Posts in ‘សម្រាំងបច្ចុប្បន្នភាព’ Category

«មេធាវីសិទ្ធិមនុស្ស ប្រឈមនឹងការជាប់ពន្ធនាគារ បន្ទាប់ពីសវនាការ ដ៏អយុត្តិធម៌»។ នេះជាចំណងជើង នៃសេចក្តី​ប្រកាស​ព័ត៌មានបន្ទាន់មួយ របស់មជ្ឃមណ្ឌលសិទ្ធិមនុស្សកម្ពុជា បន្ទាប់ពីសាលាដំបូង ខេត្តកណ្តាល សម្រេច​ផ្តន្ទា​ទោស​លោក មេធាវី ជូង ជូងីកាលពីថ្ងៃទី១៣ ខែមីនា ម្សិលម៉ិញនេះ។

ក្នុងសេចក្រីប្រកាសព័ត៌មានបន្ទាន់នោះ បានសរសេរថា៖ «មេធាវីសិទ្ធិមនុស្សលោក ជូង ជូងី ត្រូវបានផ្តន្ទាទោស បន្ទាប់​ពីសវនាការដ៏អយុត្តិធម៌ ពីបទ “ផ្ដល់មធ្យោបាយលួចរត់” តាមមាត្រា ៥៦៥ នៃក្រមព្រហ្មទណ្ឌ នៃព្រះ​រាជា​ណា​ចក្រ​កម្ពុជា ឆ្នាំ ២០០៩ បន្ទាប់ពីគាត់ បានជួយឲ្យកូនក្តីរបស់គាត់ ចេញពីពន្ធនាគារ។»

មជ្ឈមណ្ឌលសិទ្ធិមនុស្ស បានទទួលស្គាល់ថា លោក ជូង ជូងី ជាមេធាវីម្នាក់ ដែលហ៊ានចេញមុខការពារ ឬតំណាង​ឲ្យ​កូន​ក្តី​នយោបាយ សំខាន់ៗមួយចំនួន ដូចជា លោក សម រង្ស៊ី ដែលជាមេដឹកនាំ នៃគណៈបក្សសង្គ្រោះជាតិ ដែលជា​គណបក្ស​ប្រឆាំងដ៏ធំ [...]

ដើមបណ្ដឹង បានបន្ថែមបន្ទុក កាន់តែច្រើនឡើង ដាក់ទៅលើ ជនជាប់ចោទ ជាភេវរជន ដាក់គ្រាប់បែក កាលពីបីឆ្នាំមុន ហើយដែលអាចធ្វើឲ្យទម្ងន់ទោស ឈានទៅដល់ការប្រហារជីវិត។ នៅក្នុងសវនាការកាត់ទោស ជ័កហារ ត្សាណី (Djokhar Tsarnaev) អាយុ២១ឆ្នាំ ដែលបានចាប់ផ្ដើមតាំងពីថ្ងៃទី៤ ខែមីនាកន្លងទៅ ហើយគ្រោងនឹងបញ្ចប់ នៅខែ​មិថុនា​ខាងមុខនោះ សាក្សីមិនតិចជាង ៤០នាក់ ត្រឹមតែមួយថ្ងៃព្រហស្បត្តិ៍ កន្លងទៅនេះប៉ុណ្ណោះ បានចូលខ្លួន​មក​បន្ថែម​បន្ទុក កាន់​តែ​ច្រើន​ឡើង ទៅលើជនជាប់ចោទ។

រីឯខាងមេធាវីការពារក្ដីវិញ មិនបានជ្រើសរើស ការសួរនាំសាក្សីទាំងនោះ ដើម្បីជួយសម្រាលបន្ទុក ឲ្យកូនក្ដី​របស់​ខ្លួន​ទេ។ ខាងការពារក្ដី បាននិយាយទទួលស្គាល់ តាំងពីសវនាការថ្ងៃដំបូង ថា ជ័កហារ ត្សាណី ពិតជាត្រូវទទួលខុសត្រូវ ទៅ​លើ​ករណីភេវរកម្មនោះ។ ប៉ុន្តែបានអះអាងថា យុវជនម្នាក់នេះ បានធ្វើសកម្មភាព តាមការពន្យុះរបស់បងប្រុសខ្លួន តាមើឡាន ត្សាណី (Tamerlan Tsarnaev) [...]

យោងតាមព្រះរាជក្រឹត្យ លេខនស/រកត/០២១៥/១៣៩ ចុះថ្ងៃទី១៩ ខែកុម្ភៈ ឆ្នាំ២០១៥ លោក កឹម សុខុន ដែលជា​នាយ​នគរបាលជាតិ ជាន់ខ្ពស់ក្រសួងមហាផ្ទៃ អត្តលេខ១២៦៤៧ មានឋានន្តរស័ក្តិ ឧត្តមសេនីយ៍ទោ ផ្កាយ២ ត្រូវបាន​ដំឡើងឋានន្តរស័ក្តិ ថ្នាក់ឧត្តមសេនីយ៍ឯក មានផ្កាយ៣ពាក់លើស្មា។

បន្ទាប់ពីចុះចូល ជាមួយគណបក្សប្រជាជនកម្ពុជា លោក កឹម សុខុន ដែលជំនាញខាងរិះគន់ និងបកអាក្រាតកេរ្តិ៍ របស់​បងប្រុសបង្កើតរបស់ខ្លួន គឺលោក កឹម សុខា នោះ ត្រូវបានរដ្ឋាភិបាលកម្ពុជា តម្លើងតំណែងឱ្យជាលំដាប់។ លោក កឹម សុខុន ធ្លាប់ត្រូវបានតែងតាំង ជាអនុប្រធាន នាយកដ្ឋានកណ្តាលសន្តិសុខ ក្រសួងមហាផ្ទៃ តាមអនុក្រឹត្យរបស់​រដ្ឋាភិបាល ចុះថ្ងៃទី២២ ខែឧសភា ឆ្នាំ២០១៣ និងត្រូវបានតែងតាំង ជាទីប្រឹក្សារាជរដ្ឋាភិបាលនីតិកាល ទី៥នៃរដ្ឋសភា មាន​ឋានៈ​ស្មើរដ្ឋមន្ត្រី បន្ថែមលើមុខងារបច្ចុប្បន្ន ដោយព្រះរាជក្រឹត្យលេខ នស/រកត/១១១៣/១៣០៣ ចុះថ្ងៃទី២៦ ខែ​វិច្ឆិកា ឆ្នាំ២០១៣ ។ ក្រោយមកទៀត [...]

លោក ម៉ម សូណង់ដូ ប្រធានវិទ្យុសំបុកឃ្មុំ បានព្រមានថា នឹងប្តឹងអតីតបុគ្គលិក ដែលលោកបានបញ្ឈប់នោះ រួម​ទាំង​អ្នក​នៅពីក្រោយផង ទៅកាន់តុលាការ ពីបទមានចេតនា បំបិទសំឡេងវិទ្យុសំបុកឃ្មុំ។ លោក ម៉ម សូណង់ដូ បានចង្អុល ទៅប្រធានសហជីពប្រជាធិបតេយ្យ កម្មករកាត់ដេរកម្ពុជា លោក អាត់ ធន់ ថាជាអ្នកញុះញង់ និងនៅពីក្រោយការតវ៉ា របស់អតីតបុគ្គលិករបស់លោក។

ការថ្លែងរបស់លោក ម៉ម សូណង់ដូ បានធ្វើឡើង ក្នុងសន្និសិទសារព័ត៌មានមួយ កាលពីព្រឹកថ្ងៃទី១៣ ខែមីនា នេះ នៅ​ទីស្នាក់ការវិទ្យុសំបុកឃ្មុំ បន្ទាប់ពីក្រុមបុគ្គលិក បានធ្វើកូដកម្ម តាំងពីថ្ងៃទី១១ ខែមីនានេះ នៅលើទីតាំង ស្ថិតនៅ​បណ្តោយ​ផ្លូវ៨៦ BT ភូមិត្នោតជ្រំ សង្កាត់បឹងទំពុន ខណ្ឌមានជ័យ រាជធានីភ្នំពេញ។ ក្រុមបុគ្គលិកទាំងនោះ បានធ្វើការ​ទាមទារ​ឲ្យលោក លោក ម៉ម សូណង់ដូ បើកប្រាក់ខែសម្រាប់ខែកុម្ភៈ និងផ្តល់នូវប្រាក់អត្ថប្រយោជន៍ ទៅតាម​ច្បាប់​ការងារ នៅពេលបុគ្គលិកធ្វើការ [...]

អ្នកដែលបានឃើញ មានការភិតភ័យពីរដំបូង បែរជានាំគ្នា ត្រឡប់មកជាឆ្ងល់ទៅវិញ។ «ឆ្ងល់» អាចបណ្ដាលមក​ពីជន​រងគ្រោះម្ខាង  ជាជនពិកាសម្លេង(គ) ចំណែកភាគីម្ខាងទៀតសន្លប់ បញ្ជូនទៅកាន់មន្ទីពេទ្យ ហើយ«ប្ដូរវេន»គ្នាសន្លប់។ ករណីគ្រោះថ្នាក់ចររាចរណ៍នេះ បានកើតឡើង នៅវេលាម៉ោង ២រសៀល ថ្ងៃទី១៣ ខែមិនា ឆ្នាំ២០១៥ នៅតាម​បណ្តោយ​ផ្លូវ ម៉ៅសេងទុង ទល់មុខផ្សារឃ្លាំងរំសេវ ជិតហាងលក់ទូរស័ព្ទលីដា។

សាក្សីនៅកន្លែងកើតហេតុ បានប្រាប់អ្នកសារព័ត៌មានថា ដំបូងគេឃើញម៉ូតូធុនវេវ ពណ៍ក្រហម ពាក់ស្លាកលេខភ្នំពេញ 1AK-6155 បើកបរដោយបុរសម្នាក់ ក្នុងទិសដៅត្រង់ នៅលើផ្លូវធំ ស្រាប់តែមកដល់កន្លែងកើតហេតុ មានម៉ូតូមួយ​គ្រឿង​ទៀត ធុន វេស្ពា មីនី ពណ៍ខៀវគ្មានស្លាកលេខ បើកបរដោយស្រ្តីម្នាក់ ចេញពីផ្លូវតូច មកឡើងផ្លូវធំ បានបុកគ្នា​ពេញ​ទំហឹង។

ភ្លាមៗនោះ បុរសខាងងលើ បានសន្លប់បាត់ស្មារតី តែស្ត្រីភាគីម្ខាងទៀត នៅដើរបានធម្មតា។ តែពេលដែល​បុរស​នោះ​ដឹងខ្លូនវិញ [...]