រដ្ឋមន្ត្រី​អង់គ្លេស​ថា បាល់ទាត់​ពិភពលោក​នៅ​រ៉ូស្ស៊ី ដូច​​កីឡា​អូឡាំពិក​ក្នុង​របប​ហ៊ីត្លែ

លោក បូរីស ចនសុន (Boris Johnson) រដ្ឋមន្ត្រីការបរទេស នៃចក្រភពអង់គ្លេស បានថ្លែងនៅមុខរដ្ឋសភាអង់គ្លេស ចាត់ទុកព្រឹត្តិការណ៍ ការប្រកួតបាល់ទាត់ពិភពលោក ឆ្នាំ២០១៨ នៅក្នុងប្រទេសរ៉ូស្ស៊ី ថាមិនខុសគ្នាប៉ុន្មាន ពីការប្រកួតកីឡាអូឡាំពិក ដែលរៀបចំធ្វើ ក្នុងឆ្នាំ១៩៣៦ នៅរដ្ឋធានីប៊ែរឡាំង ប្រទេសអាល្លឺម៉ង់ ក្រោយរបបដឹកនាំ របស់ពួក ណាស៊ី ហ៊ីត្លែ នោះឡើយ។ 
រដ្ឋមន្ត្រី​អង់គ្លេស​ថា បាល់ទាត់​ពិភពលោក​នៅ​រ៉ូស្ស៊ី ដូច​​កីឡា​អូឡាំពិក​ក្នុង​របប​ហ៊ីត្លែ
ពីឆ្វេងទៅស្ដាំ៖ លោក វ្លាឌីមៀរ ពូទីន ប្រធានាធិបតីរ៉ូស្ស៊ី និងលោក បូរីស ចនសុន រដ្ឋមន្ត្រីការបរទេសអង់គ្លេស។ (រូបថតលើទ្វីសធើរ)
Loading...
  • ដោយ: មនោរម្យ.អាំងហ្វូ ([email protected]m.info) - ប៉ារីស ថ្ងៃទី២៣ មីនា ២០១៨
  • កែប្រែចុងក្រោយ: March 23, 2018
  • ប្រធានបទ: បាល់ទាត់ពិភពលោក
  • អត្ថបទ: មានបញ្ហា?
  • មតិ-យោបល់

ដូចគេបានធ្លាប់ស្គាល់ហើយ ថាលោក បូរីស ចនសុន (Boris Johnson) ដែលកំពុងកាន់តំណែង ជារដ្ឋមន្ត្រីការបរទេស នៃចក្រភពអង់គ្លេស មិនមែនជាអ្នកនយោបាយ ដែលលាក់អណ្ដាតទុក នៅក្រោយធ្មេញនោះទេ។ នៅចំពោះភាពតានតឹង ដែលកំពុងកើតមាន រវាងប្រទេសលោក និងប្រទេសរ៉ូស្ស៊ីនោះ លោករដ្ឋមន្ត្រីបានចេញ មក​«ច្រូចសាំង​បន្ថែម​លើ​ភ្លើង» ដោយប្រៀបធៀប ការប្រកួតកីឡាបាល់ទាត់ពិភពលោក ឆ្នាំ២០១៨ នាប៉ុន្មានខែខាងមុខ នៅក្នុងប្រទេសរ៉ូស្ស៊ី ថាដូចគ្នានឹងព្រឹត្តិការណ៍ ប្រកួតកីឡាកអូឡាំពិក ឆ្នាំ១៩៣៦ ក្នុងរដ្ឋធានីប៊ែរឡាំង ក្រោមការដឹកនាំរបស់លោក អាដុលហ្វ៍ ហ៊ីត្លែ (Adolf Hitler)។

នៅក្នុងសម័យកាលនោះ លោក ហ៊ីត្លែ បានឆ្លៀតឱកាស នៃព្រឹត្តិការណ៍ប្រកួតកីឡា ជាលក្ខណៈអន្តរជាតិ និងដ៏ធំមួយនេះ ដើម្បី«ឃោសនា» ពី​រូបភាព នៃរបបណាស៊ីនិយមរបស់ខ្លួន ប្រាប់ទៅពិភពលោក។

ឆ្លើយទៅនឹងសំនួរ របស់ក្រុមអ្នកតំណាងរាស្ត្រអង់គ្លេស នៅក្នុងអង្គប្រជុំរដ្ឋសភា កាលពីថ្ងៃពុធ ដែលចោទសួរថា តើព្រឹត្តិការណ៍បាល់ទាត់ពិភពលោក ក្នុងពេលខាងមុខនេះ អាចប្រៀបធៀបបាន ទៅនឹងកីឡាអូឡាំពិក ក្នុងរដ្ឋធានីប៊ែរឡាំងឬទេ? លោក បូរីស ចនសុន បានឆ្លើយបញ្ជាក់ច្បាស់ថា៖ «ពិតហើយ! ខ្ញុំគិតថា ការប្រៀបធៀប [ព្រឹត្តិការណ៍បាល់ទាត់ពិភពលោក ឆ្នាំ២០១៨] ជាមួយនឹងព្រឹត្តិការណ៍កីឡាអូឡាពិក ឆ្នាំ១៩៣៦ មានភាពត្រឹមត្រូវ ច្បាស់លាស់ណាស់»។

បើទោះជារដ្ឋាភិបាលក្រុង ឡុងដ៍ បានប្រកាសពីជំហររបស់ផងខ្លួន ថាមន្ត្រីជាន់ខ្ពស់អង់គ្លេសទាំងអស់ រួមនឹងព្រះញាតិវង្សផង នឹងធ្វើពហិការ មិនទៅចូលរួមអបអរសាទរ ក្នុងព្រឹត្តិការណ៍ពិភពលោក​មួយនេះក៏ដោយ តែលោក បូរីស ចនសុន នៅតែទាមទារឲ្យរដ្ឋាភិបាលក្រុង ម៉ូស្គូ ត្រូវធានាពីសុវត្ថិភាព និងសន្តិសុខ ទៅដល់បណ្ដាជនអង់គ្លេស ប្រមាណជា ២៤០០០នាក់ ដែលនឹងទៅគាំទ្រ​ក្រុមបាល់ទាត់​ជម្រើសជាតិ​របស់ខ្លួន នៅផ្ទាល់កន្លែង។

លោក ចនសុន បានថ្លែងឡើងថា៖ «ប្រទេសរ៉ូស្ស៊ី ត្រូវធានា ពីសុវត្ថិភាពសន្តិសុខ ទៅដល់ក្រុមអ្នកគាំទ្របាល់ទាត់អង់គ្លេសទាំងអស់ ដែលនឹងធ្វើដំណើរ ទៅកាន់ទីនោះ។ វាជាភារកិច្ចរបស់ប្រទេសរ៉ូស្ស៊ី ដែលមានចែង នៅក្នុងកិច្ចសន្យា របស់ហ្វីហ្វា (Fifa - សហព័ន្ធបាល់ទាតអន្តរជាតិ) និងដែលត្រូវតែយកចិត្តទុកដាក់ ចំពោះបណ្ដាអ្នកគាំទ្រណាក៏ដោយ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...