លីវើភូល បំបាក់ថៃ ៣-០ ទៀត មុនត្រឡប់ទៅផ្ទះវិញ
ក្រុមយក្សរបស់អង់គ្លេស លីវើភូល (Liverpool) បានបន្តបង្ហាញពីទម្រង់ដ៏ល្អវិញហើយ នៅរដូវកាលនេះ បន្ទាប់ពីពួកគេប្រកួត៣ប្រកួតនៅអាស៊ី ឈ្នះទាំង៣ប្រកួត នឹងពុំឲ្យគូប្រកួតទាត់បញ្ចូលទីបានសោះ ខណៈដែលកាលពីយប់ថ្ងៃអាទិត្យ ពួកគេបានបំបាក់ក្រុមជម្រើសជាតិថៃ ៣-០ ទៀត នៅក្នុងកីឡាដ្ឋានជាតិ រ៉ាចាមាំងហ្គាឡា (Rajamangala Stadium)។
កីឡាករ ល្វីស ស្វារ៉េស របស់លីវើភូល នៅក្នុងការប្រកួតជាមួយថៃ។ (រូបថត news.cn)
ហង្សក្រហមបានប្រកួតមិត្តភាព៤ប្រកួតហើយ ប៉ុន្តែអ្វីដែលជាភាពអស្ចារ្យនោះ ពួកគេបានទទួលជ័យជំនះហើយ ហើយថែមទាំងការពារបានយ៉ាងល្អបំផុត មិនឲ្យក្រុមណាមួយទាត់ចូលទីវិញឡើយ (clean sheet)។
មុនធ្វើដំណើរមកកាន់អាស៊ី លីវើភូល បានលត់ក្រុមលីកក្រោមលំដាប់ទី២របស់អង់គ្លេស ប្រេសតុន (Preston) ៤-០។ បន្ទាប់មក [...]
