អ៊ឺរ៉ូ២០១៦៖ ហុងគ្រី លត់អូទ្រីសអតីតសម្ព័ន្ធភាពរបស់ខ្លួន ២-០
![អ៊ឺរ៉ូ២០១៦៖ ហុងគ្រី លត់អូទ្រីសអតីតសម្ព័ន្ធភាពរបស់ខ្លួន ២-០](http://monoroom.info/uploads/2016/06/20160614-twitter_autriche-hongrie.jpg)
- ដោយ: ជ័យវិបុល អត្ថបទ ៖ ជ័យវិបុល ([email protected]) - ប៉ារីស ថ្ងៃទី១៤ មិថុនា ២០១៦
- កែប្រែចុងក្រោយ: June 20, 2016
- ប្រធានបទ: អ៊ឺរ៉ូ ២០១៦
- អត្ថបទ: មានបញ្ហា?
- មតិ-យោបល់
-
ការប្រកួតរវាងប្រទេសជិតខាងទាំងពីរ បានប្រព្រឹត្តិទៅ នៅថ្ងៃអង្គារទី១៤ ខែមិថុនា ឆ្នាំ២០១៦នេះ ក្នុងកីឡាដ្ឋាននៃក្រុង «Bordeaux» ភាគខាងលិចប្រទេសបារាំង។ ជាការប្រកួតដំបូង សម្រាប់ជុំទីមួយ នៃវគ្គជម្រុះ របស់ពូល F ដែលជាពូលចុងក្រោយ និងមានបួនប្រទេស៖ ហុងគ្រី អូទ្រីស ព័រទុយហ្គាល និងអាយឡេន។
តាមពិតទៅ មិនមាននរណាម្នាក់រង់ចាំ ពីក្រុមជម្រើសជាតិហុងគ្រីមួយ ដែលត្រូវបានរៀបចំយ៉ាងល្អដូច្នេះឡើយ៖ ខ្សែការពាររឹងមាំ និងចេះឆ្លៀតឱកាសវាយលុកយ៉ាងរហ័ស ព្រមទាំងប្រកបដោយប្រសិទ្ធភាព។ នៅពាក់កណ្ដាលម៉ោងដំបូង ក្រុមអូទ្រីសវិញ មានឱកាសទាត់បញ្ចូលទីជាច្រើន តែមិនទទួលបានលទ្ធផលអ្វីទេ ដោយត្រូវឆ្លងកាត់ខ្សែការពារហុងគ្រី ជាពិសេសអ្នកចាំទីហុងគ្រី ដ៏ចាស់វស្សា។
គ្រាប់បាល់ទាំងពីរ បស់ក្រុមហុងគ្រី រកបានដោយកីឡាករ «Szalai» នៅនាទីទី៦២ និងកីឡាករ «Stieber» នៅនាទីទី៨៧។ នៅចំពោះគ្រាប់បាលទាំងពីរនេះ ក្រុមអូទ្រីសមិនមានប្រតិកម្មអ្វី គួរឲ្យកត់សម្គាល់ឡើយ។ ជាពិសេសទៅទៀតនោះ ក្រុមអូទ្រីសបានថយសមាជិក មកត្រឹមតែ១០នាក់ប៉ុណ្ណោះ នៅក្រោយគ្រាប់បាល់ទីមួយ របស់ហុងគ្រី (នៅនាទីទី៦៦)។
លទ្ធផលជាបណ្ដោះអាសន្នក្នុងពេលនេះ គឺក្រុមហុងគ្រីបានបីពិន្ទុ ក្រុមអូទ្រីសសូន្យពិន្ទុ។ គេត្រូវនៅរង់ចាំការប្រកួត រវាងក្រុមព័រទុយហ្គាល់ និងក្រុមអាយឡេន នៅយប់នេះ ដើម្បីដឹងពីលទ្ធផលចុងក្រោយ សម្រាប់ជុំទីមួយ នៃវគ្គជម្រុះបស់ពូល F។
» សូមទស្សនាវីដេអូ នៃការប្រកួតដោយសង្ខេបឡើងវិញ៖