រ៉ូណាល់ឌីញ៉ូ ចេញ​ក្បាច់​ការ៉ាតេ​ទាត់​ក្បាល​កីឡាករ ជំនួស​បាល់​ទាត់ (vdo)

បើទោះជាធ្លាក់ខ្លួន ទៅទាត់ឲ្យក្រុមបាល់ទាត់មួយ នៅប្រទេសម៉ិចស៊ិកក៏ដោយ ក៏ រ៉ូណាល់ឌីញ៉ូ (Ronaldinho) អតីត​កីឡាករ​របស់​ក្រុម​បាសឺឡូន និងក្រុមប៉ារីសរូបនេះ នៅតែបន្តទាក់ទាញចំណាប់អារម្មណ៍គេឯង ពាសពេញបណ្ដាញ​ផ្សព្វ​ផ្សាយ​ទៅ​ទៀត។
Loading...
  • ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី២៦ តុលា ២០១៤
  • កែប្រែចុងក្រោយ: October 27, 2014
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

កីឡាករជាតិប្រេស៊ីល រ៉ូណាល់ឌីញ៉ូ ដែល​មាន​អាយុ​៣៤ឆ្នាំ​ទៅ​ហើយ លែង​ជា​ចំណាប់​អារម្មណ៍​របស់​​ក្រុម​កីឡា​នានា នៅ​តំបន់​អ៊ឺរ៉ុប​ទៀត​ហើយ បើ​ទោះ​ជា​កីឡាករ​រូប​នេះ ធ្លាប់​ជា​តារា​ល្បី​ឈ្មោះ ដែល​ធ្លាប់​រះ​យ៉ាង​ត្រដែត​ត្រដឹម ក្នុង​ចុងទស្សវត្តន៍ ឆ្នាំ៩០ និង​នៅ​ដើម​ទស្សវត្តន៍​​ឆ្នាំ​​២០០០​​នោះ​ក៏​ដោយ។ ជា​ពិសេស​អ្នក​ដែល​ស្នេហា​វិស័យ​បាល់​ទាត់ ក្នុង​ជំនាន់​ថ្មី ទំនង​ជា​បាន​ភ្លេច​ឬ​មិន​ទាំង​ស្គាល់​កីឡាករ​រូប​នេះ ថែម​ទៀត​ផង។

ប៉ុន្តែកីឡាករខ្សែប្រយុទ្ធដ៏ជំនាញរូបនេះ នៅ​រក​បាន​ក្រុម​មួយ​ទៀត​ឈ្មោះ កឹរ៉េតារ៉ូ (Queretaro) ក្នុង​ប្រទេសម៉ិចស៊ិក ដើម្បី​បន្ត​អាជីព​របស់​ខ្លួន ហើយ​ថែម​ទាំង​បាន​បញ្ចេញ​សកម្មភាព ដើម្បី​ទាក់​ទាញ​ចំណាប់​អារម្មណ៍​គេ​ឯង​នោះ​ទៀត។ ក្នុង​ពេល​ជួប​ប្រកួត​ជា​មួយ​ក្រុម អាមេរីខា (Club America) កាល​ពី​ថ្ងៃ​អាទិត្យ រ៉ូណាល់ឌីញ៉ូ កីឡាករ​ខ្ញី​ចាស់​យើង ដែល​ត្រូវ​បាន​គេ​ផ្ដល់​រហស្សនាម​ក្នុង​ស្រុក​ ថា​ជា​«ស្វា​ប្រេស៊ីល» បាន​ទទួល​យក​បាល់​ពី​ខ្សែ​បម្រើ​របស់​ខ្លួន ដោយ​លើក​ជើង​ស្ដាំ​របស់​ខ្លួន​ខ្ពស់​ហួស​ប្រមាណ ហើយ​បាន​គ្រវាស​ជើង​នេះ​មួយ​ទំហឹង ទៅ​ចំ​មុខ​កីឡាករ​ប្រជែង បណ្ដាល​ការ​ប៉ះ​ទង្គិច​មួយ​កើត​ឡើង។

ការលើកជើងហួសប្រមាណ ហើយបង្កគ្រោះឲ្យកីឡាករប្រជែងបែបនេះ អាចទទួលបានកាតលឿង (ឬកាត​ក្រហមផង បើកីឡាកររងគ្រោះ មានរបួស) ប្រសិនជាកីឡាករ រ៉ូណាល់ឌីញ៉ូ ទាត់ឲ្យក្រុមណាមួយ ក្នុងទ្វីបអ៊ឹរ៉ុប។ ប៉ុន្តែអាជ្ញាកណ្ដាល នៅក្នុងការប្រកួតនេះ គ្រាន់តែបានផ្លុំកញ្ចែ ឲ្យទាត់បាល់ពិន័យធម្មតាប៉ុណ្ណោះ។ រីឯ​កីឡាករ​រងគ្រោះវិញ បែរជាងាកមកចាប់ដៃជាមួយ តារាបាល់ទាត់ខ្ញីចាស់ បើទោះជាខ្លួននៅកំពុងឈឺមុខ ព្រោះរង​ក្បាច់ទាត់ នៃសន្ទុះជើងឥតប្រណីនេះក៏ដោយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...