រៀលម៉ាឌ្រីដ ដាក់​លក់​អាវ​លេខ​១១ របស់​ប៊េល មុន​ប្រកាស​ផ្លូវ​ការ

ក្លិបអធិរាជស រៀលម៉ាឌ្រីដ (Real Madrid) បានតាំងបង្ហាញលក់នូវអាវលេខ១១ ដែលមានឈ្មោះខ្សែបម្រើស្លាបជម្រើសជាតិវ៊ែល ហ្គារែត ប៊េល (Gareth Bale) កាលពីថ្ងៃព្រហស្បតិ៏ ខណៈការទិញក្នុងតម្លៃកំណត់ត្រាពិភពលោក សម្រាប់កីឡាករក្រុមទតិនហេម (Tottenham) រូបនេះ បានឈានជិតដល់ដំណាក់កាលបញ្ចប់រួចរាល់ហើយ។
Loading...
  • ដោយ: វិន ជីវ័ន្ត
  • កែប្រែចុងក្រោយ: August 23, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្លិបអធិរាជស រៀលម៉ាឌ្រីដ (Real Madrid) បានតាំងបង្ហាញលក់នូវអាវលេខ១១ ដែលមានឈ្មោះខ្សែបម្រើ​ស្លាប​ជម្រើស​ជាតិអង់គ្លេសខាងលិច ហ្គារែត ប៊េល (Gareth Bale) កាលពីថ្ងៃព្រហស្បតិ៏ ខណៈការទិញក្នុងតម្លៃកំណត់ត្រាពិភពលោក សម្រាប់កីឡាករក្រុមទតិនហេម (Tottenham) រូបនេះ បានឈានជិតដល់ដំណាក់កាលបញ្ចប់រួចរាល់ហើយ។


កីឡាករ ហ្គារែត ប៊េល ពេលនៅទាត់ឲ្យក្រុមទតិនហេម។

ការចចារគ្នា រវាងក្លិបយក្សរបស់អេស្ប៉ាញ និងក្លិបបច្ចុប្បន្នរបស់ប៊េល ទតិនហេម ហតស្ពឺ (Tottenham Hotspur) សម្រាប់​ការផ្ទេរដ៏ធំនេះ ត្រូវបានគេជឿថានឹងអាចឈានដល់ដំណាក់ការមួយព្រមព្រៀងគ្នា។ ប៉ុន្តែទោះជាយ៉ាងណា កីឡាករវ័យ​២៤ឆ្នាំ មិនទាន់ធ្វើដំណើរទៅកាន់កីឡាដ្ឋាន បឺណាប៊ូ (Bernabeu) នៅឡើយទេ។

ប្រភពពត៌មានដ៏ធំមកពីទីក្រុងម៉ាឌ្រីដ ម៉ាកា (Marca) និង អេអេស (As) បានចេញផ្សាយពីគេហទំព័រផ្លូវការ​របស់ក្លិប​រៀលម៉ាឌ្រីដ ថាពួកគេបានបង្ហាញលក់នូវអាវរបស់ប៊េល ដែលមានលេខ១១ នៅក្នុងក្រុម។ ប៉ុន្តែលុះដល់ពេលល្ងាច គេហទំព័ររបស់ក្លិប ក៏បានលុបចោលវិញ។

កាសែតអេអេស បានចេញផ្សាយថា ការដាក់លក់ទំនិញនៅក្នុងហាង ជាការគ្រប់គ្រងដោយយីហោរ ដែលឧបត្ថម្ភដល់ក្លិប អេឌីដាស់ (Adidas) ហើយមិនមែនក្លិបជាអ្នកគ្រប់គ្រងទេ។

តាមសេចក្តីរាយការណ៏ ប៊េលនឹងផ្ទេរទៅកាន់ក្រុមម្ចាស់ជើងឯកកំពូលរបស់អ៊ឺរ៉ុប ៩សម័យកាល ក្នុងតម្លៃមួយខ្ពស់​ជាង​តម្លៃ ៨០លានផោន (១២៣.៦លានដុល្លា, ៩៣.២លានអ៊ឺរ៉ូ) ដែលក្លិបរៀលម៉ាឌ្រីដ ទិញយកគ្រីស្ទែណូ រ៉ូណាល់ដូ (Cristiano Ronaldo) មកពីក្រុមម៉ែនញូ (Manchester United) កាលពីឆ្នាំ២០០៩ ទៅទៀត។

គួររំឮកថា កាលពីឆ្នាំមុន ក្លិបរៀលម៉ាឌ្រីដ ក៏បានដាក់បញ្ចូលឈ្មោះកីឡាករក្រូអាត លូកាស ម៉ូឌ្រិក (Luka Modric) ជា​កីឡាករក្នុងក្រុមនៅក្នុងគេហទំព័ររបស់ក្លិប មុនពេលដែលពួកគេមិនទាន់ទិញបានផងដែរ។ ប៉ុន្តែក្លិបអេស្ប៉ាញមួយនេះ បានធ្វើការបកស្រាយថា នោះជាទង្វើរបស់ពួកហែកឃឺ (hackers)។

គ្រូបង្វឹកក្រុមស្ពឺ លោក អេនដ្រេ វីឡាសបូអាស (Andre Villas-Boas) បានធ្វើការបដិសេធម្តងទៀត ក្នុងការបំភ្លឺចំពោះរឿង​អនាគតរបស់ខ្សែបម្រើ ប៊េល។

គ្រូបង្វឹកវ័យក្មេង ៣៥ឆ្នាំរូបនេះ បាននិយាយកាលពីថ្ងៃព្រហស្បតិ៏ ខណៈដែលក្រុមស្ពឺ យកឈ្នះ៥-០ លើក្រុមឌីណាម៉ូ ធីប៊ីលីស៊ី (Dinamo Tbilisi) ក្នុងការប្រកួតពានរង្វាន់ អ៊ឺរ៉ូផាលីក (Europa League) ថា៖ «ខ្ញុំមិនអាចនិយាយអ្វីទាំងអស់ ចំពោះអនាគតរបស់គាត់ ព្រោះគោលជំហររបស់ខ្ញុំនៅតែដដែល ខ្ញុំចង់ឲ្យគាត់នៅបន្ត។ ប៉ុន្តែខ្ញុំមិនអាចធ្វើការសម្រេចចិត្ត​តែម្នាក់ឯងបានទេ៕»

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២៣ ខែសីហា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...