រដ្ឋសភាជាតិនីតិកាលទីប្រាំ ត្រូវបានចាប់ដំណើរការការងាររបស់ខ្លួន ក្រោមព្រឹទ្ធសមាជិក ធ្វើការផ្តល់សេចក្តីទុកចិត្ត ក្នុង​ការជ្រើសរើសប្រធាន អនុប្រធានទី១,ទី២ នៃរដ្ឋសភា ប្រធាន និងអនុប្រធានគណកម្មការជំនាញទាំងអស់នៃរដ្ឋសភា និង​ផ្តល់សេចក្តីទុកចិត្តចំពោះរាជរដ្ឋាភិបាល និងការថ្លែងសន្ទរកថារបស់លោក ហ៊ុន សែន ជានាយករដ្ឋមន្រ្តី​អាណត្តិ​ទី​ប្រាំ​នៃ​រដ្ឋសភា ប្រកាសនូវកម្មវិធីនយោបាយ។

រដ្ឋសភានៃអ្នកតំណាងរាស្ត្រពីគណបក្សប្រជាជនកម្ពុជា ជាមួយព្រះមហាក្សត្រ ថ្ងៃទី២៣ខែកញ្ញា នៅពីមុខអាគាររដ្ឋសភា។ (រូបថត MONOROOM.info/ O.vary)

រាជធានីញភ្នំពេញ - រាល់ការអនុម័តក្នុងការជ្រើសរើសប្រធាន អនុប្រធានទី១,ទី២ នៃរដ្ឋសភា ប្រធាន និងអនុប្រធាន​គណកម្មការជំនាញទាំងអស់ នៃរដ្ឋសភា និងផ្តល់សេចក្តីទុកចិត្តចំពោះរាជរដ្ឋាភិបាលធ្វើឡើងតាមរយៈ«វិធីលើកដៃ» ដោយយកមតិ«ភាគច្រើនដាច់ខាត» នៃចំនួនសមាជិករដ្ឋសភាទាំងមូល។ ការប្រកាសខាងលើនេះ ដោយយោងទៅតាម មាត្រាបីនៃច្បាប់រដ្ឋធម្មនុញ្ញបន្ថែម ដើម្បីដាក់ឲ្យមានដំណើរការនៃមាត្រា៨២ថ្មី និងមាត្រ១១៩ថ្មីនៃរដ្ឋធម្មនុញ្ញ។

ក្នងកិច្ចអនុម័តជ្រើសរើសខាងលើ លោក ហេង សំរិន ជាបើជាប្រធានរដ្ឋសភា លោកងួន ញិល ជាអនុប្រធានទីមួយ និង​លោកស្រី ឃួន សុដារី ជាអនុប្រធានទីពីរ នីតិកាលទីប្រាំនៃរដ្ឋសភា។ និងការផ្តល់សេចក្តីទុកចិត្តលើលោក ហ៊ុន សែន ជា​នាយករដ្ឋមន្រ្តីអាណត្តិទីប្រាំជាបន្តរ ដោយសម្លេងគាំ៦៨លើ៦៨ នៃសម្លេងទាំងអស់ដែលមកពីគណបក្ស​ប្រជាជនកម្ពុជា​តែមួយ។

របបនយោបាយ អនុវត្តតាមគោលការសេរីពហុបក្ស ដែលមានប្រជាពលរដ្ឋជាម្ចាស់វាសនាប្រទេសជាតិ និងជាម្ចាស់ឆ្នោត ព្រមទាំងឈរលើមូលដ្ឋានច្បាប់រដ្ឋធម្មនុញ្ញ បទបញ្ជាផ្ទៃក្នុង ព្រមទាំងគោរពតាមច្បាប់នានា ដែលមានជាធរមានក្នុងនាម ជាប្រធានរដ្ឋសភានីតិកាលទីប្រាំ។ នេះជាកាលើកឡើងដោយលោក ហេង សំរិន ប្រធារដ្ឋសភានីតិកាលទីប្រាំ។

លោក ហ៊ុន សែន ដែលជានាយករដ្ឋមន្រ្តីអាណត្តិទីប្រាំ បានលើកឡើងពីបញ្ហានៃការបង្កើតសភាថ្មីនេះថា គ្មាននណាម្នាក់​អាចមករារាំង ក្នុងកិច្ចដំណើរការរបស់រដ្ឋសភាបាននោះទេ ហើយក៏គ្នាននណាម្នាក់ដែលជាចំណាប់ខ្មាំងនោះដែរ។ «ការ​បង្កើតរដ្ឋសភាក្រោមដំបូលសភាតែមួយ ដោយមានវត្តមានព្រះមហាក្សត្រ ក្នុងកិច្ចបើកសម័យប្រជុំសភានេះ»៕

---------------------------------------------------------
ដោយៈ អ៊ុម វ៉ារី - ភ្នំពេញថ្ងៃទី២៤ កញ្ញា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ