ក្រោយ​ការ​សាក​សួរ​របស់​តុលាការ មេ​ដឹកនាំបក្ស​ប្រឆាំង​ថា​នឹង​បន្ត​ការពារ​ពលរដ្ឋ​ខ្មែរ

«ខ្ញុំ នឹងនៅតែបន្ត ស្វែងរកយុត្តិធម៌ជូនប្រជាពលរដ្ឋខ្មែរ» នេះជាការថ្លែងរបស់មេដឹកនាំគណបក្សប្រឆាំង ទៅកាន់អ្នកគាំទ្ររបស់ខ្លួន បន្ទាប់ពីការស្រាយបំភ្លឺនៅសាលាដំបូងរាជធានីភ្នំពេញ នៅថ្ងៃទី១៤ ខែមករា ឆ្នាំ២០១៤នេះ។
Loading...
  • ដោយ: ប្រាថ្នា
  • កែប្រែចុងក្រោយ: January 14, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«ខ្ញុំ នឹងនៅតែបន្ត ស្វែងរកយុត្តិធម៌ជូនប្រជាពលរដ្ឋខ្មែរ» នេះជាការថ្លែងរបស់មេដឹកនាំគណបក្សប្រឆាំង ទៅកាន់​អ្នកគាំទ្ររបស់ខ្លួន បន្ទាប់ពីការស្រាយបំភ្លឺនៅសាលាដំបូងរាជធានីភ្នំពេញ នៅថ្ងៃទី១៤ ខែមករា ឆ្នាំ២០១៤នេះ។


ក្រុមអ្នកគាំទ្រមេដឹកនាំគណបក្សប្រឆាំង នៅមុខសាលាដំបូងរាជធានីភ្នំពេញថ្ងៃទី១៤ ខែមករា ឆ្នាំ២០១៤។ (រូបថត ហ្វេសប៊ុក)

ប្រព័ន្ធយុត្តិធម៌ - នៅខណៈដែលលោក លោក សម រង្ស៊ី ប្រធានគណបក្សសង្រ្គោះជាតិ លោក កឹម សុខា អនុ​ប្រធាន​គណបក្សនោះ បានចេញពីក្លោងទ្វារសាលាដំបូងរាជធានី មេដឹកនាំគណបក្សទាំងទាំងពីររូបនេះ បាន​ថ្លែងទៅកាន់ អ្នកគាំទ្រដ៏ច្រើនលើលលប់របស់ខ្លួន នៅទីនោះដោយខ្លីថា «ខ្ញុំនឹងនៅតែបន្ត ស្វែងរកយុត្តិធម៌ ជូន​ប្រជាពលរដ្ឋខ្មែរ»។ បន្ទាប់ពីថ្លែងសារដ៏ខ្លីនេះហើយ លោកសម រង្ស៊ី និងលោក កឹម សុខា បានបន្តដំណើររបស់ខ្លួន ទៅទីស្នាក់ការ​គណបក្សសង្រ្គោះជាតិនៅចាក់អង្រែ។ តែលោកមិនបានបញ្ជាក់អ្វីច្រើនឡើយ ពីការសម្រេច​របស់​តុលាការ ថាយ៉ាង​ម៉េចនោះទេ។

ការថ្លែងរបស់លោក បានធ្វើឡើងក្រោមសម្លេងអបអរ យ៉ាងក្លៀវក្លា ពីសំណាក់ប្រជាពលរដ្ឋមិនតិចជាងប្រាំមួយ​ពាន់នាក់ទេ ដែលឈរនៅទីនោះ ដើម្បីរងចាំការប្រកាសលទ្ធផល ដោយពួកគាត់រំពឹងទុកថា​តុលាការនឹងផ្តល់​យុត្តិធម៌ជូនមេដឹកនាំប្រឆាំងទាំងនេះ។

សូមបញ្ជាក់ដែរថា បន្ទាប់ពីវត្តមានរបស់លោកសម រង្ស៊ី ចាប់ពីម៉ោងជាង ៩ព្រឹក ចរាចរណ៍នៅមុខសាលាដំបូង​រាជធានី ត្រូវបានបិទទាំងស្រុង ដោយសារតែចំនួនមនុស្សច្រើនកកកុញ បានប្រមូលផ្ដុំគ្នាកាន់តែច្រើនឡើងៗ នៅលើផ្លូវចាប់ពីរង្វង់មូលនាងគង្ហីង ដល់អាងទឹកស្តាតអូឡាំពិក។

បើទោះបីជាស្ថិតនៅក្រោមកំដៅថ្ងៃក្តៅយ៉ាងណាក៏ដោយ ក៏ក្រុមអ្នកតវ៉ាទាំងនោះ នៅតែរក្សានូវទឹកមុខញញឹម និងសម្រែក ចង់បានទាមទារនូវយុត្តិធម៌ ដល់មេគណបក្សប្រឆាំងទាំងពីរ និងសំរាប់ជនរងគ្រោះទូទៅ។ លើសពី​នេះទៅទៀត ក្រុមប្រជាពលរដ្ឋទាំងនោះ បានសម្ដែងសេចក្ដីសង្ឃឹមថា ចាប់ពីថ្ងៃនេះតទៅ តុលាការ នឹងឯករាជ្យ នឹងអាចរកយុត្តិធម៌ជូនជនរួមជាតិទាំងអស់ ដោយមិនស្ថិតនៅក្រោមការបង្គាប់បញ្ជា ពីខាងក្រុមណាមួយឡើយ។

សូមបញ្ជាក់លោក សម រង្ស៊ី លោកកឹម សុខា និងលោករ៉ុង ឈុន ត្រូវបាន អយ្យការអមសាលាដំបូង​រាជធានី​ភ្នំពេញ​ ចេញដីការកោះហៅអោយទៅបំភ្លឺ នៅសាលាដំបូងរាជធានីភ្នំពេញកាលពីថ្ងៃទី០៤ ខែមករា ពីបទញុះញង់អោយ​មានអំពើហិង្សា ក្នុងអំឡុងពេលកម្មករធ្វើបាតុកម្ម-កូដកម្មនាពេលថ្មីៗនេះ។ដែលកោះហៅនេះធ្វើឡើង បន្ទាប់ពី​មានករណីប៉ះទង្គិចដោយហិង្សា រវាងកងកម្លាំងសមត្ថកិច្ចរាប់រយនាក់ និងក្រុមកម្មករ ដែលតវ៉ាទាមប្រាក់ឈ្នួល​១៦០ដុល្លារ កាលពីថ្ងៃទី០២ និងទី០៣ ខែមករា នៅមុខរោងចក្រយ៉ាកជីង និងនៅមុខសួនឧស្សាហកម្ម កាណាឌីយ៉ា ផ្លូវវ៉េងស្រេង បណ្តាលឲ្យកម្មករ៥នាក់ស្លាប់ ជាច្រើននាក់ផ្សេងទៀតរងរបួស និងមួយចំនួនទៀតត្រូវបានចាប់ខ្លួន។

-----------------------------------------------
ដោយ ក. ចាន់នីតា និង អ៊ុម វ៉ារី (ទំនាក់ទំនង៖ [email protected]) - ភ្នំពេញ ថ្ងៃទី១៤ ខែមករា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...