ប្រារព្ធបុណ្យ Halloween ដោយតែងខ្លួនជា«មនុស្សខ្មោច»ដូច... ស្វារ៉េស (vdo)
តើអ្នកមានយោបល់ឬទេ ខាងការរើសយកតួអង្គណាមួយ ដ៏គួរឲ្យខ្លាចជាងគេ មកធ្វើការតុបតែងមុខតាម ដើម្បីដើរបន្លាចគេឯង ក្នុងថ្ងៃបុណ្យ ហាឡូវីន? ប្រហែលជា តួអង្គខ្មោចបីសាច ក្នុងភាពយន្ដហូលីវូដ ឬនាងណាត ក្នុងភាពយន្ដថៃនិយាយពីខ្មោចស្លាប់តៃហោងទាំងកូនក្នុងផ្ទៃ ឬក៏ព្រាយកន្ទោងខៀវ ... អាបបង្ហោះក្បាលគ្មានខ្លួន។ល។ ឬបើនិយាយឲ្យខ្លី តួអង្គខ្លាចៗ មានរាប់មិនអស់ ដែលអាចឲ្យយើងធ្វើការជ្រើសរើស ដើម្បីតុបតែងមុខតាម។
ដោយឡែក ក្រុមមួយដែលដាក់ឈ្មោះហៅខ្លួនឯងថា Football Daily នៅលើគេហទំព័រចែកផ្សាយវីដេអូ យូធូប បែរជាជ្រើសរើសយកកីឡាករ ល្វីស៍ ស្វារ៉េស ដែលល្បីឈ្មោះ ខាងខាំកីឡាករគ្នាឯងនៅលើលានបាល់ទាត់ មកធ្វើការតុបតែងជា មនុស្សខ្មោច ដើម្បីដើរបន្លាចរាល់អ្នកដំណើរទៅវិញ។ ប៉ុន្តែជាមួយនឹងការរៀបចំយ៉ាងល្អនេះ [...]