តិចសាស៖ ឈ្លោះគ្នាក្នុងហាង ចេញមកបាញ់គ្នានៅខាងក្រៅ ស្លាប់៩នាក់
បើតាមបណ្ដាញផ្សព្វផ្សាយ នៅក្នុងតំបន់ បានឲ្យដឹងថា អ្នកបើកម៉ូតូចំនួន៩នាក់ បានស្លាប់។ ស្រង់សម្ដីដោយទូរទស្សន៍ KWTX (ផ្នែកមួយ របស់ទូរទស្សន៍ CBS) នាយនគរបាល លោក ប៉ាទ្រិក ស្វានថុន (Patrick Swanton) បានឲ្យដឹងថា អំពើហិង្សាបានផ្ទុះឡើង រវាងក្រុមអ្នកជិះម៉ូតូបីក្រុម ដែលមិនចុះសម្រុងគ្នា នៅលើចំណតរថយន្ដ នៃភោជនីយដ្ឋានមួយ។
នាយនគរបាលដដែល បានបន្តទៀតថា ដំបូងឡើយ សមាជិកមួយចំនួន របស់ក្រុមទាំងនេះ បានប្រើប្រាស់ត្រឹមតែ កាំភ្លើងគ្រាប់ជ័រ ច្រវ៉ាក់ និងកាំបិតប៉ុណ្ណោះ។ ប៉ុន្តែក្រោយមក ពួកគេបានដកកាំភ្លើង ចេញមករៀងខ្លួន ហើយបានបាញ់សំដៅគ្នា។
នគរបាលក្រុង វ៉ាកូ បានឲ្យដឹងទៀតថា ជម្លោះទំនងជាបានចាប់ផ្ដើម នៅក្នុងភោជនីយដ្ឋាន ដែលស្ថិតនៅក្នុងមជ្ឈមណ្ឌលពាណិជ្ជកម្មមួយ។ ភ្នាក់ងារនគរបាលមួយរូប បាននៅនឹងកន្លែងកើកតហេតុ ហើយបានឃើញមនុស្សទាំងនោះ បានចេញទៅចំណត់រថយន្ដ របស់មជ្ឈមណ្ឌល Central Texas Market [...]