ចិនជាន់គ្នានៅសៀងហៃ នាយប់ឆ្លងឆ្នំា អាជ្ញាធរបដិសេធការបាចលុយ
ព្រឹត្តការណ៍នៃការរត់ជាន់គ្នាស្លាប់ នៅយប់ថ្ងៃឆ្លងឆ្នាំ ២០១៤ ចូលឆ្នាំ ២០១៥នេះ បណ្តាលមកពីបណ្ដាជន ដែលនាំគ្នាទៅកំសាន្ដនៅតំបន់នោះ បានព្យាយាមរត់ទៅរើសយកលុយដុល្លារក្លែងក្លាយ ដែលត្រូវបានបាចចេញពីកន្លែងមួយ នៃទីប្រជុំជននោះ។ នេះបើយោងតាមព័ត៌មាន ដែលផ្សព្វផ្សាយតៗគ្នា នៅតាមបណ្ដាញសង្គម និងប្រព័ន្ធផ្សព្វផ្សាយនានា ដែលបានធ្វើសេចក្ដីរាយការណ៍ភ្លាមៗ ក្រោយពេលកើតហេតុ។ បុរសម្នាក់ ដែលអះអាងនៅក្នុងហេតុការណ៍នោះ ក៏បានថ្លែងឡើងដូចគ្នាថា លុយក្លែងក្លាយ ត្រូវបានគេទម្លាក់ចុះពីខាងលើ តាមផ្លូវដែលគេកំពុងប្រារព្ធពិធីចូលឆ្នាំថ្មី ហើយមានមនុស្សជាច្រើនបានប្រញាយ រត់ទៅយកលុយ ដែលបានបង្កការរត់ជាន់គ្នានោះ។
ហេតុការណ៍បានកើតឡើង នៅលើទីលាន Bund មាត់ទន្លេ នៃក្រុងសៀងហៃ ដែលសម្បូរទៅដោយទេសចរណ៍ [...]
