Posts in ‘សម្រាំងបច្ចុប្បន្នភាព’ Category

យុវជន រីកាដូ រ៉ូម៉េរ៉ូ (Ricardo Romero) បាន​លា​ចាក​លោក​ទៅ ទាំង​នៅ​វ័យ​ក្មេង កាល​ពី​ថ្ងៃ​សុក្រ​កន្លង​មក​នេះ បន្ទាប់​ពី​យុវជន​ត្រូវ​បាន​ក្រុម​ជន​មួយ​ក្រុម​វាយ​ធ្វើ​បាប កណ្ដាល​ក្រុង​ញ៉ូយក (New York)។ ហេតុការណ៍​នេះ បាន​កើត​ឡើង ទំនង​ជា​បណ្ដាល​មក​ពី​យុវជន​រង​គ្រោះ បាន​ធ្លាក់​ចូល​ទៅ​ក្នុង​អន្ទាក់​មួយ ដែល​ត្រូវ​បាន​រៀបចំ​ឡើង ដោយ​យុវតី​រូប​ស្អាត​ ស៊ិចស៊ី​ម្នាក់ នៅ​លើ​បណ្ដាញ​សង្គម​ហ្វេសប៊ុក (Facebook)។

បើ​តាម​អ្នក​ជិត​ដិត​នឹង​យុវជន រ៉ូម៉េរ៉ូ បាន​ឲ្យ​ដឹង​ថា យុវជន​វ័យ​១៦​ឆ្នាំ មាន​ដើម​កំណើត​ម៉ិចសិក​រូប​នេះ ត្រូវ​បាន​ទាក់​ទាញ​នៅ​លើ​បណ្ដាញ​សង្គម ដោយ​ម្ចាស់​គណនី​មួយ ដែល​យុវជន​គិត​ថា ជា​យុវតី​រូប​ស្អាត​មាន​ឈ្មោះ​ថា ឈីគីតា អេនឌី (Chiquita Andy)។ បន្ដិច​ក្រោយ​មក យុវជន រ៉ូម៉េរ៉ូ បាន​យល់​ព្រម​ទៅ​ជួប«យុវតី អេនឌី»នេះ នៅ​យប់​ថ្ងៃ​សុក្រ នៅ​ក្នុង​បន្ទប់​មួយ​នៃ​សង្កាត់ ប្រ៊ុន (Bronx) [...]

ជម្លោះ​រវាង​អាជីវករ​លក់​ដូរ​បន្លែ និង​សន្តិសុខ​ពេទ្យ​កាល​ពី​ព្រឹក​ថ្ងៃ​ទី​២៣ ខែ​មករា​នេះ នៅ​មិន​ទាន់​អាច​សម្រួល​គ្នា​បាន​នៅ​ឡើយ រហូត​មក​ដល់​ម៉ោង​នេះ។ ស្ត្រី​ជា​ជន​រង​គ្រោះ មិន​ព្រម​ទទួល​សំណង​ដែល​ម្ចាស់​មន្ទីរ​ពេទ្យ ជួស​មុខ​ឲ្យ​សន្តិសុខ​បង្ក​របួស​ស្នាម បាន​បង់​ថ្លៃជំ​ងឺ​ចិត្ត​ឲ្យ​គាត់​នោះ​ទេ។

បន្ទាប់​ពី​មាន​ការ​ប្រតាយ​ប្រតប់​គ្នា ជា​មួយ​សន្តិសុខ​ពេទ្យ​ខាង​លើ​នេះ​រួច អ្នកស្រី សុផល ជា​ជន​រង​គ្រោះ​បាន​ទៅ​ប្តឹង​ប៉ូលីស នៅ​ប៉ុស្តិ៍​ផ្សារ​ដើម​គរ ដើម្បី​ធ្វើការ​ដោះ​ស្រាយ​ចំពោះ​ការ​បង្ក​របួស​ស្នាម​ដល់​អ្នកស្រី។ ស្ត្រី​រង​គ្រោះ បាន​ទាមទារ​សំណង​ដែល​សន្តិសុខ​របស់​ពេទ្យ បាន​ប្រើ​អំពើ​ហឹង្សា​មក​លើ​គាត់ ចំនួន ៥០០ដុល្លា​ពី​ម្ចាស់​មន្ទីរពេទ្យ ព្រោះ​ក្រោយ​ពី​សន្តិសុខ វាយ​ស្ត្រី​ជន​រង​គ្រោះ​នេះ​រួច ក៍​បាន​រត់​គេច​ខ្លួន​បាត់។

ការទាមទារសំណងចំនួន ៥០០ដុល្លា របស់អ្នកស្រី សុផល [...]

ការ​តវ៉ា​មួយ​បាន​កើត​ឡើង នៅ​ស្រុក​​​អូជ្រៅ ខេត្ត​បន្ទាយ​មាន​ជ័យ នៅ​ព្រឹក​ថ្ងៃ​ទី២៣ ខែ​មករា ឆ្នាំ​២០១៥ នេះ​ដើម្បី​សុំ​ឲ្យ​មន្រ្តី​ដែល​ជាប់​ពាក់​ព័ន្ធ ជា​ពិសេស​អភិបាល​ខេត្ត​បន្ទាយ​មាន​ជ័យ ឲ្យ​ជួយ​អន្តរាគមន៍​ក្នុង​ការ​ធ្វើ​ប្លង់​កម្មសិទ្ធិ​ឲ្យ​ប្រជា​ពលរដ្ឋ​ទាំង​១៥៦ គ្រួសារ នៅ​លើ​ទំហំ​ដី ៧៨០ហិចតា មាន​ដី​ជាប់​គ្នា​ពីរ​ភូមិ​គឺ​ភូមិ ថ្នល់​បត់ និង​ភូមិ បឹងស្នោ។ សុំ​ប្លង់​កម្មសិទ្ធិ​ដី ព្រោះ​ពលរដ្ឋ​ទាំង​នោះ គ្មាន​សិទ្ធ​ក្នុង​ការ​ប្រកប​អាជីវកម្ម​អ្វី​ផ្សេងៗ នៅ​លើ​ដី​ខ្លួន​ឯង​ឡើយ។

តំណាង​អ្នក​ភូមិ​ម្នាក់​លោក អ៊ុង តាំង បាន​ឲ្យ​ទស្សនាវដ្ដី​មនោរម្យ.អាំងហ្វូ​ដឹង​ថា លោក​និង​អ្នក​ភូមិ​ផ្សេង​ទៀត បាន​ដាក់​ពាក្យ​បណ្តឹង និង​សុំ​ការ​អន្តរាគមន៍​ពី​អភិបាល​ខេត្ត​ហើយ តែ​មិន​មាន​អ្នកណា​ម្នាក់​ចូល​រួម​ដោះ​ស្រាយ​នៅ​ឡើយ។ លោក​ថា ដំបូង​មាន​ការ​សម្បទាន​ដី​នៅ​ឃុំ ស្ល​ក្រាម [...]

សហគមន៍​ដែល​រង​គ្រោះ​នឹង​វិបត្តិ​ដី​ធ្លី​ចំនួន​៥ រួម​មាន​សហគមន៍​បឹង​កក់ បណ្តាញ​អតីត​បឹង​កក់ បុរី​កីឡា​៣​មករា ថ្ម​គោល និង​ព្រះ​វិហារ បាន​ដាក់​របាយ​ការណ៍ ឬញ​ត្តិ​ស្វែង​រក​អន្តរាគមន៍ ពី​លោក សូរិយា ប្រាសាទ ស៊ូប៊ែឌី ដើម្បី​ស្នើ​សុំ​ឲ្យ​លោក​ជួយ​អន្តរាគមន៍​ស្វែង​រក​ដំណោះ​ស្រាយ វិបត្តិ​ដីធ្លី​របស់​ពួក​គេ​ឲ្យ​បាន​ឆាប់​រហ័ស។

អ្នកស្រី យោម បុប្ផា តំណាង​សហគមន៍​បឹងកក់ បាន​ប្រាប់​ឱ្យ​ដឹង​ថា ញត្តិ​ដែល​ក្រុម​សហគមន៍​យក​មក​ដាក់​ជូន អ្នក​រាយការណ៍​ពិសេស របស់​អង្គការ​សហ​ប្រជាជាតិ ទទួល​បន្ទុក​ផ្នែក​សិទ្ធិ​មនុស្ស​នៅ​កម្ពុជា លោក សូរិយា ប្រាសាទ ស៊ូប៊ែឌី គឺ​ជា​របាយការណ៍​មួយ អំពី​ការ​អភិវឌ្ឍន៍ ដែល​រដ្ឋាភិបាល​រំលោភ​បំពាន យក​ដី​ធ្លី​ប្រជា​ពលរដ្ឋ​តាម​សហគមន៍​នីមួយៗ ដើម្បី​ឱ្យ​លោក សូរិយា ប្រាសាទ ស៊ូប៊ែឌី ជួយ​អន្តរាគមន៍​ឱ្យ​រដ្ឋាភិបាល ជួយ​ដោះ​ស្រាយ​បញ្ហា​ជា​មួយ​ប្រជា​ពលរដ្ឋ។

នេះមិនមែនជាលើកទីមួយទេ [...]

«ទោះ​ជា​ដើម​ទី​វា​មាន​ភាព​រអាក់​រអួល តែ​ខ្ញុំ​នឹង​ខិត​ខំ​ឱ្យ​មាន​ភាព​រលូន​ឱ្យ​ល្អ​ប្រសើរ ឱ្យ​មាន​បរិយាកាស​ឱ្យ​ប្រជារាស្រ្ត​បាន​សុខ» នេះ​​ជា​ការ​អះអាង​របស់​លោក សម រង្ស៊ី ក្នុង​ពេល​ដែល​លោក បាន​ទៅ​សួរ​សុខ​ទុក្ខ​ប្រជា​ពលរដ្ឋ​ជា​ច្រើន​នាក់ នៅ​ស្រុក​មេមត់ ខេត្ត​ត្បូង​ឃ្មុំ ក្នុង​ថ្ងៃ​ទី​២៣ ខែ​មករា​នេះ។ លោក​បាន​បញ្ជាក់​ថា លោក​នឹង​ខិតខំ​ក្នុង​ការ​រក្សា​វប្បធម៌​សន្ទនា ដែល​បាន​ព្រម​ព្រៀង​គ្នា​នា​ពេល​កន្លង​ទៅ នៅ​ស្រុក​មេមត់ ខេត្ត​ត្បូងឃ្មុំ នៅ​ថ្ងៃ​ទី​២៣ ខែ​មករា​នេះ។

ការ​ថ្លែង​អះអាង​របស់​ប្រធាន​គណបក្ស​សង្រ្គោះ​ជាតិ​រូប​នេះ ធ្វើ​ឡើង​បន្ទាប់​ពីលោកនាយករដ្ឋមន្រ្តី ហ៊ុន សែន បាន​ព្រមាន​​កាល​​ពី​ថ្ងៃទី១៩ ខែ​មករា​កន្លង​ទៅ ដាក់​បញ្ចប់​វប្បធម៌​សន្ទនា ជា​មួយ​គណបក្ស​ប្រឆាំង ដោយ​លោក​នាយក​រដ្ឋមន្ត្រី ចោទ​មេ​ដឹក​នាំ​ទាំង​ពីរ​របស់​គណបក្ស​ជំទាស់​មួយ​នេះ ថា​បាន​ក្បត់​កិច្ច​សន្យា​ក្នុង​រដ្ឋសភា [...]