសនានេះ ព្រះសង្ឃកម្ពុជាជាច្រើនមកពីវត្តផ្សេងៗគ្នា ក៏ត្រូវបានអញ្ជើញអោយ​ចូលរួម ជាមួយសុន្ទរកថាបើកកម្មវិធី ដោយសម្ដេច​ព្រះ​អគ្គ​មហា​សង្ឃ​រាជាធិបតី ទេព វង្ស សម្ដេច​ព្រះ​មហា​សង្ឃរាជ​គណៈ​មហានិកាយ។

ទំនាក់ទំនង ឥណ្ឌានិងកម្ពុជា មានតាំងពីសតវត្ស ទី ៤ និង៦ ពោលគឺសាសនាហិណ្ឌូចូលមក្នុងប្រទេសកម្ពុជា ក៍ដូច​ជាប្រទេសដទៃទៀត ក្នុងតំបន់អាស៊ីអាគ្នេយ៍ ។ ឯកអគ្គរដ្ឋទូតរូបបាននិយាយបន្ថែមថា នេះជាពិធីបុណ្យព្រះពុទ្ធ​សាសនា របស់ប្រទេសឥណ្ឌាលើកដំបូង តែនឹងមានកាន់តែច្រើនទៀត នាពេលអនាគតនៅក្នុងប្រទេសកម្ពុជា៕

-----------------------------
ដោយ ក. ស៊ន សុខឃៀង (ទំនាក់ទំនង៖ [email protected]) - ភ្នំពេញ ថ្ងៃទី១៣ខែកុម្ភៈ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...