ប្រតិកម្ម​​ដាក់​សម្ពាធ ឲ្យ​ស្វែង​រក​ព្រះសារីរិកធាតុ​មាន​កាន់​តែ​ខ្លាំង

រហូតមកដល់ពេលនេះក្រសួងមហាផ្ទៃ ក៏ដូចជាសមត្ថកិច្ចជំនាញ នៅតែមិនទាន់រកឃើញព្រះសារិរិកធាតុនៅឡើយទេ ខណៈមហាជនទូទៅគ្រប់ស្រទាប់វណ្ណៈ សម្តែការខកចិត្ត និងដាក់សម្ពាធកាន់ខ្លាំងឡើងលើសមត្ថកិច្ច និងអ្នកទទួលខុសត្រូវផ្សេងទៀត ត្រូវតែចាត់វិធានការម៉ឺងម៉ាត់ ស្វែងរកព្រះសារីរិកធាតុយកត្រឡប់មកវិញ ឲ្យបានឆាប់បំផុត។
Loading...
  • ដោយ: អ៊ុំ បូរី
  • កែប្រែចុងក្រោយ: December 17, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រហូតមកដល់ពេលនេះក្រសួងមហាផ្ទៃ ក៏ដូចជាសមត្ថកិច្ចជំនាញ នៅតែមិនទាន់រកឃើញព្រះសារិរិកធាតុ​នៅ​ឡើយទេ ខណៈមហាជនទូទៅគ្រប់ស្រទាប់វណ្ណៈ សម្តែការខកចិត្ត និងដាក់សម្ពាធកាន់ខ្លាំងឡើងលើសមត្ថកិច្ច និងអ្នកទទួលខុសត្រូវផ្សេងទៀត ត្រូវតែចាត់វិធានការម៉ឺងម៉ាត់ ស្វែងរកព្រះសារីរិកធាតុយកត្រឡប់មកវិញ ឲ្យបានឆាប់បំផុត។


ព្រះ​សក្យមុនីចេតិយសម្រាប់រក្សាព្រះសារីរិកធាតុ នៃព្រះសាមណគោតម នៅលើភ្នំឧត្តុង ខេត្តកំពុងស្ពឺ។ (រូបថត Maria)

ព្រះសារីរិកធាតុ - ក្រោមតំណក់ទឹកភ្លៀងស្រិចៗ ព្រះសង្ឃ និងប្រជាពលរដ្ឋច្រើនរយអង្គ-អ្នក នៅព្រឹកថ្ងៃទី១៧ ខែធ្នូ ឆ្នាំ២០១៣ នេះបាននាំគ្នាដើរដង្ហែក្បួន ទៅកាន់វត្តឧណ្ណាឡោម សាលសន្និសីតចតុមុខ និងក្រសួងធម្មការ និងសាសនា ដើម្បីទាមទារឲ្យមានអ្នកទទួលខុសត្រូវ និងការស្វែងរកត្រឡប់មកវិញ នូវទ្រព្យសម្បត្តិដ៏មាន​តម្លៃ​របស់ជាតិ និងសាសនា។

ជាមួយគ្នានេះអ្នកដង្ហែក្បួនក៏បានចោទប្រកាន់ សម្តេចព្រះសង្ឃរាជ ទេព វង្ស នៃគណៈមហានិកាយ ពីអសមត្ថភាព​របស់ព្រះអង្គ ក្នុងការស្វែងរកព្រះសារីរិកធាតុ។ ហើយក្បួនដង្ហែដដែលនេះ ក៏បានលាយឡំជាមួយនឹង​រូបភាព​នយោបាយផងដែរ ដោយពួកគេ ក៏បានទាមទារឲ្យលោកនាយករដ្ឋមន្រ្តី ហ៊ុន សែន ចុះចេញចេញពីតំណែង និង​ត្រៀមរៀបចំការបោះឆ្នោតឡើងវិញផងដែរ។

បន្ទាប់ដាក់គំនៀបកាន់តែខ្លាំងឡើងៗ របស់ពួកអ្នកដង្ហែក្បួនទៅលើគណៈសង្ឃសំខាន់ៗ និងមន្ត្រីជាន់ខ្ពស់​នៃ​ក្រសួងធម្មការ ដែលពួកគេកំពុងចូលរួមប្រជុំ នៅក្នុងសាលសន្និសីទចតុមុខ ព្រះសង្ឃ ឃឹម សន ជាមេគុណ​រាជធានីភ្នំពេញ ដែលទំនងជាចង់ឲ្យស្ថានការណ៍បានធូរស្រាល បានសន្យាជាមួយអ្នកដង្ហែក្បួនថា នឹងធ្វើសេចក្តី​ថ្លែងការណ៍មួយ ទាមទារអោយរដ្ឋាភិបាលស្វែងរកព្រះសារីរិកធាតុ ដែលបានបាត់កាលពីពេលថ្មីៗនេះ។

ទាក់ទងនឹងការបាត់ព្រះសារិរិកធាតុនេះ តាមរយៈសេចក្តីថ្លែងការណ៍មួយសន្លឹកចុះថ្ងៃទី១៦ ខែធ្នូ ឆ្នាំ២០១៣ សម្តេចក្រុមព្រះនរោត្តមរណឫទ្ធិ បានមានព្រះរាជព្រះបន្ទូលថា ព្រះអង្គ សោកស្តាយ​ចំពោះការបាត់បង់​ព្រះសារីរិកធាតុនេះ ដែលព្រះអង្គចាត់ទុកថា ជារតនៈវត្ថុដ៏មានជ័យមង្គលត្រជាក់ត្រជុំ សិរីសួស្តី និងមាន​តេជះបារមី សំបូររុងរឿង សម្រាប់កម្ពុជា។ ហើយព្រះអង្គ ស្នើឲ្យរដ្ឋាភិបាលចាត់វិធានការម៉ឺងមាត់ ចំពោះអ្នក​ដែលបានប្រព្រឹត្តបទល្មើស និងស្នើឲ្យក្រសួងពាក់ព័ន្ធទទួលខុសត្រូវ ចំពោះការបាត់ព្រះសារីរិកធាតុនេះ។

គួររម្លឹកថា ព្រះសារីរិកធាតុ និងវត្ថុបុរាណមានតម្លៃផ្សេងទៀត ដែលតម្កល់ទុកនៅក្នុងព្រះសក្យមុនីចេតិយ លើភ្នំ​ព្រះរាជទ្រព្យ (ភ្នំឧដុង្គ) ក្នុងស្រុកពញាឮ ខេត្ដកណ្ដាល ត្រូវបានគេដឹងថា មានជនសង្ស័យមួយក្រុមបានចូលលួច កាលពីម៉ោង ១យប់រំលងអាធ្រាត្រ ឈានចូលថ្ងៃ ទី១០ ខែធ្នូ ឆ្នាំ២០១៣កន្លងទៅ ខណៈនៅទីនោះក៏ត្រូវ​បាន​គេ​ដឹងថា មានវត្តមានឆ្មាំចាំយាមកាមផងដែរ។

ចំពោះករណីបាត់ព្រះសារីរិកធាតុនេះ តុលាការខេត្តកណ្តាលកាលពីពេលថ្មីៗនេះ ត្រូវគេដឹងថា បានសម្រេច​ឃុំខ្លួនជនសង្ស័យចំនួនប្រាំនាក់ ដែលភាគច្រើនជាឆ្មាំយាមកាម នៅព្រះសក្សមុនីយចេតិយ ខណៈពួកគេបាន​បដិសេធចំពោះការពាក់ព័ន្ធនឹងបទល្មើសនេះ។

---------------------------------------
ដោយ៖ អ៊ុំ បូរី - ភ្នំពេញ ថ្ងៃទី១៧ ខែធ្នូ ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ conta[email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...