Posts in ‘បាល់ទាត់’ Category

ប៉ុន្តែមុននឹងចុចចុះទៅដល់ក្រោម ដើម្បីទស្សនាវីដេអូផ្សាយផ្ទាល់នោះ សូមមេត្តាអានដោយយកចិត្តទុក​ដាក់​ថា ការផ្សាយផ្ទាល់នេះ ធ្វើឡើងក្នុងលក្ខណៈជាព័ត៌មាន ដើម្បីផ្ដល់ជូនទៅប្រិយមិត្ត ដែលស្រឡាញ់វិស័យកីឡា ជា​ពិសេស​កីឡាបាល់ទាត់ប៉ុណ្ណោះ។

វីដេអូនេះទៀតសោធ ក៏មិនត្រូវបានបង្កើត ផ្ទុក ឬដាក់ឲ្យស្ថិត​ក្រោម​ការ​ទទួល​ខុស​ត្រូវ​ ដោយ​​ទស្សនាវដ្ដី បុគ្គលិក​ទស្សនាវដ្ដី ឬក្រុមហ៊ុនផ្ដល់សេវាកម្ម បង្ហោះគេហទំព័រ​របស់ទស្សនាវដ្ដី (Hoster) ឡើយ។ តែ​វា​ជា​វីដេអូ ដែល​ទទួល​បាន​ពីការស្រាវជ្រាវ ស្វែងរកមកជូនប្រិយមិត្ត នៅតាមបណ្ដាញ​គេហទំព័រ​ម្ចាស់វីដេអូ ដែល​សុទ្ធ​សឹង​​ជា​គេហទំព័រ​​ស្របច្បាប់ ដូចជា «Youtube» ឬ «Filmon»ជាដើម។

មួយវិញទៀត ទស្សនាវដ្ដីនឹងមិនទទួលខុសត្រូវ ពីប្រក្រតីភាពនៃការផ្សាយវីដេអូនេះឡើយ ដោយហេតុថា វីដេអូ មិន​ស្ថិតក្រោមការគ្រប់គ្រង របស់ទស្សនាវដ្ដី។ ភាពមិនប្រក្រតីនៃវីដេអូនេះ [...]

ជាការផ្ទុះអំណរ នៅនាទីចុងក្រោយ របស់ប្រទេសបារាំង ដែលជាម្ចាស់ផ្ទះ រៀបចំការ​ប្រកួត​ដណ្ដើម​ពាន​រង្វាន់​អ៊ឺរ៉ុប សម្រាប់ឆ្នាំ ២០១៦។ បារាំង ត្រូវជួបប្រកួតបើកឆាក ជាមួយក្រុមជម្រើសជាតិ រ៉ូមានី ដែលមានអ្នកចាំទី និង​ខ្សែ​ការពារដ៏រឹងមាំ។ ភាពរឹងមាំ របស់ក្រុមរ៉ូមានីនេះ បានបង្ហាញច្បាស់ នៅក្នុងពាក់កណ្ដាលម៉ោងដំបូង។ ក្រុម​បារាំង​ដែលសម្បូរ​ដោយ​តារា​បាល់ទាត់​អន្តរជាតិ មានឱកាសបណ្ដើរបាល់ ទៅមុខទីរបស់រ៉ូមានី បានតិចតួច​បំផុត ខណៈ​ខាង​រ៉ូមានី បាននាំបាល់មកលលេង នៅមុខទីបារាំងញយដង និងថែមទាំងបង្ក​ការភ័យបុក​ពោះ​ដល់​បារាំង នៅ​នាទី​ដំបូង​នោះ​ផង។

បារាំងត្រូវរងចាំរហូដល់ពាក់កណ្ដាលម៉ោងទី២ នៅនាទីទី៥៨ ដោយទទួលបាល់ពីកីឡាករខ្សែបម្រើ ឌីមីទ្រី ប៉ៃយ៉េត (Dimitri Payet) កីឡាករខ្សែប្រយុទ្ធ អូលីវីយ៉េ ហ្សីរូ (Olivier Giroud) បានប្រើក្បាលរបស់ខ្លួន បុក​បាល់​បញ្ចូលទីរបស់រ៉ូមានី រកពិន្ទុឲ្យបារាំងបានមួយគ្រាប់មុន។ ប៉ុន្តែនៅ៧នាទីក្រោយ [...]

ទោះការប្រកួត នៅមិនទាន់ចប់ និងមិនទាន់ដឹងលទ្ធផលចាញ់ឈ្នះ ចុងក្រោយនៅឡើយ តែកីឡាករ​បាល់​ទាត់ជម្រើសជាតិ​កម្ពុជា ទទួលបានការលើកទឹកចិត្តយ៉ាងខ្លាំង រួចជាស្រេចហើយ ពីសំណាក់អ្នកគាំទ្រ​របស់​ខ្លួន។ ជាពិសេសគឺការគាំទ្រ លើកទឹកចិត្តពីសំណាក់ឧកញ៉ាម្នាក់ ទៅដល់កីឡាករ ប្រាក់ មុន្នីឧត្ដម ដែលរក​គ្រាប់​បាល់​បាន មួយគ្រាប់បន្ថែមទៀត ដោយទាត់បាល់ពិន័យ នៅនាទីទី៦០ និងដែលធ្វើឲ្យ​ក្រុម​កីឡាករ​កម្ពុជា នាំមុខ​ក្រុម​កីឡាករ ឆាយនីសតៃប៉ិ រហូតដល់ពិន្ទុ២ទល់នឹង០។

លោកឧកញ៉ា ហេង​ សិទ្ធី ​បាន​ប្រកាស នៅ​ក្នុង​គណនី​ហ្វេសបុក​ផ្ទាល់ខ្លួន​​ថា​ លោកនឹង​ឧបត្ថម្ភ​ទឹក​ប្រាក់ ចំនួន​មួយ​លាន​រៀល​ដល់​កីឡាករ​ ប្រាក់ មុន្នី​ឧត្តម​​​​ ដែល​ជាអ្នកទាត់​បាល់ពិន័យ បានសម្រេច។ ដើម្បីអាចទទួល​យក​ការឧបត្ថម្ភនេះបាន លោកឧកញ៉ា បានស្នើទៅកីឡាករ ដើម្បីធ្វើការទាក់ទង ទៅកាន់​ជំនួយ​ការ​របស់​លោក ដោយមានទាំងលេខទូរស័ព្ទផង។ ប៉ុន្តែលេខទូរស័ព្ទនេះ ត្រូវបានលប់ចេញទៅវិញ [...]

ផលិតកម្ម «Imaginew» ជំនាញខាងភាពយន្ដគំនូរជីវចល បានប្រកាសឲ្យដឹងថា លោក ចូស្សេ ម៉ូរ៉េញ៉ូ (José Mourinho) រហស្សនាម «Special One» នឹងបញ្ចូលសម្លេងរបស់លោក ទៅក្នុងតួអង្គនៃសម្ដេច​សង្ឃ​កាតូលីក ហ្វ្រង់ស៊័រ (François) សម្រាប់ភាពយន្ដមួយ ដែលផលិតឡើង ដើម្បីចូលរួមក្នុងពិធីបុណ្យ​ រំលឹក​ដល់​ការ​បង្ហាញ​ខ្លួន នៃ​ព្រះសាវ័ក «Vierge Marie (ក្នុងសាសនាគ្រឹស្ទ៍ ជាម្ដាយព្រះយ៉េស៊ូ)»។ ពិធីបុណ្យនេះ នឹង​ប្រព្រឹត្តិ​ទៅ នៅក្នុងក្រុង «Fatima» ស្ថិតនៅភាគកណ្ដាល​នៃប្រទេសព័រទុយហ្គាល។

លោក ម៉ូរ៉េញ៉ូ នឹងបញ្ចូលសម្លេងរបស់លោក ជាភាសាចំនួនបួន៖ ព័រទុយហ្គាល់ អង់គ្លេស អេស្ប៉ាញ៉ុល និង​អ៊ីតាលី ដែលសុទ្ធសឹងជាភាសា នៃប្រទេសដែលលោកធ្លាប់ចូលទៅធ្វើជាគ្រូបង្វឹក ឲ្យក្រុមបាល់ទាត់​ដ៏ល្បីៗ។

ការយកលោក ម៉ូរ៉េញ៉ូ មកបញ្ចូលសម្លេងនេះ មិនមែនចេះតែរើស ឲ្យតែបាន ឬដោយសារតែលោក​មាន​ឈ្មោះ​បោះ​សម្លេង នៅក្នុងពិភពបាល់ទាត់ប៉ុណ្ណោះទេ។ [...]

ទ្រាំមិនសរសើរមិនបាន។ ព្រោះជាបទពិសោធ ដែលលោក ហ្សីនឌីន ហ្សីដាន់ (Zinedine Zidane) បាន​ក្លាយ​ជាគ្រូបង្វឹកជាលើកដំបូង នៅក្នុងជីវិតរបស់លោក តែលោកបានដឹកនាំ​ក្រុមរៀលម៉ាឌ្រីត (Real Madrid) ឲ្យ​ទទួលបានជ័យជំនះ ឡើងទៅដល់វគ្គផ្ដាច់ព្រ័ត្រ នៃការប្រកួត ដណ្ដើមពានរង្វាន់ជើងឯកអ៊ឺរ៉ុប «Champions League» ឆ្នាំ២០១៦ បន្ទាប់ពីបានបំបាក់ក្រុម មេនឆេស្ទ័រស៊ីធី (Manchester City) កាលពីយប់ថ្ងៃពុធ នៅ​ក្នុង​កីឡាដ្ឋាន​ដ៏​ធំរបស់​ខ្លួន។ ក្រុមរៀលម៉ាឌ្រីត នឹងត្រូវទៅជួបជាមួយក្រុម អាត្លេទីកូម៉ាឌ្រីត (Atletico Madrid)  នៅ​ក្នុង​វគ្គផ្ដាច់ព្រ័ត្រ ដែលត្រូវរៀបចំធ្វើ នៅក្នុងក្រុង មីឡង់ (Milan)  ប្រទេសអ៊ីតាលី នាថ្ងៃទី២៨ ខែឧសភា​ខាង​មុខ​នេះ។ ក្រុម​ទាំងពីរ​នេះ ស្ថិតនៅម្ខាងម្នាក់ នៃរាជធានី ម៉ាឌ្រីត ប្រទេសអេស្ប៉ាញ។