(ជាកំណាព្យ បទកាកគតិ)
១. អានកើនប្រាជ្ញា ចារក្នុងគំនិត
ប្រសើរពេកពិត គំនិតក្នុងក្រៅ។
២. អានកើនប្រាជ្ញា ឃ្លាតឆ្ងាយពីខ្លៅ
អារម្មណ៍ហោះទៅ គោលដៅដែលចង់។
៣. អានច្រើនតម្រា សុទ្ធល្អផូរផង់
អានដោយផ្ចិតផ្ចង់ ស្ទួយខ្មែរឲ្យខ្ពស់។
៤. អានកើនប្រាជ្ញា ជួយស្តារឲ្យរស់
អក្សរខ្ពង់ខ្ពស់ វប្បធម៌អង្គរ។
----------------------------------------------
និពន្ធដោយ៖ យី ឆេងអ៊ួ (ប៉េង) - ភ្នំពេញថ្ងៃទី ១៣ ខែ សីហា ឆ្នាំ ២០១១
កែសម្រួលលើកទី២៖ ថ្ងៃទី ១១ ខែ ឧសភា ឆ្នាំ ២០១២
កាលពីថ្ងៃទី១២កក្កដានេះ ប្រទេសទាំង១០ នៅតំបន់អាស៊ីអាគ្នេយ៍ រួមទាំង ប្រទេសជប៉ុន សហគមអ៊ឺរ៉ុប ប្រទេសអាមេរិក និងប្រទេសចិន បានជួបគ្នានៅក្នុងកិច្ចប្រជុំកំពូលមួយ របស់សមាគមប្រជាជាតិ នៃភូមិភាគនេះ ហៅកាត់ថា អាស៊ាន (Asean)។ បណ្ដាអ្នកចូលរួម ដែលសុទ្ធសឹងជាថ្នាក់ដឹកនាំជាន់ខ្ពស់របស់ ប្រទេសផងខ្លួន បានបញ្ចេញរបាំរបៀបការទូត ដែលអ្នកតាមដាន យល់ឃើញថា វាមានចង្វាក់ដោយឡែក និងរៀងៗខ្លួន យកមកដាក់នៅលើតុ។ លោកប្រមុខការទូត ចិន បានសង្កត់ធ្ងន់ ចង់អោយមានកិច្ចប្រជុំទ្វេភាគី រវាងភាគីពាក់ព័ន្ធ ហើយបានផាត់ចេញ ការទាមទារតវ៉ារបស់ ជប៉ុន នៅក្នុង ជម្លោះលើផែនសមុទ្រ។ រីឯ លោកស្រីប្រមុខការទូតអាមេរិក បានយកចិត្តទុកដាក់ ទៅលើការរិះគន់ ទល់នឹងប្រទេសភូមា និងទៅលើការពង្រឹង ពីតួនាទីរបស់អាមេរិក នៅក្នុងតំបន់។
(បទកាកគតិ)
១. ក្មេងស្រលាញ់ម្តង ដល់ចាស់កោងខ្នង ស្រលាញ់ម្តងទៀត
ស្នេហ៍បែបសន្ទូង មិនអំពល់ញាតិ ស្រលាញ់មិនឃ្លាត
ស្នេហ៍មួយនឹងមួយ ។
២. ស្រលាញ់ច្រើនដង ស្រលាញ់ស្នេហ៍ស្នង មិនលំបាកព្រួយ
ស្នេហ៍ស្រែស្រូវខ្មែរ ជាពន្លកត្រួយ ស្នេហ៍មួយនឹងមួយ
មិនព្រួយឆ្លងអេដស៍ ។
៣. ស្រលាញ់ថ្នាក់ថ្នមថ្នាក់ ស្នេហ៍យើងពីរនាក់ ស្នេហ៍ចេះសង្កេត
ស្នេហ៍ស្មោះនឹងគ្នា ស្នេហ៍ឃ្លាតពីអេដស៍ ស្នេហ៍ចេះសង្កេត
ពិចារណ៍ស្នេហ៍ ។
៤. មុនស្រលាញ់ណាស់ លុះដល់វ័យចាស់ ក៏មិនប្រួលប្រែ
ស្នេហ៍បែបចៅចិត្ត គំនិតបែបខ្មែរ ឃុននារីស្នេហ៍
លុះថ្ងៃអវសាន្ត ។
(បទ កាកគតិ)
១. ប្រម៉ាត់ប្រម៉ង់ ប្រម៉ាត់នាំបង់ ប្រម៉ង់នាំបាត់
ប្រម៉ាត់ប្រម៉ង់ នាំខ្មែរខ្ចាយខ្ចាត់ រដ្ឋគួរទប់ស្កាត់
ប្រម៉ាត់ប្រម៉ង់ ។
២. កាលជំនាន់មុន ខ្មែរជួបស៊យស៊ុន ជួបរឿងខាតបង់
ប្រម៉ាត់ប្រម៉ង់ នាំគ្នាដើរស្កាត់ លួចគៃបំបាត់
ជីវិតក្មេងៗ ។
៣. ដល់ពេលឥលូវ ជួបរឿងអាស្រូវ ផ្អើលអស់គេងឯង
ប្រម៉ាត់ប្រម៉ង់ មិនចេះកោតក្រែង សម្លាប់ក្មេងៗ
វះយកក្រលៀន ។
៤. តើពិតឬទេ? សូមជួយជាតិខ្មែរ គ្រប់អស់កោះគៀន
រាវរកការពិត មនុស្សវះក្រលៀន កុំឲ្យបៀតបៀន
ខ្មែរតទៅទៀត ។
៥. [...]
កំណាព្យបទ កាកគតិ
១. 1. ព្រឹកព្រលឹមហើយ ឱមិត្តយើងអើយ កុំនៅអែអង់
រៀបខ្លួនទៅរៀន ដោយការផ្ចិតផ្ចង់ យើងដើរតម្រង់
ទៅឯសាលា ។
២. 2. យើងត្រូវចងចាំ គ្រប់អស់បណ្តាំ ពុកម៉ែយាយតា
ខំរៀនរាល់ថ្ងៃ សន្សំវិជ្ជា នឹងកើនប្រាជ្ញា
ភោគក្តារមិនក្រ ។
៣.3. ក្តារឈ្នួនសៀវភៅ រក្សាឲ្យនៅ គុណភាពឲ្យល្អ
ពុកម៉ែស្រលាញ់ ដោយចិត្តអំណរ ញាតិមិត្តសាទរ
ព្រោះយើងខំរៀន ។
----------------------------------------------
និពន្ធដោយ៖ យី [...]